عروس ورطانة في عفش البيت.... فزعتكم

سالخير والورد والفل والياسمين
كيفكم يا حلوين
بناااااااااااااااااات
مالي غير الله ثم انتو:icon33:

انا عروس
وخلااااااااص مابقى على زواجي غير شهر ونص
والبيت مولاقيين شي حلو... لا غرف نوم ولا اطقم للمجالس:(
المشكلة وين؟
ان البيت بنفرشه مودرن.. يعني زي ايكيا
لفينا جدة كلها... الصبان على المطلق على السريع على السقاف
بنااااااااااات الاسعار بالمرة عالية
غرف النوم من 9 وفووووق:06:
الصوالين من 7 وفووووووق:44:
لاتقولولي شارع التحلية وصاري وما ادري ايش!!
بالمرررة اسعارهم غالية:blink:

بنات جدة
الله يسعدكم دنيا واخرة
نبغى محلات تبيع غرف نوم مودرن وتكون خامات تستحمل والاسعار من 7 وتحت
وكمان صوالين مودرن الاسعار مو اكثر من 5 او 6 الاف
وكمان لو صوالين تركي... بس يكون تشطيب نضيييف وخامات تعيش معاكي
مو يتكسر ويتبهدل ويهبط الاسفنج بسرعة!!

وبالمرة مادامكم دخلتو.... ابغى افصل مطبخ
ابغى اماكن شغلها نضيف ومضمون واسعارها حلوة

يقولوا في بحراج الصواريخ البضاعات اللي تكون ستوك في المستودعات للمحلات الكبيرة تنباع بربع السعر او النص
وايش رايكم في عفش هوم سنتر؟... ما نصحوني فيه لانه صيني ويقولو ما يعيش...بالله ايش رايكم!!
شوروا علي.... مالنا خبرة بهالامور تكفووووون

بما انكم صدعتو من الموضوع.....:22:
بالمرة قولوا لي عن الاجهزة الكهربائية؟ <== ما تنعطي وجه:angry2:
بناخذ خمس مكيفات شباك وفرن وثلاجة وشاشة إل سي دي وشوية اجهزة ثانية بس بالقسط
شفنا عروض اكسترا بالمرة حلوة...
وين ممكن في اماكن ثانية ناخذ منها عروض حلوة وبالقسط!!

وهل في غرف نوم بالقسط او محلات اثاث؟

بنااااااات والله مافي وقت!!!
الحقوني

انا ضايعة بين تجهيزاتي وبين العفش مع ابو الشباب:arb:
نفسي نلاقي اي شي حلو ونرتاح.... حتى (اي شي ) مو لاقيين <== بتمشي حالها ومو زابطة كمان!
الله يسعدكم دنيا واخرة ما تبخلو علي
مستنيتكم ما تتاخرو <== تتشرط والله!:humm:
بليــــــــــــــــــــــــــــــز:29: