عروووس محتاجة لبنات جدة ..................

هلا اختي
الله يتمم لك على خير ان شاء الله


اول مركز انصحك تروحي له هو حراء فيه تقريبا كل شيء
:::::::




عندك بالنسبه للماركات العالميه مثل زارا ومانجو وجس ونكست وايتام وبي اتش اس و يو تو و ميلانو للاحذيه وو
تلاقيها في:
مركز حراء الدولي
شارع التحليه (على طووووول الشارع )
مركز الجمجوم
كمان في البساتين وجده مول بس ماانصحك تروحيهم مدام نفس المحلات موجوده في حراء والتحليه
:::
ومن هذه الماركات تقدري تاخذي البناطيل والتنانير والبلايز , ملابس داخليه وملابس نوم مثل ايتام والبي اتش اس

::::::::::::

قمصان النوم الخاصه واللانجري كله بصفه عامه
عندك محلات غاليه ومحلات نص نص
الغاليه الماركات تلاقيها في حراء والجمجوم مثل نعومي ولاسينزا
الغاليه بس ارخص من نعومي ولاسينزا عندك البي اتش اسBhs وايتام
وارخص شوي عندك اعتقد اسمه البترجي له فرع في حراء
ولاختيارت اكثر واسعارها معقوله عندك (سوق اليمامه ) كله متخصص للعرايس من فساتين الافراح للانجري للمسكات وكل شيء , تلاقي عندهم كم محل للانجري
وكمان تلاقي محلات اسعارها مقبوله في (سوق البوادي)
::::::::::::::::::



ملابس البيت وبناطيل وتايير والبدل
عندك الاسواق:
مركز حراء الدولي
شارع التحليه
سوق البوادي
الحجاز
عصام ناس
:::::::::::::



فساتين زفاف تفصيل او جاهز + مسكات عرايس + كل اغراض الفستان + ملابس النوم
كلها موجوده في مركز (( اليمامه )) واسعارهم معقوله فساتينهم بحدود 7 الاف وتقل لـ 4 الاف او تزيد
انا ماعلملت لهم زياره من مده طويله ومااعرف كيف موديلاتهم الان لكن الا ماتلاقي شيء يناسبك ولو فستان من بين ال 500

اما الفساتين الهاي مره في الحفني موجود زهرة اللوتس ونوراة

:::::::::::::::


العطور .. اعتقد لو رحتي لفرع الحجاز فيه عبد اللطيف للعطور اعتقد لو رحتي لهم وقلتي انك ناويه تشتري كميه كبيره ممكن ينزلوا السعر اما بسعر الجمله ماادري من وين


موفقه حبيبتي

تحياتي:)

ألف مبروك

مرحبا اختي والله يعينك على الحوسه اللي بتبدأين فيها...


2- محــــلات مســـكات : في محل اسمه الزهور العربيه في شارع الامير عبدالله بجانب مركز بلوتو الترفيهي.. هذا المحل رائع في المسكات والكوشات روحي لواحد اسمه حسين..

3- محـــــلات لانجري (ملابس داخلية بشرط رخيصة وحلـــوة لاتقولون نعومي لاسنزر ): عندك بالبوادي محل اسمه المالكي يقولون عنده قمصان حلوه هم محلين قدام بعض بعض قمصانه يبيعونها بمركز الخياط بس فرق السعر كبييييييييييييييييييييييير..
و محل الريس بسوق حراء الدولي عنده اشياء مش بطاله..

4- تيـــــورات وبدل لزوم العزايم: تلاقينها عند سوق حراء موفرين كل شي..

5- عطــــور بسعر الجملة : بمركز الكورنيش بالدور العاشر او الحادي عشر (والله ما ادري)

1-فساتين عرايس للأيجـــار او للبيع بس حلـــــوة وعلى الموضة: وحده اعرفها تبغى تبيع فستانها والفستان صراحه راااائع اذا تبين قوليلي وانا اقولها..والسعر مو غالي..

والله يوفقك

السلام عليكم
عندك للمسكات جوهرة الجزيرة في سوق الخيمة
ملابس داخلية المحضار واليافعي سوق الكندرة
البديهات والاسبورات الحجاز والنجار( والكندرة اسعارها رخيصة)

شوفي حبيبتي اذا تبغي كل مايخص العرائس بسعر معقول ونوعيه ممتازه واخر موضه كل اللى طلبتيه تلاقيه بسوق الكندره وسعرهم ممتاز
سواء فساتين الفرح ايجار أو شراء وبكل لوازمهم من مسكات الى مباخر الى سلات ورد الى اخره . وحتى فيه محلات خاصه لبيع المسكات والورود وكل اكسسوارات الفرح وأشكالها تهبل ونفس اللي موجوده في الأسواق الفخمه ولكن بسعر أرخص . وحتى اللانقري ياكثر المحلات والماركات ممتازه . وانتي جربي وما تخسرين شئ. أما بالنسبه للعطور بتلاقينها في البلد في باب مكه أوباب شريف وبسعر رخيص لأن أغلب الموردين لجده محلاتهم في البلد وحتى الأكسسوارات . أما للتاييرات وفساتين السهره تلاقيها في سوق النجار وأسعرهم معقوله واشيءهم تستاهل . وعصام ناس بس غالى شوي . وسوق الحجاز ومعرض كواكب.
وألف مبروك.

عيوني العطورات والمكياج تلاقيها في مركز الكورنيش الدور الخامس

انا دائما اروح هناك والسعر اقل من السوق بمئه ريال تقريبا من ما عليه عند قزاز

والله يسعدك ويهنيك