عروس واول مره يصير بيتي عزيمه ومتورطه ..ساعدوني تكون

0حبيبتي صلحي نوعين سلطة سهلة مايبغالها شيئ وتعطي منظر للسفرة ----صلحي صينية مكرونة------وصينية خضار -------ورز-----------وحمري دجاج بالفرن مثلا اوسوي سمك-----(ارجعي للمنتدى بتشوفين اطباق حلوة وعلمينا وش معك):cook:




























0

انا اقولك ياعسل

بكرا الثلاثاء

جهزي كاسات العصير والمويه وفناجين القهوه والشاي وصحون الضيافه والتقديم وغسليهم وجففيها وحطيها على جنب ولو توزيعيها في التباسي تكون اسهل وتغطيها بفوطه

افرمي بصل وثوم وزنجبيل وفلفل وحطيهم بالفريزر عشان الطبخ
وقطعي الدجاج او اللحم من الليل ولو حابه تتبليها كمان وحطيها بالفريزر
جهزي كميه الرز وحطيها على جنب بدون تنقيع

اذا حابه تسوي ايدام سويه من الليل واتركيه يبرد وحطيه بالثلاجه
جهزي اغراض السلطه وسويها صباح العزومه بس بدون صوص وملح عشان لاتذبل
سوي نوعين حلا وغلفيهم وحطيها بالثلاجه

جهزي صحون التمر وغلفيها بنايلون


((يوم الثلاثاء كمان ))
والبيت من الصباح رتبيه وكنسيه وبخري غرفه الضيوف وقفليها
وغسلي الحمام وحطي فيه فواحه وقفليه
ومسحي كل الارفف والمرايات

خلي تمسيح السيراميك لو كانت بيتك سيراميك ليوم العزومه الظهر وبخريه العصر

يسير يوم الاربعاء تدخلي المطبخ وكل شي مرتب وعلى العصر تتفرغي لنفسك

وعسى ربي يجملك ويبيض وجهك قدام ضيوفك
ولو حابه اي شي انا حاضره ولاتنسيني من دعواتك

ينقل من الساخنة الي أطباق عالم حواء..

حبيبتي اللي فهمته من كلامك انها للعشا ..
مع الشاي والقهوة سوي اشيا خفيفه مثلا التمر افتحيه وشيلي النواة وحطي بدلها لوز وبس..
او .. تمر معبوط مع شويه زبدة وتكسرين بسكوت شاي وتخلطينه مع التمر وتكورينه وتغلفينه بجوز الهند ..
مع الشاي مكسرات واشياء بسيطه ..
اقترح اطباق العشا ..
معكرونه بيتزا او بشاميل
محاشي كوسا وبطاطس
فيليه دجاج
سلطه اي نوع انت تتقنينه ..
وبس هذي اتوقع كفايه ..
والعصير خذيلك الجاهز منجا وفراوله ولما تصبين بالكاس صبي منجا ثم فراوله ويكون شكله كوكتيل ..

الحلا اذا كنت تبين شي سهل مرررره سلطة فواكه او عندي طريقه ايس كريم من كتاب النخبه مرررره لذيذ اسمه تراب الملكه ..

بعد ردك ياحلوة اذا تبيني اساعدك بالتحضيرات انا حاضرة بس حددي الاطباق اللي ناويه تسوينها ..
ربي يوفقك ..

صلحي صينية البطاطس طعمه حلو 0والناس أدواق)
بالليل قطعي بطاطس بالطول للقلي او أشتري البطاطس المجمد اسرع وقطعي دجاج صغيره بس موفرم وأخلطي علبة قشطه و3 ملاعق جبن مراعي الابيض أول كنت أستخدم بوك بس للمقاطعة الدنمارك أستخد مراعي وأخلطيهم زيييين وغلفيها بنايلون وحطيها في الثلاجه ووقت الطبخ شمري الاكمام وأحمسي الدجاج وحطي شوية بهارات وملح وقليل من معجون طماطم وبعد ماتنضج وفي دلك الوقت كنت تقلين البطاطس في الزيت ويكون نضج وتكوني قد فرمتي بقدونس مقدار ملعقتين وبعد ماينضج الدجاج حطيه على الدجاج البقدونس وجيبي صينية وحطي على الدجاج ملعقة مايونيز كبيره وحطي طبقه بطاطس ثم دجاج ثم بطاطس ثم غطيه بالقشطه والجبنه المخلوطه ودخليه الفرن الى أن تتحمر ويمممم بالهناء والعافيه
أدعي لي بالدريه الصالحه