عزومة مخصوص لساكنة القلوب

عزيزتى ساكنة القلوب

شوفى يا ستى أنا و لله الحمد أنا و شقيقتى من المتخصصين فى عزايم الأسماك و أنا هديكى منيو و لك أن تختارى منها ما يناسبك حسب أنواع السمك إلى هتشتريها و حسب ما بتفضلى أنت و ضيوفك


أولاً الشوربة (اختارى صنف واحد من الآتى )
1 - شوربة فواكه البحر لو عندك مكوناتها (سبق تقديمها )
2 - شوربة السمك البيضاء بسمك موسى (لو هاتعملى سمك موسى مقلى )


ثانياً الرز (اختارى صنف واحد من الآتى )
1 - رز بالجمبرى و الكارى (سأقدمه فى ملف الرز)
2 - رز أحمر بالجمبرى و المكسرات (سأقدمه فى ملف الرز)


ثالثاً الطبق الرئيسى (اختارى على الأقل صنفين من الآتى)
1 - صينية سمك سنجارى (سبق تقديمها )
2 - سمك بورى مقلى بتتبيلة البصل
(يقطع السمك ترانشات و يتبل بعصير البصل و الملح و الفلفل و عصير الليمون فقط(( يعنى بدون ثوم )) و يترك ليلة كاملة فى الثلاجة ثم نشيلة من التتبيل و نغطيه بالدقيق و نقليه فى الزيت ) و هذه الطريقة تجعل طعمه اشبه بالبفتيك
3 - سمك موسى مقلى بالتتبيلة الكاليمارى
5 - كاليمارى مقلى (سبق تقديمه )
6- كاليمارى محشى (سأقدمه فى ملف السى فود)
ملحوظة : فى اختيارك للأطباق الرئيسية يراعى عدم التكرار بمعنى اختيار صنف واحد صنية و آخر مقلى (أفصد السمك ) أما الجمبرى أو الكاليمارى المقلى فممكن اضافتهم جنب أى شىء حتى لو كان فيه سمك آخر مقلى


رابعاً السلطات (أكثرى منها لأن السمك يحب السلطة)
1 - سلطة خضراء
2- سلطة بابا غنوج
3 - سلطة طحينة
4 - مخللات متنوعة ( بصل - بذنجان - ليمون - مشكل )
5 -أى نوع سلطة باستخدام الجمبرى المسلوق او قطع الكابوريا

و أنا فى الخدمة يا فندم

:38: :38: :38: