مرحبا خواتي
والله ثم والله اني ماكنت اتوقع اني راح ازور القسم هذا ابد وخاصه اني كنت شاعره واعتزلت كل شي في غلاه..
لكن الشكوى لله..((فقدت اغلى ناسي))
فقدت روحي واحساسي
فقدت اغلى البشر
فقدت اكبر شي بحياتي
بديت احس بغيابه وجبروتي في فقده وكبريائي يقتلني
مهما كتبت من الألم تقف كلماتي خائبه ودمعي يتبعثر لدى ماهو اقوى مني لشاعري
المتميز ضيداااان:icon33:
اهداء لمن يهمه امري....
يا وجودي كل ما هبّ صوتك من شمال.
.. وجد من حدّه زمانه على اللي ما يبيه..
ويا وجودي كلما اضحيت ثم مال الظلال.
..لا غفت عيني ولا ذقت شي ٍ مشتهيه...
وجد من قفّى وهْو في رجا كلمة تعال
.وإلتفت من عقب ماْ اقفى.ولا أحد ٍ لدّ فيه..!!!
ويا عذابي لا دنا الليل من روس الجبال.
..وانتهى يوم ٍ من العمر ما عاد أرتجيه..
وانتي أبعد من سما الحلم ووصالك محال
... يا بعد من هلّ دمعي ضحى الفرقا عليه..
يا غناتي لا تحسبين دمعي يوم سال:icon33:.
..ضعف ولاّ خوف ..ولاّ كذا ولاّ كذيه !!
والله إني من رجال ٍ يضدّون الرجال.
.. لكن الحظ ّ الردي ..ساق دمعي كل أبيه !!
ووالله ان قد لي وانا اصّد لا جالك مجال.
.. صدّة اللي لا تضايق تذكّر قبر أخيه !
ووالله إني كلما دار حوليك الجدال
... قمت كنّ الموت يشّر على قبرى بديه !!
ومن سألني قلت مدري..وإذا عاد السؤال
... قلت له تكفى سؤالك ترى ماهو وجيه !!
وش تبيني اقول عن من ترى ذبحي حلال ؟
...والخطا منها عليّ..صرت أحبه وأهتويه!!
عذرها لو ماْ تْعذّر مثل واضرب مثال.
..واحد ٍ ما يعرف الحرّ الاشقر يشتويه !!
وان لفينا للتواصيف لله الكمال
...لاْ انتهى ليل المزايين جاتك تبتديه !
كنّها غفل ٍ مع البدو طاويها الحيال
..ما يميّز وصفها إلا نبيه ٍ من نبيه.!!
وهني اللي وصلها وذاق من الزلال
رشفة مع غفلة الناس من فيها بفيه
وعزتي للي سواتي عشق مالا يطال
ويوم طاله ضيع الحلم بين امه وابيه
ياْ اول أحلام الطفوله على حد ّ الخيال
...الرجى باللي حمى البيت من حملة بريه..
حال دونك سيف عنتر وتاسع حول حال.
..باْثر حول ٍ حال دونك وانا ادعى هيه هيه !!
هيه ياللي غرّك الحسن واطغاك الجمال
...والله أني اموت ما شفت لأوصافك شبيه !!
لو يسام الحسن والتيه بجنيه وريال
...ما بقى في سوق غيرك ريال ولا جنيه !!
كيف أهدّك للمقادير وانتي راس مال؟؟
...راس مال ومال..والمال ماْ يغطي السفيه !!
حافظك حفظي لعيني ورمشي لك جلال
...وانتي تْشحّين بالما..وانا شفّي مويه !!
شايف ٍ ظلمك وساكت وطال الليل طال
.لا تركتي طعن قلبي وانا ما قلت ليه...
لو بقى للهيل صبر ٍ على فوح الدلال.
..ما بقى للقلب صبرٍ على شي ٍ يجيه!!
كنت احسب ان الغلا زال اثره لا يزال
في الحشاء ماكنه الا دخيلأ في الوجيه
ساقني حبك على الموت وسنيني هزال
والظروف اقسى من الظلم للعرض النزيه
وانتي تْسوقين عقلي على حدّ الهبال
...تحسبين ان من بغى شي ..يقدر يشتريه !!!
ولاّ انا يا وجد حالي وجود ٍ ما يقال
(...وجد من ضحّى بغاليه لْرضا والديه.)
..
ويا وجودي بأول العمر قبل ألبس عقال !!.
..وجد من باع آخر العمر ..في رغبة ذويه !!
ويا وجودي كل ما هبّ صوتك من شمال.
..وجد من حدّه زمانه على اللي ما يب يه !!!
...........
تحياتي
ام نوره
:26:
nonoo28 @nonoo28
محررة برونزية
يلزم عليك تسجيل الدخول أولًا لكتابة تعليق.
nonoo28
•
٨0مشاهدات ولا رد يذكر
رائعة جدا جدا هذة القصيدة
من اكثر القصايد التي تعجبني
للشاعر ضيدان بن قضعان
ولو ان لديه كثر من القصائد الجميلة
مثل فمان الله و ياصغير ويابحر جدة
الخ000 الا ان ياوجودي تبقى الاجمل في نظري
اختيار موفق
ويعطيك الف عافية
من اكثر القصايد التي تعجبني
للشاعر ضيدان بن قضعان
ولو ان لديه كثر من القصائد الجميلة
مثل فمان الله و ياصغير ويابحر جدة
الخ000 الا ان ياوجودي تبقى الاجمل في نظري
اختيار موفق
ويعطيك الف عافية
الصفحة الأخيرة