عروس ودها تصيح تكفون أبا أصير لمبه بياض !!!!! ممكن والا مستحيل \ قديم

مرحباااااا

اختي انا بساعدج دامج عروس انصحج لاتعتمدين على الخلطات اعتماد كلي
اذا تقدرين شيلي شعر جسمج بالليزر اذا عرسج مطول او فقط من الظهر لنه مثل ماتقولين يظهرلج حبوب تشوه الظهر ومافيه خوف اكيد لنه الليزر صار مطور واايد وعشان ويهج انصحج باستخدام ماركات عالميه مثل كلارنس وغيرها وخذي مجموعات من التنظيف عشان توحد لون البشره وتخليه مشرق وحيوي وها عن تجربه بعد شهر تطلع النتيجه واستمري عليه هوخليه شي مهم فحياتج عشان بشرتج ماترد مثل قبل وانصحج بعد بعمل حمام مغربي لنه يعمل على تفتيح البشره وكل مره في الاسبوع حاولي تحطين ماسك يناسبج هذا اللي عندي اتمنا اكون ساعدتج
بالنسبه للحبوب اللي في ظهرج حاولي تسوين تقشير كريستالي اذا البقع مافاد معاها شي بس اللي تسويلج تكون خبيره مب اي وحده عشان ظهرج مايتحسس زياده وان شاء الله تكونين احلى عروس

السلام عليكم اختى شوفي انا عندي خلطه تخليكي بيضه بس تستمرين عليها هي:كركم الجسم+السفيد اب+جلسرين تخلطينهم وتحطينه وتفركين وجهك بعكس عقارب الساعه كل يوم ومن ناحيه الحبوب الي في الظهر جيبي فرشه تنباع بسوبر ماركت نفس فرشه الاسنان بس اكبر تصير للجسم تفركين الجسم وهو ناشف يعني قبل ماتتروشين كمان عكس عقارب الساعه وبعدين تتروشين وتتفركين باليفه وتستمرين على كذا كل يوم وتروح الحبوب انا كان فيني حبوب في زندي وراحت الحين بس مع الاستمرار
اتمنى اني اكون افتك ولاتنسين من داعائك ان الله يحقق الي فبالي والف مبروك لك اختى

بالتوفيق

يا احلى عروسه بالبركه يا ربي..
ابغي افيدج حبوبه ابعدي كلش كلش عن الخلطات والكريمات وهالخرابيط .. كبري راسج عيوني
اذا عندج وقت مثل اكثر من شهر عطيني ايدج وتعالي شوي
اول شي جهزي هالاغراض (كركم طبيعي مش للاكل تحصلينه عند الخاجه + نيل عند الخاجه بعد+ زبادي اذا بشرتج دهنيه ) اذا تقدرين كل يوم تستمرين على هالخلطه انا اقولج تاكدي انج راح تنورين يا منور.. لا تنسيين السكراب واحلا شي سكراب 7 days من ماركة كلينك ..طبعا حطي على الوجه والرقبه وحطي على ظهرج خليها لين تنشف واغسلي بماي ورد اذا قدرتي ..خلي عندج زيت اللوز عشان يشيل لج لون الخطه وينظف .. بالصباح استعملي السكراب حتى على ايدينج..
كثري من شرب الماي لانه يطرد السموم من الجسم ويصفي البشره (مياه معدنيه)
واذا قدرتي من الحين اجربين التقشر بالكرستال يكون كثير زين راح يساعد على التخلص من علامات الحبوب. استمري على الخلطه
والحين خلينا نبدا بفوائد الكركم والنيل:)
الكركم: معرف من اجداد جداتي وامي كانت توصيني فيه لانه يصفي البشره وينقيها
النيل: وايد زين قمقشر بسيط وخصوصا للمناطق اللي فيها جفاف جربي حطيه مع شوية ماي على الحبوب بتحسينها نشفت!!
لا تنسين كريم الحمايه اذا راح تطلعين في النهار ويا ريت يكون مش دهني .. جربي نيتروجينا Dry touch 45
قبل العرس باسبوع وقفي الخلطه بالتمام عشان تبدين بتنظيف البشره لان ويهج بيكون مصفر على نيلي
ابدي بالفايشل والتنظيف العميق مع ماسك العروس والمرطبات
واتمنى لج كل التوفيق

:
+
:

ياهلا وياغلا

الف الف مبروووك

بالنسبـه لطلبك

بمـا أن بشرتــك دهنـيه لاتتركــي الصابونه (( دوف + نيتروجينـا + ...الخ )) للبشره الدهنـيه

وثاني شي مـــــــاء الورد مفيــد يورد البشره وربي ياعزيزتي أن كثير مايتركونها

وبالذات اذا حطيتي منها ملعقه في قارورة مويه وتجلسين تشربين من هالمويه

وخذيها بعد كل ساعتين روحي خذي قطنه وامسحي وجهك ورقبتك والاسكنول بالليمون للمناطق الغامقه

وخل التفاح بعد بس انتبهي تحطي على وجهك لانه ينحف وحطيه على خشمك ترى يزيل الدهون

وبالنسبه للبياض سهل اذا كنتي بالاصل بيضه

سوي اسبوعياً لمدة شهر حمام مغربي ولها اكثر من طريقه

وخلي وحده تسوي لك دلكه سوادنيه كل اسبوع بعد وتشيل شعر جسمك كله وبعد ماتشيله

خوذي منقوع المره وتغسليه فيه وخذي اي كريم يقفل المسامات سوي بحث وتلاقين

واستخدمي الجليسوليد للجسـم كله والجلسريـن السائل و الفكس وبعدين أغسليها بصابونة الطاوس

أو البايباي وافضل اذا جيتي تغسلينها تخلي الحمام كله بخار وتفركي بالليفه

والليمون والجليسوليد للمناطق الغامقه وصدقيني لو استمريتي بتوصلي لنتيجه

والليفه (( الليفه السوريه + بودي شوب )) وأستخدمي المقشر ملح البقر مره حلوووو للجسم كله

وخذي ملك وتونيك نيفا وربي ماتندمي

وخذي كريمات تبيض يعني لاتخلي وجهك يفرغ من الخلطات بعد الجلسرين

اجلسي شوي وحطي كريم اولاي واذا جيتي تنامي حطي فير اند لفلي والغسول حقه

والركب حطي عليها جليسوليد وجلسرين السايل وفكس وموية ورد بنسب متساويه

وغطيها بسفره وخليها حوالي 6 ساعات وكلي فاكهه واشربي مويه كثيروعصيرات تراها تروي وعصير اترويكنا اللي يمدحونه

والصابونه الصابونه الصابونه ترى مره مهممممممممه وتكون مخصصه للبشره الدهنيه

غسلي وجهك فيها باليوم حوالي 6 مرات لان بشرتك دهنيه

أنا خبصت وكتبت كل مفيد الله يوفقك ويسعدك يارب :)

:
+
:

هلا بعروستنا لاتزعلي ولا تشيلي هم

انا كان عندي بقع في ظهري من حب الشباب
وظهري كان مسمر عن جسمي

اشتريت لوشن العنب من عند زين الاتات
وكان في فرق جدا واضح
والقاروره خلصت وراح اجيب وحده ثانيه باذن الله عشان تختفي نهائيا

العلبه اظن ب100 او ب120

وتراها ماتخلص بسرعه
كنت كل يوم بعد مااستحمى بالليل
ادهنو بشئ بسيط لانو يمد معاكي

ان شاءالله اكون افدتك وتلاقي طلبك يارب

اختك
هاجر