يا ستي انا بكندا بس بيشبهو بعض مش كتير فرق ما تشيلي هم شي و ما تكبري القصة يمكن هون ترتاحي اكتر من بلدك انا صارلي هون تقريبا سنتين و ان شاء الله رح اكمل عمري كله هون هلا اتعودت على كل شي و بالنسبة للبس متل ما قالو البنات ما تكتري لانه كله على الفاضي الاشياء العملية و ملابس البيت كتري منها بس بالنسبة للحمل نصيحة ما تحملي على طول لحد ما تتعودي على البلد و تعرفيها و تتعودي على اللغة و اهم شي زوجك كمان انا قبل عرسي رحت للدكتور و فحصني و اعطاني دوا مانع للحمل بس ما تاخدي شي من غير وصفة دكتور و خديلك اللي بيكفي شهرين او 3 اشهر حبوب لانك رح تضطري تروحي الدكتور عشان يفحصك و يعطيك دوا جديد بس ما تخافي من هاي الناحية الدوا ما بيعمي شي انا استخدمته تقريبا سنة و بعد هيك حملت عادي و ابسطي نفسك و خليها طلعات انت و زوجك اول فترة و بس يبدا دوامه انت سجلي بمعهد لغة و اتعلمي يعني اشغلي وقتك و الله يهنيك