عرووووسه ومدري كيف ابدأ سااااعدوني

حبيبتي سوي ميزانيه لكل شي
لملابس الطلعه مثلا 2000 لأنو كل شي غالي وهدا ممكن حق 10 لبسات على حسب التخفيضات

وللقمصان نوم كتري منها رح تحتاجيها كتير يعني خودي مثلا من الغالي نعومي وفلاورز ولاسنزا 5 او 6 والباقي خوديه من الرخبص ويكون حلوو لو انتي من جده روحي لتج توج قميص النوم الواحد مو اكتر من 40 ريال ويجنن وحاولي تشوفي عروض نعومي حلوه مراا

وللبجايم ولبس البيت سيتي ماكس وكمان تاج توج والقوافي وتوب تن هدي كلها بجده شارع صاري اعتقد قريب من دوار الهندسه

للشنط والجزم مثلا 1500 لو شريتي من خطوات اسعارهم تجنن وبضايهم احلى


العطور تلاقيها بسعر الجمله بمركز الكورنيش بالبلد بالدور الخامس والثامن والمكياج كمان من عندهم
ومو لازم تكتري مكياج خودي بسيط

خوديلك مخلطات من اجمل وعلي اصغر والعربيه للعود
رخيصه وحلوه مرااا شوفي عطر او مجموعة رين دروبس من اجمل تجن ماما شرت المجموع شاور جل وبودره ولوشن وعطر بـ 86 ريال وريتها تدوخ وربي شريت زيها وبخليها مع الدبش

مجموعة الشاور خودي طقم او طقمين من بودي شوب ومكياجي مكياجي احلى شريت مجموعة الفراوله حلوه وخفيفه


طبعا ارح تستخدميها يوميا لازم تستخدمي اشياء عادي عشان لاتغمق بشرتك من العطور الي بالمجموعات

من الصيدليه خودي لوشنات فازلين حلوو مثلا بزبدة الكاكاو او الاصفر
شامبو يناسبك وشاور جيل وصابونه الافضل دوف يعطي نعومه للجسم
بلسم وحمام زيت للشعر لو عندك سمار باي منطقه ابدي اعتني من دحين بالمرطبات والافضل تروحي لطبيبه تعطيكي شي يناسبك
انا ياما جربت خلطات كن للاسف ولا شي نفع لكن الحمام المغربي جدا رئع للبشره شوفي طرقه بالمنتدى هنا
يشيل الجلد الميت وينظف بجد و اهم شي الترطيب ثم الترطيب وافظل مرطب بالنسبه لي لوشنات فازلين جربتها كلها روعه
والاروع اللي لونه بنفسجي اللي بالكولاجين بجد خيااااااااال وخفيف وتمتصه البشره بسرعه

والله يتمملك ويتمم لعرايس بنات حواء عى خير ولي كمان يارب

ممكن تبحثي هنا بالقسم مواضيع عن جهاز العروس وتلاقي كلام كثير ونصايح مفيدة

اهم شي حددي الميزانيه لكل مجموعه ملابس يعني مجموعه لبس نوم ومجموعه لبس خرجات ومجموعه لبس للبيت والبجامات

والعبايات وهكذا وتوزعي المهر كويس لفستان العرس والكوفيره الخ

وشكلي الالوان والتفصيلات حقت الملابس وخلي كل نزله للسوق لاشياء معينه انت محددتها علشان ماتتلخبطين

وبالتوفيق ان شالله البنات يفيدونك اكثر

جروح انسانه

كفيتي ووفيتي ياقلبي وخاصة اني بطلع لجده قريب

رويــن

يعطيك الف عافيه ياقلبي


وانتظر من الاخوات مايقصرون بالنصيحه

طيب الشنط الماركة والحلوة بجده والرياض وين احصلها ؟؟

حبوبه نحنا بالخدمه

بالنسبه لشنط الماركات لو تروحي شارع التحليه بتلاقي كل الماركات اعالميه شانيل جفينشي سان لوران..إلخ

وشنط شبه الماركه اعتقد درجه اولى بالكورنيش اخر مرا لقيت فيه شنطه بـ300 وشويه وكانت لماركة جوسي كوتور

الله يتمم لكي على خير يارب