عروس وتعبت من المشاكل ابي اتطلق وافتك!

السلام عليكم ورحمة الله وبركاته!
كيفكم ياعالم حواء؟
بنات انا متزوجه لي ١٠ شهور! وتعبت من المشاكل!
من ايام خطبتي والملكه مشاكل ( مايبوني )!
يبون وحده غيري < اهله.. اني انا ماني حلوه فيه الاحلا مني!
واصلا انا من اول ماخطبني وصليت مارتحت ابدا ابدا
المهم امي وابوي بس كانو يقولون لي اسكتي ولاتتكلمين
والرجال شاريك ومن هالكلام! تزوجت،،ورفضت الحمل
ابي اعرف طينته ونيته! موظف هو واخذ ديون وقروض
لاهله وحالته حاله واللي يصفى من الراتب ٢٥٠٠!
بدينا بالمشاكل انا وياه مشاكل مشاكل مشاكل وتعبت
كل يوم مشاكل على المصروف ولا يوديني ولايجيني
وبس جالسه بالبيت وبس هو يطلع من المغرب
واللي يرجع الفجر!! وتعبت معاه! اخر مره سوو لي مشكله
كل ماقلت له عطني فلوس؟ قام هواش ومدري وشو؟
قبل يومين قلت له ابي احجز للكوافيرا وابي اشتري هديه ل بنت اختي كوافيرا ب ٣٠٠ وبنت اختي ب ١٥٠ هديه؟
انتي ماتقدرين وانتي بس جيب وهات!!
ولا فيك ذرة تقدير للزوج،، بدل ماتقولين حرام زوجي عليه ديون انا لازم اوقف معاه،،واقفه ضدي؟؟ قلت له متى عمري
طلبتك فلوس؟ انتي ماتقدريني وانتي كل الفلوس تروح لك! قلت له انت من اول ماتزوجنا للان! وش الشيء اللي اشتريته لي عليه القيّمه؟ جوال! كل ماقلت لك ابي جوال قلت لي روحي نامي وشوفيه بإحلامك؟ ملابس كل ملابسي حقت تجهيز العرس للان ماشتريت لي شيء! شناطي كلها حقت العرس!
عباياتي كلها حقت العرس! واهلي هم اللي يشرون لي ويعطوني !
وش اللي شتريته لي للحين؟ كل اشيائي قديمه ولا عمرك شريت لي شيء؟ انتي بس كلام وبس هواش! قدري قدري
تحسبيني مرتاح معك؟ انا من يوم ماخذتك وانا ماني مرتاح اكذب عليك لو اقولك اني مرتاح! قلت له ومن ضاربك على يدك؟ روح لأهلك وقول لهم ماني مرتاح وفلوسك كلها ترجع لك لاتخاف!! جلست ابكي! رحت كتبت لاخوي الكبير بالواتس وجاني البيت ويقولي معليش وعديها هالمره وتحملي واصبري لين تخلص ديونه وسكت ماتكلمت! الحين متحسفه اني ماعلمت اهلي على اخر مشكله! ماعلمت امي وابوي؟(:
وش اسوي شورو علي!!