عروس ومتوهقه

اهلين اختي

راح احاول اساعدك ببعض الاشياء مع اني موب متزوجه بس من خلال قرايبي لاني اشوف اغراضهم وشوو اللي يشترونه وان شاءالله تستفيدي والاخوات ماراح يقصرون ان شاءالله معك

1- انصحك تشترين لكِ على الاقل 3 قطع قماش فااخرة واختاري لك من خلال كتلوج او مجلات او من الموقع 3 فساتين تصاميمهم حلوووة يعني كشخخخة

2-روحي السوق واشتري لك بعض البلايز اللي من غير اكمام وفيها حركااات حلووووة وتنورات بعد قصيرة ونوعي طويلة وقصيرة وفيها يعني حركاااات

3-اشتري لك قمصان نوم واكثرهم يمدحون نعوومي حلوووين

4-اشتري لك طبعا ادوات مكياج من مثلا ماركة جيفنشي او ديور وحاولي تشووفين مواقعهم عشان تاخذين فكرة عن مستحضراتهم

5-ايضا اشتري لك عطووور من بعد ديور او اي ماركة ثانية

6-ايضا لاتنسي الذهب روحي السوووق واشتري لك وعشان تخصلين بسرعه حاولي تروحين هالشهر يوميا عشان تقضين كل شئ بسرعه

7-الاكسسوارات مثل الشنطط والساعات والقلايد....الخ والاحذية

8-ايضا فستان الفرح روحي تفرجي على محلات وشوفي

9-واحجزي لك يوم للكوافيرا

ولاتنسيي حاولي تقضين من السوق اشيائك بسرعه والله يوووفقك ومبرووووك:27:

وباقي الاخوات بيساعدونك ان شاءالله

الله يتمملج على خير

ماريا الدلع..

ياقلبي انتي تسلمين ربي يخليك
ماقصرتي

بس شرايك بالنسبه للذهب يعني اشتري طقم واحد
وكم تعليقه وخواتم او اخذها كلها كامله

والكوافيرا مادري سالت احد قالي معالي واحد قالي دندشه
شرايك انتي ..معليش بتعبك بكثر اسئلتي:(

اخر سؤال وتحمليني:)
بالنسبه للمفارش كم اخذ !!

ياقلبي انتي ماقصرتي ربي يوفقك ويسعدك ويهنييييك
انشاءالله .. ويارب يقدرني واخدمك




mznah
امين انشالله وياك والجميع
يااارب


عود مبخر,,
مشكوره يالغاليه
وانشالله ببداء فيهم هالاسبوع وعسى
الحق بس:(

والصبغه مشكلة شعري الحين مصبوغ
وخايفه اسحب اللون ادمره شكلي بخليها
وعلى موعد العرس اغيرها ولا شرايك؟

ياقلبي مشكوووووره ماقصرتي

:24: :24:

بالتوفيق ومبروك مقدما

سجلي اي غرض يخطر فبالك او قالولك عليه البنات بدفتر واحسبيه مع الميزانيه لانك اذا ماسويتي كذا بتحوسين

مكياج وعطور واشياء خاصه بالجسم ,, ذهب ,, لبس بيت ,, قمصان نوم ,, فستانين سهره عالاقل ..

الصنادل الله يكرمك خليها اخر شي بعد الملابس يعني ملابس طلعه فساتين ناعمه وسبورات بعد

:26: انتي سجليها بالتفصيل وخلي لكل كم غرض نزله لحال

واكيد كل اللي قالو عليه البنات حمام مغربي وغيره ماقصروا




:27: :27: :27: :27:

مبروك الف مبروك والله يتمم لك على خير.. ويسهل امورك... انا لسه ماتزوجت بس عندي خلفيه ممكن افيدك ..

مثل ماقالوا الاخوات انتبهي تنزلين السوق وانتي مانتي حاطه شي ببالك تشترينه يعني رتبي اغراضك ..

يعني يوم لملابس السهره ... ويوم لملابس البيت .. ويوم للاكسسوار والعطورات .......الخ وخصصي لكل يوم ميزانيه معينه ...

وبالنسبه للصبغه خليها قبل العرس باسبوع تقريبا ..

والمفارش برأيي مفرش واحد ويكون من النوع الامريكي او اي نوع ممتاز وماركته ماشيه

وبالنسبه لأرواب الحماااام حاول تشرين طقم لك ولعريسك ...

ونصيــــــــــحه ... لاتكثرين ملابس اهم شي العطور وملابس البيت ..

...........................................................

هذا اللي عندي واتمنى لك التوفــــيق...

:27: