عروس و محتاسه بالمهر

أنتي 15ألف راح في الحزام الله يعينك

الله يوفقك لو كنت اعرف أقولك بس والله ماعرف

ششوفي حبيبتي
الذهب 13 الف او 12


لاان تدرين فين حطتي فلوسك وماتروح فلوسك خساره

الملابس الداخليه وقمصان النوم وبحايم 3 الاف

5000 الاف في لبس المناسبات والعازيم والبيت

لاتكثري تكرهينهم

فستانك اجاره ماحتقدري تفصلي

مكياج وعطور 2500
ةوكوفيره 2000

ومصوره 1000

هذا اللي في بالي الحين

لاتكثري ملابس لاانك بتكرهينهم وتقدرسن تشتري الباقي والكماليات بعد الزواج

عطورات اربع تكفيك مع عطر ولوشن

استشوار وهالحوسه اكيد تعرفينهم

قمصان النوم وبجايم روحي الحين وقت تخفيض

استغليه في اشباء كثير

وبتوفري على نفسسسك

الذهب ثلاث بناجر واساور 3وخاتم وطقمين فخمه

اتمنى اني ساعدتك بشي بسيط

دعواتك ربي يشفي بنتي ويفرحني بسلامتها
ويخلي لي زوجي وطفلي

مهرك 30 الف تعالي اعلمك كيف تقسمينه
السلام عليكم ورحمة الله وبركآته ~


نظرا لكثرة الأسئلة والاستفسارات عن كيفية تقسيم المهر
وعشان ما يضيع عليك المهر وتضطرين تزيدينه من عندك او من اهلك ..
سويت لكم قائمة رح تساعدكم ان شاء الله ..
طبعا القائمة حسب الأسعار عندنا في الشرقية / الأحساء
لكن كل وحدة تقدر تعدل على القائمة حسب مهرها وأسعار منطقتها ..

رح ناخذ أدنى حد للمهر وهو 30 ألف ..
ونشوف كيف رح نقسمه ..بدون أي زيادة من الأهل ..

وانا لما كنت اجهز كنت حاطة ظروف كل ظرف فيه مبلغ ومكتوب عليه لايش ..
عشان اعرف كم مسموح لي اصرف ..

أولا رح نقسمه 3 أقسام كل قسم 10 آلاف ..







~*~

1 / الذهب = 10 آلاف < شفت لك مشاركه انك شريتي الذهب شيليها من الحسبه


اللي مهرها قليل مرح تقدر تخلي مبلغ كبير للذهب ..وكمية الذهب تتحدد حسب أهميته عندكم ..
طبعا بيكون عندك طقم الشبكة وطقم الصباحة من زوجك ورح تحصلين هدايا ذهب من المقربين منك ..
ولا تنسين تشترين لك ساعة وحدة ع الاقل تكون غالية ..
وفيه فكرة لطيفة ..انا شخصيا سويتها وفادتني في مسألة الذهب ..
كان عندي شوية ذهبات قديمة لما كنت بنت ..بعتها وجابت لي مبلغ حليو باعتبار ان الذهب غلا
وزدت المبلغ وشريت به ذهب جديد ..







2 / ليلة العرس = 10 آلاف


1000 للكوافيرا < ذكرتها تحت ومثل ماقلت لا تزيدين عليها لو ماحصلتي امرك لله
طبعا هذا هو السعر المنتشر عند أغلب المشاغل خاصة اللي في الهفوف ..
لكن فيه مشاغل توصل 1200 وفيه ب 700 هذي البيوت و850 - 900 هذي مشاغل المبرز


3000 للتصوير < احسس ماله داعي فيديو خذي لك مصوره حلوه فتوغراف 2500 افضل

1000 ريال تكون للفيديو
2000 ريال للفوتو
وأعتقد المبلغ حلووو لانه الصور والفيديو هي الشي الوحيد اللي رح يبقى لك من العرس
وتقدرين تورينه صديقاتك اللي ما حضروا عرسك..

500 للمسكة < على حسب حجم المسكه ونوع الورد

نفس الشي فيه أغلى وفيه أقل حسب المحل وحسب كمية الورد


500 للزفة < اتمنى تحصلين بهالسعر لو تصلحينها فالبيت احسن

طبعا هذا الجزء احس فيه تفاوت كبير في الاسعار من محل لمحل ..فيه زفات مرة غالية ..
وعلى فكرة تقدرين تستغنين عن هالجزء لو انتي او اي حد تعرفينه سوا لك الزفة ..


500 للحنا < كثير على حناء بحثي عن ارخص منها بتحصلين كثييير

المتعارف من 350 الى 500 ...وفيه حتى ب 250 للعرايس


1000 للمشغل < لاتزيدين عليها
تشمل حف الشعر وتنظيف البشرة ولو حابة تقصين شعرك او تصبغينه
طبعا الصبغ وتنظيف البشرة لازم تروحين قبل العرس باسبوع
تقدرين تستغنين عن حف الشعر وتنظيف البشرة وتسوينها في البيت لو حابة ..


2500 للفستان < نصيحه فصلي بنظام تأجير موجود بهالقيمه اذا كان فستانك سمبل

طبعا الفستان يختلف اذا بتفصلين او تاجرين ...التفصال يبي له ميزانية اضافية ..
بس الاجار يبتدي من 2500 عند المحلات ..
بس لو بتاجرين فستان مميز من عند وحدة مفصلة فستانها او من عند مصممة رح يوصل 5000



لفستان الصباحة 1000 < 400 يكفي اذا ماراح يشوفك الا هو
هذي فساتين السهرات يعني حق الصباحة عاد على حسب عاداتكم ..
البعض تفصل اكثر من واحد ..
والبعض عندهم ما تفصل ابدا بس للصباحة تاجر وانتهى الموضوع

احنا عندنا اهل الزوج يجيبون قماشتين والبنت تفصلها
وبعضهم يجيبون واحد جاهز والثاني قماش يعني يختلف ..
وانا اقول لو ما جابوا لك اجري للصباحة وفكي عمرك من التفصال والحوسة ..


3 / الحاجيات الأخرى = 10 آلاف






1500 للعطورات < يكفيك ان شالله بس لاتكثرين مجموعات جسم

ما له داعي تكثرين عطور لانه اكثر الهدايا اللي من البعاد رح تكون عطور
واخذي لك مجموعة من اي محل تفضلينه نكتار ، زهور الريف ، بودي شوب ..
بس انصحك تختارين القطع اللي تبينها بدال ما تشترين المجموعة كاملة ..



500 للمكياج < مايكفي اقل شيء 800

ما له داعي تكثرين اخذي الشغلات الاساسية والالوان الاساسية من كل شي
وبعدين لو حبيتي تغيرين في الالوان تقدرين تشترين
وعلى فكرة المكياج الكامل مرح تحطينه الا في الطلعات والعزايم
لان في البيت اغلب الرجال يحبون الميك الناااعم مجرد كحل وبلاش وروج
طبعا المكياج يشمل :
كريم اساس ، بودرة ، شدو ، ارواج ، بلاش ، غلوس ، مناكير ، كحل سايل ، كحل عادي ، مسكرا ،
لمعة ، غليتر ، شنطة مكياج صغيرة للطلعات ، مراية صغيرة ...مدري لو نسيت شي ..


للعناية 1500 < مناسب اخذي الأساسيات فقط وراح تكفيك

تشمل اغراض العناية الخاصة فيك ..
شامبو ، كريمات ، امشاط ، عدة المنيكير ، حمام زيت ...الخ
واستشوار وآلة حلاقة .. بروان



للشنط والجزم 1000 < مناسب

..حاولي تاخذين الالوان الاساسية عشان تتماشى مع اكثر من لبسة


للاكسسوارات 500 < زيدي 250 ماتوقع يكفي فالغلاء

لا تنسين الاحزمة ومسكات الشعر تدخل ضمن الاكسسوارات



للاندروير والبيجامات 1000 < معقول
طبعا اخذي على قد حاجتك ..واخذي من اللي يجي طقم

واللي يجي قطع مفصولة ..

وبالنسبة للبيجامات ولبس البيت انا ما شريت الا اثنين بس

لانه بصراحة ما احب البسهم

وفوطة او اذا حابة تاخذين روب الاستحمام


للانجري 1000 < يكفي اذا بتشترين قميص اول ليله ماركه والباقي من محلات عاديه

عاد هذا هوس العرايس هههه
وحاولي تنوعين في الالوان والموديلات عشان ما تملين منهم بسرعة ..


للملابس 2000 < معقول
طبعا ملابس الطلعات شي مهم جدا ..
كثري من الفساتين النعومة القصيرة والتنانير القصيرة

وبنطلونات لا تكثرين يكفي جينز واسود وابيض
لان احسها ما تنلبس كثر الشغلات الثانية ..
واخذي كم برمودا ..واكيد كثري بلايز

وحاولي اثناء التسوق انك ما تشترين بعشوائية

يعني حاولي تفكرين شو رح تطقمين مع القطعة قبل لا تشترينها وتتوهقين فيها ..
واذا تقدرين تزيدين المبلغ زيديه لان ملابس الطلعات عادة تاخذينها من المحلات والماركات الغالية ..
وهي اللي رح يشوفونها الناس اذا طلعتي ..



للعبايات 1000 < رأيي 500 كآفي
خذي لك عباتين وشيلتين ونقاب
احنا عندنا اهل العريس يجيبون لك عباة وشيلة مع المهر ..



~*~



طبعا الشغلات المتعلقة بالصالة مثل كوشة وكذا
هذي على اهل العريس يعني ارتاحي ههه
ولو تلاحظون يوجد اختلاف في الاسعار من منطقة لمنطقة في المملكة ..
بالذات في الفستان والكوافيرا والتصوير ..
فكل وحدة ترتب مهرها حسب الاسعار اللي عندهم ..

و في الختام
الدعاء لصاحبة الموضوع و انا مجرد ناقله لتسفيد منه العرايس ذات المهر المحدود





نقلته من موضوع قديم هنا فالمنتدى مع التعديلات
ماعليك الا الحين تمسكين قلم وورقه تكتبين احتياجاتك والحاسبه وتحسبين وربي يوفقك


:icon35:

نسيت شغله لاتنسين الحجوزات اهم شي قبل بوقت

الكوافيره + المصوره + النقاشه + والفستان

والزفه خليها تخلص قبل بوقت عشان تسوين البروفوه

واذا عندك اي سؤال انا حاضره