كوبونات الراقية تسجيل الدخول

$$ليــنا الحلوة$$

عزايم البيوت وجوال الكامير !!!!! افيدوني

الأسرة والمجتمع •

رحت عزيمه غداء الاسبوع الي فات ببيت عم زوجي المهم كانوا حريم كثير حاضرين ...يوم رحنا لغرفه ثانيه عشان نصلي قعدو البنات الصغار مع الحريم يعني وحده رايحه وحده جايه مهوب قعده رسميه ..الي ضايقني في بنات من اقارب زوجي اعمارهم صغيره تقريبا 15 و 14 يلعبون بكاميرا الجوال ..ومتاكده انهم صوروني ..!! واكثر من مره ..اهم راعين استهبال وضحك ومزح ماصخ ....وانا رايحه للمجلس وقفت عندهم وسألتهم قلتلهم الحين انتو تصورون ؟؟ روعتني وحده منهم عربجيه بصوت عالي قالت من الي قال ان نصور !! ورحت وخليتها بس جوالهم سوني اريكسون وفيه فلاش كاميرا واكثر من مره جاء علي الفلاش !! انقهرت بس مااقدر اكبر الموضوع تعرفون لو بحكي اهل زوجي بزعلون وبيقولون تتوهم وتبغى تسوي مشاكل .....!! وخايفه انهم صوروني والصور تنتشر تعرفون بزران والله ماينوثق فيهم يورونها اخوانهم والا احد غريب مدري وش اسوي ؟؟ وش تسوون بالعزيم الرسميه الي بالبيوت اذا صار فيها جوال كاميرا !!!!!!! في وحده صار لها مثلي ؟؟
17
2K

يلزم عليك تسجيل الدخول أولًا لكتابة تعليق.

تسجيل دخول

$$ليــنا الحلوة$$
$$ليــنا الحلوة$$ •
وش فيكم تقرون وماتردون؟؟؟؟؟؟؟؟ والا ماتروحون عزايم ؟؟ وش قصتكم
قطريه*فديتني
قطريه*فديتني •
بالنسبه لي ياعزيزتي صارت معي كثير بس الشكوى لله ما اتوقع انهم راح يسوون كذا مهما صار00
حتى لو انهم مراهقات ماظنيت لهذي الدرجه وحتى لو صوروك ماتقدرين تسوي شي يالغلا00 وكلي امرك لربك وانشالله مافيه شي ممكن هستره مراهقات تصوير وهبال يمكن المقطع اللي كانو يصورون قريب منك مو شرط انتي فلاتظنين كذا00 ياحلوه وانشالله مافيه الا الخير
*&تلفون خربان &*
*&تلفون خربان &* •
وش نسوي ؟؟

قهر وعيني عينك التصوير وقوة عين بعد منهم ,,,

والله لو اعرف التصرف كان قلت بس مهوب الشرهه عليهم على اللي ممسكهم الجوالات ولا رباهم على احترام الغير وخصوصيته الله يستر علينا وعليكم
$$ليــنا الحلوة$$
$$ليــنا الحلوة$$ •
جزاك الله خير قطريه عبرتيني على الاقل ........والله سكت ماقدرت اسوي شي والله يستر علينا دنيا واخره

تلفون خربان مشكوره على المرور عمري ..........حسبي الله ونعم الوكيل فعلا بنات صغار عيب والله يمسكونهم جوالات قدام الضيوف وضحك وحركات وقدام امهم بعد وساكته الله يهديهم
حبوبة سدير
حبوبة سدير •
اذا لم تستحي فاصنع ماشئت
والله يهدي بعض الامهات الي ماتخاف الله في بناتها وتراقبهم