عزّمت أسوي عملية تجميليه ان شاء الله ... ارائكم ؟

السلام وعليكم ورحمة الله وبركاته

مبارك عليكم ما تبقى من الشهر
وجعلنا الله من صوامه وقوامه ويكتبنا من العتقاء من النار



?رجاء بنات اللي عندها أي معلومه لو فتفوته
تفيدني
بس تكون من واقع تجربه أو تعرف وحده قريبة لها مره جربت. اللي بتكلم عنه


أنا بكره ان شاء الله بدخل التاسع

عندي ولد
يعني هذا البيبي الثاني ان شاء الله

وما افكر بالحمل قريب أبد
افكر اكبر عيالي واربيهم وادرسهم

عسى ربي يطرح فيهم الخير والبركه


وناويه ان شاء الله أأسوي خياطة تجميليه وتضييق


أنا ولادتي بتكون ان شاء الله بمستشفى الحرس بالرياض
ماشاء الله خياطتهم مرررررررة روعه
بس تعرفون الحريم لا بد من هالامور



سؤالي يا قمرات


وش الأفضل اسويها بعد اسبوع من الولاده ؟؟؟

هل التخدير بيكون كامل أو نصفي او بس مكان العمليه ؟؟؟


هل الألم فعلا مايحتمل وأقوى من ألم الولاده !؟؟؟

كم تستغرق مده عمليه التجميل والتضييق ؟؟؟


كم تكلفه العمليه تقريبا ؟؟؟

والاهم من هذا


كيف تحسون علاقتكم بعد العمليه مع ازواجكم هل فيه فرق عن أول ؟؟؟


وأذا حابين تضيفون اي معلومه من عندكم

اكون لكم من الشاكرين


طبعا اكيد لا بد من الاهتمام وقت النفاس بالاكل والحركات اللي ماتخفى عن كل حامل


بس زيادة الخير خيرين


وش ترشحون لي افضل اخصائيه بالرياض

أنا افكر اروح عند ليلى في مستوصف حي السلام


المايك لكم