هلا والله بنات
انا قايله ان العروس تشتري ساعه ذهبي وفضي وسبورت
عنديلكم شوية ساعات فضي وذهبي اتمنى تعجبكم

هلا والله وعدتكم اعطيكم موجز بكيفية التجهيز المناسب

اولا : المهر وكيفية تقسيمه

المهر يقسم
1 نصف اول للذهب لانه عزوه لجدام وماظني يطيح بجبدج
2 نصف ثاني يقسم الى
* ربع لفستان العروس والصباحيه وصالون للعرس والصباحه واذا فيه مجال حمام ملكي وشوية تنظيفات
* ربع للمكياج والعطور والمنظفات واغراض خاصه تحتاجها العروس
* نص للملابس الداخليه والدراعات والبدل وللجزم والساعات وشناط

يعني كثر ماتقدرون اعملوا جدول ولا تثقلون بالميزانيه ومهو شرط نص المهر للذهب احتمال يبقى فائض ينزاد عالباقي

ثانيا : التجهيز على اساس حمولتج

1 ان كانوا ناس راعيين جمعات واستقالات يستحسن التالي

* تكثرين الدرعات والبدل الفخمه وصنادل كشخه
* تخففين من الصنادل والشنط بحكم قل الطلعات اللهم مقدار يكفيج اول شهرين وعقب السوق عندج والموضه متجدده
* اكثر من 3 ساعات فخمه وتواجهه
* اطقم ذهب ابيض واصفر ثقيله وخفيفه
* عطورات عربيه وفرنسيه واجد وبكميات

2 ان كانوا ناس اها حليليين ماعندهم مناسبات وناس تزورهم

* كثري درعات البيتيه
* كثري ملابس داخليه
* كثري بدل قصيره وبنطلونات لرجلج
* كثري صنادل وشنط اخاف تطلعين معاه يعوضج عن ملل البيت
* دراعات فخمه عدد 2 واقل شوي عدد 7 _ 11
* بدل ناعم وخفيفه وكم وحده ثقيله


ثالثا : ترتيب التجهيز

1 شراء الذهب + الساعات
2 حجز المصوره والصالون وفستان العروس وجلسات التنظيف
3 خياطة الدرعات الطلايع والاستقبال واليوميه حقة اول شهر وملابس البيت
4 شراء الشنطوالصنادل بعد ماتخلصين شراء البدل والدراعات
5 شراء العباة عدد 2 وشيال عدد 6 _ 9 مابين وسط وفخم وخفيف شيال اي ملافع
6 شراء الملابس الداخليه والعطورات العربيه والفرنسيه واللوشنات
7 شراء المكياج علشان لايخرب خليه اخرشي + شنط لحفظهوصناديق للذهب والعطور والملابس الداخليه + شوية ديكوريشن للغرفه


اتمنى عطيتكم موجز عن التجهيز واتمنى انكم استفدتوا
وربي يوفق كل عروس

عزيزتي ردا لاسئلتك
انا زوجي لبناني عشان كدا بسوي الزواج بلبنان
وبالنسبة للرول انا فاهمة الفكرة بس ادور صورة عشان المشغل حق الخياطة يفهمون علي
ومشكوووووورة

مشكورة حبيبتي من جد موضوع متعوب عليه:24:

وينك يامنتظرة ضمة غلاك توني كاتبة موضوع عن الحوسة اللي عايشة فيها أنا والجهاز حق عرسي لكن شوا أقول غير ربي ربي ربي ربي يعطيك كل خير وسعادة لأنك فرجة كربة ترتيب جهازي والباقي على الجسم المسكين
تسلمييييييييين يا حلوة:26: :27: :26: