عروس وابي نصيحتكم🥺

نصيحتي لك لاحد يدخل بينكم مشاكلكم لاتطلع برا البيت اسراركم بالبيت لو صار شي بينكم وتصالحتوا انتم تنسون والناس م تنسى

شكرا على النصيحه ياروحي❤️❤️

قبل لا تناقشينه او توافقين عليه اعرفي هل هو مناسب لج كزوج ؟ هل ينفع يكون أب صالح لعيالج في المستقبل؟ بذكر لج نقاط مهمة تساعدج تعرفينه أكثر:
- علاقته بربه وأخلاقه : يقول الرسول عليه الصلاة والسلام ( إذا أتاكم من ترضون دينه وخلقه فزوجوه ). وهو يكلمج اذا سمع صوت الآذان هل راح ينهي الكلام عشان يروح يصلي ولا راح ياخذ راحته في الكلام ويأجل الصلاة ؟ هل هو بخيل ؟ هل هو عصبي لدرجة الجنون وما يعرف يتحكم بردة فعله ؟ اذا هذي الصفات ما قدرتي تعرفينها معاه من خلال مواقف تجمعكم ممكن تلاحظينها من خلال كلامه عن حياته موقف مع زملاء أو مع طفل في الشارع رمى عليه شيء أو مثلا هو راجع من الشغل تعبان او معصب من مديره وشاف قدامه شخص كبير في السن يمشي ببطء كيف راح تكون ردة فعله ؟

- علاقته بأمه وأبوه هل هو بار فيهم ويحترمهم ولا يشتكي منهم ومن طلباتهم ؟ علاقته بخواته هل هو حنون معهم ولا لأ ؟ هل يقّدر وجودهم أو هل يستنقص منهم ؟ كيف نظرته للمرأة هل يحتقر ويستخف بدورها ولا لأ ؟ جدا مهم تشوفين البيئة اللي طلع منها وأهمها عائلته اذا علاقته جميلة فيهم فغالباً راح يعاملج بنفس الأسلوب وممكن أفضل.

- هل هو شخص طموح عنده أهداف وإرادة ورغبة في تطوير حياته مو بس رغبة لأ في سعي أيضا ؟ ولا هو شخص كسول وإتكالي يعتمد على غيره في كل شي و بدال لا يكون شخص يلقى حلول لمشاكله يقعد يتشكّى طول الوقت ويتحلطم وسلبي ؟ غالبا اللي يكون جذي يعني هو غير قادر على تحمل مسؤولية وبالتالي لا يصلح كزوج أو أب.

آسفة ع الأطالة بس حبيت أفيدج 💜💜