ياهلاااااااااا وااااااااااااااالله
بعرايسنا وعقبال باقي الشعب وانا اولهم
اليوم شي مميز وناويه هالمميز يكونمن نصيبي
بس مدري ليه مشرفاتنا معطيني اقنور
بالله مهو اتعب حيل معاكم
هالموضوع متعوب عليه من قلب لي مده اجهز فيه
وماتخيلون ياربي اشكثر اعاني ( اروى على غفله )
لان الاشتراك بيخلص
المهم
عندي نصايح بيني وبينكم شوي وودي تستفيدون مني :
1 المهر لاجاج مهو تنهبلين وماتعرفين وين الله حاطج اعملي جدول يتضمن الضروريات
* شراء الذهب الاصفر والابيض والماس
اقل شي طقم الماس عدد 1 طقمين قلايد وتعليقاتهم مع الحلق والخاتم ذهب ابيض عدد2
اسوارتين يجون طقم ويا خاتمهم اصفر وابيض
سبحه حق الدراريع طقمين ذهب اصفر
مجموعة خواتم اصفر للمناسبات وابيض مع البدل تطلع شي
* شراء قمصان النوم لان هن اساس الزواج الناجح
والاوان المستحبه :الاسود الابيض البيج السكري السماوي الوردي الفاتح
بجايم عنابي وسكري وكحلي
وكثر ماتقدرون وخروا عن الاحمر والبنفسجي والوان العقد اللي نشوفهم بالمحلات
* شراء الدرايع وهنيه الذوق ونوعية الدراريع تعتمد على حمولتج ان كانوا عندهم ناس تجيهم وتروح وراعيين قعدات اهنيه بالكثير 10 دراعات فخمه وسط وان كانهم اها ناس عاديين وماوراهم ناس تجي اكتفي ب4 لان الموديلات كل شهر تتغير
عدد 2 دراريع فخمه حق الطلايع ان اهلج سولج ليا رديتي لهم وان حمولتج سولج بعد
يعني وريهم انج شايفه خير وبنت نعمه
دراعات عدد 20 هذي لمدة اول شهر لان عروس ومحاسبه وقاعدين لج عالزله يعني نقيهم عدل
ويكونون بين العادي والفخم
عقب الشهر تبدين تلبسين دراعات بسيطه بيتيه خياطة حريم ولا شغل الهنود والله حلو
* البدل اخذيلج 3 الى 5 اطقم اخاف خوياتج يعزمونج ولا من الجماعه مهومعقوله بدراعه رايحه
كم بدله بسيطه لكسر الروتين في البيت مهوكله تنزلين بدراعه
برمودا كثري منهم اسود رمادي بيج سماوي احمر وبعد جنز رمادي اسود واخضر وازرق
البديات ماحب قلبج واشتهى رجلج واجب تدلعينه
* اللوشنات والخلطات والعطورات كثري لو تشوفون خويتي جنطة سفر تقول هالرجال اذبحهم عند الريح عاد براحتج الله يخلي اجمل والشايع وبيضون وغيره وغيره
* المكايج هذا اهم شي يعني اللي خبره وله باع مثلي بسم الله علي تخمط السوق وترد
اما اللي عليميه ليه تقط على شي ماتعرف له
اهنيه لازم اشيائج ماركه وياويلج ان كان حمواتج معاج بالبيت ومهن معرسات تعالي شوفي يصير عذروبج عدد الروج ولا الماركات المستخدمه وهني خذيلج كم بنت من خوياتج وتسوقوا ترى ابو الافكار تطلع
* صندوق من الغش لحفظ الجواتي والصنادل ولازم تسوين اكياس لحفظ الجواتي عند خياط يطرز عليهم ولا اشتري قطع تاايغر وفريز ومن هالفواكه ويقص ويخيط ويطرز يعني انواع الابداع
* ادوات الحمام مهمه يعني الروب والمناشف لج وله وغير نعول الحمام تفنتقي ومايردج الا السوق
* كم فستان للعروس عدد 2 مكلفين وسط وكم شغله جاهزه للعروس المعرفه
* حجز ثوب العرس والصباحيه والصالون وجلسات عنايه والمسكات وغيره
ودي افدتكم
وكل اللي تكلمت عنه راح ادرج لكم صور
توضح شقول
برايفت : للمشرفات بحط صور مهي مظلله لان اللي يظللي الله يعافيه حده مشغول وماعندي غيره
الله يجزاكم خير ضللوا بس لاتحذفون ابي الموضوع متكامل
بنات : طلب وليس امر لحد يرد لحين الانتهاء
ابي اللي يتفرج ماينقطع عليه شي وبلا هالفواصل الاعلانيه
سلااااااااااام
..::: للمصمم اللبناني انطونيو::...