اشحالكن شو خباركن..عساكن عالقوة ..
احدثكم بلسان احدى الاخوات العزيزات طالبة الفزعه منكم .....
(( عاد انا رافعه سهمكم عند الجماعة ))
كلمن عندها مشكله قلتلها مالج غير عالم حوااا ..
وانتو ماشاء الله مافيكن حيله ندخل بالموضوووووووع على طووووول
تقولكم شيختي .........
(( يا مرحب ببنات حوااااء.... خلوني اسدح لكم مشكلتي بتفاصيلها .... عرسي بعد شهر واسبوع ... والله يرزق كل بنت يارب بالريال اللي تتمناه اللي يسعدها و يصونها ... قولو آمين ..
صحيح اني مستانسة بس من اذكر حالي وجسمي اقلبها حزن ...
وآكلة هم نفسي ... محتارة وخانقتني العبرة ....
طويلات العمر عندي اثار حبوب بالظهر والكتف والمؤخرة
اسمرار الابط والمنطقة الحساسة
بتقولون وينج عنها من زمان ...
مشكلة الحبوب بدت عندي من قبل سنة ونص وطبعا ظليت اعالجها
كان العلاج ( رتن اي +دوكين فور )
النتيجة "
نصها اختفى ونصه خف ..
اثار جانبية :
احمرار وتهيج وحكة
وتركته وبدت تخف بعض الاثار من الحمام المغربي ..بس بعضها لين الحين حالفة ما تخووووز و خاصة صوب الكتف
المهم مع سلسلة الحبوب اللي حالفة ما تتركني في حالي ...
بدت تظهر لي حبوب المؤخرة وما خليت شي ما استخدمته من مراهم مثل فوسيدين وغيره ..تختفي اسبوع وتصفى وعقب ترجع كم حبة وتخلف اثر و تلعوزني وانا على هالحال
اسمرار المنطقة بدا عندي من اشهر بعد ما ودرت الحلاوة لخوفي انها ترهل المنطقة بديت استخدم مووووس ...قلت يازينه لا الم ولا ترهل
وما فقت الا لما قلبت منطقتي
نصه ابيض ونصه بني على مسمر شوي ويقلب اسووود
وحتى الابط راح فيها وقلب نصه ابيض ونصه لون كوفي اللي يشوفه يفكره وحمة...
بنااااات ماخليت خلطة ما سويتها
ماخليت كريم ما سويته
لاعت جبدي من العيادات والدكاتره لا نتيجة وخسارة فلووس ووقت ..
ولاعت جبدي من الكريمات والخلطات
نص محل العطار خذته ولافايدة ...
بس في كريمات قريت تجارب بنات عنها وان نتايجها مضمونة وسريعه
بس احترت فيها
ناس تمدحها وناس تذمها
مثل :
جل كونتر بوكس
سودو
ديفرين
فيدآوت
وانا مابغي اجازف بوقتي ووضعي مب محتمل ضربات حظ واختبارات
فاللي جربت واحد منهم وجاب لها نتيجة تسعفني ...
او عالاقل حلول عن تجربة وياليت تكون نتايجها سريعه عالاقل بعد اسبوع او اسبوعين
شرااات ما خبرتكم عرسي بعد شهر و اسبوع ..
من الهبل اقعد انوح ..وينك ياخطيبي من سنة ونص ...
كان لحقت علي ساعتها ..جسمي كان شرات البيبي .. لا حبوب ولا سواد ولا بطيخ ..
يلا الحمدلله على كل حال
فياليت وصفات وحلول مضمونة وعن تجربة
للعلم بشرتي دهنية ...
الله يسعد اللي رح تفزعلي ويااااارب يحقق اللي في بالها وربي رح ادعي لها بكل صلاة...
ياليت تفزعوووون لها يا صباااايا ولا تخيبون هقواااتها وبيضو الويه كالعادة ....
في انتظاااار الردوووود