على هذا الرابط
ملف سفرات وعزايم وبوفيهات أطباق عالم حواء ابداع × ابداع
قبل كم يوم كنت عند جارتي منى >>>صاحبة المعمول <<<
وعازمتنا على العشاء الله يجزاها بالخير >>>كسبت اجر فينا
وهذي السفره
اولا الجريش
احمسي بصل مفروم ناعم مع شوي زيت لين يذبل وبعدين حطي عليه قطعة لحم صغيرة عشان الطعم خليه شوي وبعدين حطي علية موية فايرة وبهارات (كمون مطحون وملح وشوي بهارات مشكلة) امي تحط ملح صيني ويطلع معاها يهبببببل
المهم تحطين الجريش انا انقعه نص ساعه في موية حارة قبل لا احطة
حركية شوي وعلى الفرن خلي النار هادية وانسية انا اخلية 3 ساعات
قبل التقديم بنص ساعة حطي علية لبن وحركية شوي وارجعي غطية وحطية في الفرن
للوجه حمسي بصل بالزبده وحطي عليها مسمنه واذا ماعندك حطي ملح وفلفل وكمون وقرفه وليمون اسود مطحون
الرز
على طريقتي وتلاقو طريقته بالملف اللي بتوقيعي.. رز برياني على افغاني
بس ماكثرت بصل وحطت شوي مكرونه وطلع جناااااااااااان
ورق عنب
جاهز
نجي للغاليه منال جابت صينيه تهبل صراحه اتخبلت عندها ههههههههههههه
طبعا المقادير على حسب الكميه اللي انتي تبغيها >>اول شي تقلين بطاطس الجاهزه او تحمريها بالفرن وهي حمرتها بالفرن فطلعت خفيفه مررررررررررررره ومو تحمريها مره خليها ذهبي
تحمسي بصل شرائح مع مشروم طازج شرائح وتقلبيهم مع شوي زيت وخليهم يصفرو شوي
نضيف عليهم فلفل ملون >>احمر -اصفر - اخضر - برتقالي وكله شرائح وتقلبي وعلى طول تضيفي
طماطم شرائح + البطاطس
تبهريهم بملح وفلفل وشوي بهار مشكل وبابريكا +صلصه الصويا وشوي ماجي
وتقلبيهم يتحمسو بس شوي
ترشي بقدونس مفروم وتصبيهم بالصينيه وتحطي على الوجه جبنه تشيدر والجبنه الشرائح حقت البورجر وتحطيها بالفرن بس خمس دقايق بس تذوب الجبنه
السلطه
تحطي جزر مبشور + ملفوف مبشور + شوي بصل مبشور >>لاتكثرين بس نكهه بسيطه
الخلطه
قشطه + مايونيز + رشه سكر ورشه ملح
سفرة دايمة بالرغم اني مب حاضرة الا اني رح ادعيلك بان اكل عندكم الابرار وصلت عليكم الملائكة
موفقيين