عزمت احتشم لا تترددين تعالي فِيَ? هدية

ربي يهديكِ .. ويهدي اهلكك ..

والواحد اذا عزم عـلى شي يسويه .. وربي بـ يسـاعدك على هالشي /

اسال الله ان يُنر دربككِ وطريقككِ الى ما يحبـهُ ويرضـاه ..

البسي العباية وما همك من احد

توكلي على الله وإلبسيها
رضا الله أهم من أي كلام أو تريقه راح تسمعيها
بالتوفيق ^^

ماشاء الله لاقوة الا بالله اهنيكي من قلبي ..
ربي يثبتك ويزيدك خير ياحبيبتي ..
انا للامانة عبايتي على الكتف بس واااسعة اسويها تفصيل ما اخذ من الجاهز
كنت البس على الراس وغيرتها للكتف ايام ماكانوا اولادي صغار
كنت لمن اشيلهم يبهذلوني واتكشف وحالتي حالة
رحت فصلت وحدة مقفلة من قدام البسها من فوق واتحرك براحتي معاهم ..
الفكرة في ان العباية لازم تكون واسعة وساترة ماتحدد الجسم
ومافيها مهرجان الوان سواء كانت على الراس او الكتف ..
ماعليكي من الاحباطات اللي بتجيكي من كلام اللي حولك ..
اي احد يسمعك كلام محبط
خذي الموضوع تريقة وضحك وردي ردود لطيفة تبسطك وتبسط اللي تسمعك
لمن يقولولك انتي لسه صغيرة ..
قولي نادوني ياجدة وانا لابسة عبايتي انا راضية
ولمن يقولولك عيشي حياتك ..
قولي انا عايشة ومبسوطة ماناقصني شي ..
ولمن يقولولك الملون احلى ..
قولي البس الملون تحت عبايتي .. اسوي لكم حديقة الوان ولا تزعلوا ..
لمن يقولولك طيب سوي فيها موديل ..
قولي انا انسانة اعشق الطيران واحب منظر الخفاش جدا .. ابغاها واااسعة اضيع وسطها ..
لمن يقولولك وسعي نقابك لاتصدمي ..
قولي ايش عرفكمممم ؟؟ النقاب كل ماضاقت فتحته صار النظر 6/6 .. اشوف النملة احسن منكم ..
ولمن يقولولك طيب خلي عبايتك مطرزة اسود من الاطراف شي بسيييط مايبان ..
قولي السادة عملية اكثر وماتخرب بالغسيل وانا قررت اكون بخيلة ما ابغى اشتري كل يوم عباية
والله ان هذي كلمتي وقناعتي السادة ارتب وعملية اكثر وتعيش وقت اطول ..
مااا اطيق المطرز لا سود ولا غيره ولا شرايط ساتان ولا بطيخ ..
طرحتي سادة وعبايتي سادة واغسل فيها ولاتتغير ولا تخرب ..
التطريز الاسود غسلتين وشكله يصير بايخ مهما كانت نوعيته كويسة برضه يتغير ..
اتعلمي تلاقي ردود حلوة تخلي اللي حولك يحترموا رغبتك وقناعتك ويبطلوا انتقاد ..
شوية شوية تلاقيهم صاروا زيك ..
والله الاحتشام شي جميل ويريحك نفسيا ..
يلا شدي حيلك
وكل ماخرجتي ورجعتي البيت ما اوصيكي
اوصفي احساسك بالراحة خليهم يسمعوكي وتنفتح نفسهم يسووا زيك ..
ربي يثبتك ويرضى عليكي ياعسل : )

ردي عليهم بقولك انا ملكة وعبائتي تاجي فهل رايتي ملكة تضع تاجها على كتفها
بل على راسها والله يهديك ويهدي امك المفروض الوحدة تفرح ان بنتها تلبس عباية على الراس