]
الغدا يكون مطبوخ في البيت المجهز بقدر ابو ذبيحتين وقز كبير0
اذا تغدا الجميع يأتي دور البنيات الجذعات من 10 سنوات الى 17 سنة -وهذا اقصى حد تجلسه البنت ما اعرست في بيت اهلها- فتعطيهم راعية البيت قمصان من قمصانها وتبدأ رحلة غسل المواعين وكنس المقلط والشب على الشاهي والقهوة وفرش الحوش وتعبية صحون الحب استعداداً لحريم الجيران0
تذهب البنات الصغار لاستدعاء حريم الجيران فتلف عليهم خلال خمس دقائق وتتلو عليهن الكلمات التالية ( تسلم عليكم امي وتقول تعالوا تقهووا عندنا عندنا اخوالي وان كان عندكم نعناع في شرب النخلة جيبوا معكم شوي)
تنتشر رائحة لا تنسى في الجو وهي خليط من ( قشر بردقان - رز ولحم - طيب ليمون حق المغاسل - قهوة تفوح - بقايا بخور من قبل الغدا)
عند كل مغسلة تجد احدى حريم الاخوال والعمان تتزين لحريم الجيران ( تبودر وتطيب وتكد راسها وتكحل )
اما الرجال فيكونوا قد اخلوا المنزل للحريم
, والبزران في الشارع 
, والبنيات في المطبخ يفوطن الكيسان والملاعق ( ان وجد )هذا ما اتذكره وذكرونا بما تذكرون / اختكم خاله اسماءSIZE]
الموضوع منقووول
بس بجد تذكرت ايام وطقتني الغلقه من حاضرنا وعزايمنا ...اللي مدري شلون كل وحده تضيف وش تذكر
غرايف جميع غريفه يحطون لهم من العشا او الغدا بقدير صغير ويروحونه مع حدا البزران وياسلام لو يقع الاختيار علي نروج فوج كامل نودي القدر ومن زين الطبايع حافين
من الساعة ثمان لين عشر تحصلين بنتين منتبصين في المقلط يقطعون الزلطه <<< كانوا يسمونها كذا
ماكان فيه صحون للفاكهه اللهم ينثرون البرتقال على السماط وكلن يقشر بيده
شدني للماضي ياليت ايامه ترجع مهوب ايامنا هذي المفاطيح قدام البنات وينتظرون العزيمه تنتهي عشان يطلبون من كنتاكي