عروس وجسمي مترهل ساعدوني

السلام عليكم ورحمة الله وبركاته

اول شي مبارك عليكم الشهر ثاني شي عندي هم الله العالم فيه مافي طريقه الا جربتها بس مالقيت فايده
بحكي لكم السالفه من الاول .... اول شي كان وزني قبل سنتين 135 كيلو وقمت وساويت عمليه ربط معده وفادتني كثير ووصل وزني 83كيلو خلال سنتين بس المصيبه انا اهملت الرياضه والنتيجه ... ترهلت اماكن في جسمي

البلى مو في اليدين او الفخذين البلى بالكرش الي طاحت قالي الدكتور هذا جلد ميت مستحيل ينشد الا بتدخل جراحي وانا اصريت الا انزله بدون عمليه لاني الي شفته بالعمليه الاوليه لربط المعده يكفيني عمر احمدالله واشكره اني طلعت منه وانا بصحتي وبكامل قواي العقليه

الموهيم يا اخواتي اللحين عرسي بشهر واحد واخر كلام للدكتور هو عمليه ازاله الدهون وانا اقترحت عليه عمليه غيرها الي هي شفط الدعون بدون اي جراحه الي هي بس مجرد فتحات صغيره ويدخلون منها نفس السلك يذيبون فيه الدهون ويشفطونها بس هو قال لا هالعمليه راح تشوه جسمج لانها تترك اللوان في الجلد مثل الكدمات الالوان الي هي ازرق واحمر وبنفسجي واسود فتره طويله...

عقب شفت طبيب ثاني وقالي لا جراحه لانها راح تخلف وراها شق في البطن من الحوض الى الحوض وما انصحج انتي مثل بنتي ونصحني بالشفط يعني عكس الدكتور الثاني

وربي احس بدوخه من هالدكاتره حاسه اني في دوامه ماعرف شلون افيد حالي خاصه اني انتضمت بالرياضه وانشدت اماكن بجسمي ماعدا هالكريشه غربلها الله ....

وثاني شي عندي اماكن داكنه بشكل كبير خاصه تحت الاباط وبين الافخاذ مع العلم انا بيضا يعني واضحين جدا

تكفووووووووووون ... ترا تكفون تهز بنات ..... << مع الويه بعد لها نفس تمزح

هذي مشكلتي ابي المساعده ... ويجعله ربي في ميزان حسناتكم