عروووس محتاره

صبااااح الخييييييييير ياحلويييين

هذي اول مشاركة لي في هذا المنتدى الرائع

طبعا انا اعرفه من ايام المراهقة بس ماكنت اشارك

وحاليا انا عررررررروس زواجي بعد 4 شهور ان شاء الله

عاد تعرفون مخاوف العروس و وساوسها وكل شي تفكر فيه

خطيبي يصير ولد خالتي والحمدلله خاااااااااالتي عسسسسسسل وتحبني بالمرة وهي من زمااااااان تبيني لولدها حتى بناتها طيبات وحبوبات ويحبوني ويحترموني

وانا ولله الحمد احبهم واحترمهم بس الحين قاعدة افكر بشي اللي هو انهم عارفيني من زمان خاصة ان علاقتنا فيهم زينه ودايمآ تصير بيننا زيارات وهم عارفين طبعي زين عارفين كيف اتكلم كيف اتصرف كيف حياتي وش اللي اعرفه ووش اللي ما اعرفه وكلللل شييييييييي

وفيه اشياء كثيرة وطباع بشخصيتي مو عاجبتني وودي اغيرها للأفضل،،،، وانا اول مجرد قريبتهم بس الحين مرة ولدهم يعني لازم اكون غيييييييير في كل شي...
وهذا كله عشان اكسب زوجي واهله واعيش بسعادة وراحة

ودائمآ اسمع من المتزوجات انه الافضل ان تكون العلاقة مع أهل الزوج رسمية حتى نبعد عن المشاكل
وانا خايفة بحكم محبتهم لي و انهم يمونون علي من زمان اخاف انهم يتدخلون في خصوصياتي كيف امنعهم من هالشي بدون ما أخسرهم وبدون مايحسون اني متغيرة عليهم او اني قاصدة هالشي؟؟؟؟؟؟؟؟؟

ف ماني عارفة اوفق بين هالشيئين لأنهم اكيد بعدين بيقارنون بين شخصيتي اول وشخصيتي بعد الزواج

واكيد بيحسون اني متغيرة عليهم ؟؟؟؟؟!!!!!!!

اتمنى انكم فهمتوني،،،

دلوني الله يخليكم شلون اتصرف مع اهل زوجي اللي هم اقاربي بالأصل
ولا تنسون انه بردودكم راح تفيدون كثير من العرايس اللي مثل حالتي

انتظر ردودكم فمان الله