عزمومنا ولاسلمو علينا<دعوه للنقاش>

السلام عليكم ورحمه الله وبركاته
يوم الاربعاء كنا معزومين ع زواج ولد جيرانا وبصراحه مانعرفهم كثير يعني امكن 3 زيارات بس
المهم الرجال اعطانا الكروت واصرررررررررررر وبقوه انا نحضر كلنا رحت انا وامي واختي الصغيره
اول مادخلنا اول شي استغربت منه اهل العروسه والعريس مو موجدين ولااحد استقبلنا
احنا عادتنا لازم اهل العروسه والعريس يجلسون عند الباب ويستقبلون الضيوف ويرحبون فيهم
والرجال كذالك
المهم الزواج باستراحه وكنبات جنب بعض سلمنا ع الموجدين جميعا وجلسنا
المهم اشوف العالم تسلممممم يوم يشوفونا يسفهونا انا وامي ويسلمون ع الي قبلنا والي بعدنا واحنا لا
قلت يمكن نست غلطت ماشافتنا بس تكرر المشهد اكثر من مره كم مره وقفت وسفهوني انا وامي ومدينا يدينا وسفهونا انا وجهي صار كذا:humm:
الطامه انا ام العريس جارتنا جت اخر الليل وسلمت ع امي وانا وقفت وسفهتني انا انقهرت وتفششلت وكرهتم بقوه
خير مافي احترام يعنا حتي لو مايعرفونا لو مدت يدها وسابلت ماراح تخسر كيف نقوم لهم ولا يسلمون
المشكله انهم كبار وصغار وعجايز ونفس الحركه يعني مو وحده ولا ثنتين كان قلنا غلط او نسو لا كلهمممممممم
يمكن كم وحده بس سابلتنا وام العروسه سلمت ع الحضور كلهم الى انا وامي طيب حتى لو ماتعرفينا هذا زواج بنتك لازم تهتمي بالضيوف منتي خسرانه لو سلمتي مدري تكبر ولاايش بالضبط واخوات العريس بنات جيرانا بس ماقد شفتهم سلمو ع الي جنبنا والي بعدنا واحنا لا وش قله الادب هذي انا توبت اروح زواج مو للجماعتنا
المشكله انهم اهل نسب وحسب وقبيله معروفه ليييييييييييه كذا
والاخس والانطل حتى عند الرجال كذا
وطول الحفله الناس تطالعنا بازدراء مع اني ماودي اغتابهم بس مافيهم جمال ولا كشخه انا وامي اكشخ منهم واجمل منهم بكثييييييييييييير حتى اخوات العريس لبسهم عادي لبسنا احلى منهم طيب ايش المشكله ليه النضرات وعينهم بعيونا وخز واطالعهم ولا ينزلون عيونهم من جد انقهرت اني رحت وتوبت اروح زواجات غير زواجتنا جماعتنا
ويوم جاء العشاء كانت بتدخل اختي تجيك اخت العريس طايره ممنوع تدخل شوي وتاكلنا ونضرات احتقاااااااااار
طيب قوليه باسلوب حلو وبابستامه جلست انا مع اختي وامي دخلت وشوي طلعت وودعت ام العريس ودعت لهم وشكرتهم واستاذنا وطلعنا ام العريس يوم امي تكلمها تستاذن انا بنطلع احسها مستغرببببببببببه مره
انتهيت
والحين بسالكم
هل هذا الشي والحركات حاصله عندكم ؟لاني بصراحه اول مره اشوفها
وايش قصدهم به الحركه انهم مايسلمون يعني سلمو ع الكل انا وامي بس لا ليه؟؟
هل هذا الشي عادي بنضركم؟
انا بصراحه اخذت فكره موب زينه عن هالقبيله واصلن كنا ندور لخالي عروس بس مستحيل ناخذ منهم اوندل احد عليهم