انا اشوف تاخذي سمك تخلي العامل بالمحل ينظفه لك طبعا تاخذيه قبلها بليله وتتبلية بـــ( طحينة سائله + عصير ليمون + كركم+ بهار سمك+ كزبره ناعمة+ كزبره خضراء + شوي ملح +ثوم +معجون طماطم ......طبعا المقادير بالنظر حسب الكميه )
دهني السمك واحشيه بها كمان وقفليها بأعواد الشوي الخشب وقطعي بصل وفلفل رومي بارد قطع عريضة ورصيها في صينيه ورصي فوقها السمك وغلفيها بقصدير المونيوم وحطيها بالثلاجة والعصر اليوم الثاني طلعيها وكشني على جنب بصل وثوم في زيت ثم حطي طمام مطحونة وكمان معجون طماطم وبهار ومويه واذا استرت رشيها على السمك المهم ما تكثري لأانا نبغاها مشويه وحطي على الوجة شرائح طماطم وانتبهي لها رح تستوي بسرعه بس كل شوي قللي من الصوص اللي يطلع منها اذا كان ودك تكون ناشفه واذا ودك تقدميها في صحون مستطيله طويله فخلي فيها صوص على راحتك وزينيها بليمون وبقدونس وبالعافية ( انصحك بسمك شعور لذيذ في الصواني الفرن)
.............

وعشان الصغار خذي كنعد خليه ينطفه لك ويقطعه شرائح فيليه وتبليها بثوم وليمون واقليها وعلى فكره تقدري تسويها من بدري عشان ريحه القلي وتحطيها بصينيه بالفرن وسخنيها بعدين / تقدري تخليه يقليها هو برا اذا مافي وقت في محل اسماك
...........

رز ابيض مسلوق في ماء وهيل واعواد قرفه مع شوي زيت واذا قرب يستوي حطي في نص فنجان زيت مويه كادي منقوع فيه زعفران ورشيه على الرز من فوق وانتبهي حطي شوي لا يقلب الرز كله اصفر وزينيه ببصل محمر ومكسرات ورشيه بليمون اسود مطحون

.........

تقدري تسوي ايدام بطريقتك يعني بخضار لكن تحطي ربيان بدل الدجاج واللحم وجربي تحطي مع الكشنه شوي سومطره واذا ودك يكون مميز كشني بصل واذا قرب يستوي حطي زنجبيل مبشور او بودره وثوم وكاري ومعجون طماطم وطماطم مطحون و2 ملعقة سومطره او 2ملعقة فلفل احمر بودره ثم الربيان ( تلاقيه مقشر جاهز ومجمد باكياس موجود ببنده والعثيم فيه امريكانا وفيه الكبير وغيرها ) خذي اللي مقاسه كبير لأن حجمه يكش مع الطبخ وخذي منه اللي يكفي ولا تكثري واطبخيه عادي بعد ما تضيفي له الخضار( بطاط + فاصوليا+ ذره_بازاليا+ جزر) عني اذا صارت عزيمة زي كدا وما عندي شغاله تساعدني اشتري اكياس الخضار الجاهزة اللي فيها الخضار اللي حكيتها قبل واضيف لها بطاط ووالله مافرقت إلا اختصار للوقت ورااااااحه والطعم حلو ومميز....

.............
سلطة خضراء
سلطة طحينة
ورق عنب واشوف ماله داعي كفايه نوعين السلطة اللي قلتها فوق
...........
حلى سفره بارد وممكن تحطيه بكاسات اريح من التقطيع
حلى قهوه
............
ممكن تسوي صينية مكرونه بالباشميل قبلها بيوم وبس تدخليها الفرن اليوم االثاني وكمان اشوف مالها داعي كفايه السمك والايدام والسلطة
.........
عصير ومويه<<<< ههههههه اش رايك في الدقه :)

وسلامتك


المهم تطلي علينا يوم الخميس وتحكي وش قررت تسوي ووش سويت مو تنطشين عااااااااااااااااد

موفقه

ما ينطح الجيش الاالعيش

السلام عليكم
بما انكم 3 عوائل فقط ماله داعي التكلف
يوم الاربعاء نظفي بيتك وصلحي كريمه ومكرونه بالباشميل وحلى قهوه وورق عنب ودخليهم الثلاجه
اذا جاء يوم العزيمه دخلي المكرونه الفرن واطبخي ورق العنب او جيبيه جاهز وقطعي سلطه
وصلحي القهوه والشاهي والبسي جلابيه كشخه وخلي عيالك متروشين ومرتبين وبيتك معطر
وصدقيني بتصير احسن واخف عزيمه
لان عددكم قليل وما فيه داعي للحوسه
الله يبيض وجهك

اسفه قصدي يوم الثلاثاء نظفي وجهزي كل شي
بس الله يستر من الغبار
المهم الطبخات اللي تجهز قبل بيوم مثل الكوسا المحشي صواني خضار
انصحك بكذا
اهم شيء طبق رئيسي وسلطه وطبق ثاني
وحلى او كريمه بس

ليش ماتسوينه جلست شوي وسلطات