السلام عليكم ورحمة الله وبركاته
كيف حالكم يالشيفات اللي مثلي << ترى ما اقول كذا يعني مدح
لا لا
اقصد اني ازود الملح واحرق الكشنه واصلي واصوم الحمد لله
امس اللي هو يوم السبت
تقريبا 17 رمضان او 18 << الذاكرة لكم عليها من كثر التفكير في العزومة
المهم زوجي قرر يعزم عزابية تبعه
وانا قررت اني اهج قبلها بيوم عشان يكنسل العزومه
تعرفون عزابيه ولو عزمتيهم قبل المغرب بساعة راح يجون ركض
غير الحريم اللي لازم تعرف موعد العزومة قبل مايجي رمضان << كله عشان نزين ذي الكشه اللي تحلو مع الصيام
المهم ...... وش كنا نقول ؟؟!!
اي ... كنا نقول ان العزابية يجون لو بدون عزومة .. هع
السالفة ومافيها اني شفت انه لامفر من هالعزومه
لأن اخو زوجي جاي من السفر وزوجي ماشافه من اربع سنوات
فأنا طابخة يعني طابخة
تراني مثل ماقلت اعلاه انا طباخة ماهره
بس سبب قلقي من العزومة اني حامل في شهري الخامس بالنونو الثاني
عندي بنوته اسمها فنووو
وهذي ولدتها في مستشفى دار الشفاء
وحتى كتبت قصة ولادتها لو تبون تقرونها راسلوني خاص << تبغى رسائل جديدة
فكنت خايفة اتعب لأن ضغي ينخفض
وخايفة ادوخ في المطبخ واطيح على الزيت وهو يغلي لاقدر الله << احس اني زودتها
لكن الحمد لله وصيت كل اللي اعرفهم انهم يدعون لي بالتسهيل
وربي كريم بارك لي في الوقت بفضله
اوصيكم بالدعاء والله اثره عجيب
( وقال ربكم ادعوني استجب لكم ... ) وفعلا ماخب من توكل على الله
:icon28:
فطرتهم اول شئ على سنة الرسول صلى الله عليه وسلم
السفرة الأولى اللي قبل صلاة المغرب
تمر _ ولبن _ وعصير توت وبرتقال
فقــــــــــــــــــــط
لأن في عزايم سابقة كنت احط مالذ وطاب من الخفايف
ويوم يرجعون من صلاة المغرب عشان ياكلون الوجبة الرئيسية ماياكلون الا شوي ويشبعون
عشان عبوا بطونهم سنبوسه وشلتها << هذي تصريفة بس اتوقع السبب ان الأكل ماكان حلو خخخخ
واتوهق انا في الأكل واضطر افطر ثاني يوم عشان اكله << والله امزح استغفر الله ...
المهم اكلوا تمرات وشربوا بضع كأسات
وصيت زوجي انه يصلي السنة في المسجد
يعني يتأخر بهم شوي عشان السفرة تكون جاهزه
ومافي الا انا بروحي في البيت
حتى بنتي الصغيرة صرفتها عند امي
يعني مافي احد يساعد
المهم فرشت السفرة ورصيت الصحون وكنت مجهزة الشاهي والحلى وحطيتهم كلهم
وكان باقي كم صنف ماحطيته الا وزوجي يدق يقول خلصتي؟؟
قلت 5 دقايق انتظروا ...
الا وهو عند الباب طق طق طق << هنا نفوخي هنج
مادريت وشو باقي
لقطت الكاميراااا سررريع
وتشك تشك تشك
وهم عالباب طق طق طق
^^
عجبتي هالحروف خخخخخ
ويوم اروح المطبخ القى الشوربة نسيتها << بغيت اصيح
والقى سلة الفو1كه في الصالة << هنا سمحت لعيوني انها تدمع
وامشي كم خطوة في المطبخ الا والقى البيالات والكاسات والفاجين ماوديتها
هناااا تدرون وشو سويت
ناااااااااااااديت يااااااليل ياااااليل << ( طبعا ناديت باسم زوجي ، بس ماذكرته هنا اخاف تخطفونه مني هع )
وعقب ناديته وامشي سبع خطوات باتجاه الجنوب الا والقى العصير اهئ اهئ اهئ
قلت لنفسي وش صورت اجل
ماطبخت الا صنف ونص
وانا كنت اقول راح ازود اغراض السفرة هالخرابيط
والحمد لله انتهيت من كل شئ
وقلت لزوجي يمين ......
اذا قلت ناقص شئ لأخليك تغسل المواعين
اي شئ تبيه خش هالإعصار اللي صاير في المطبخ ودور عليه
ثم رحت صليت وحطيت راسي
والحمد لله خلصت السالفة
والأن جاء دور الصور ... << اخيرا مابغيت ههههه
هذي سلة الفو1كة اللي نسيتها
قلت احطها اول صورة عشان ماأنساها مره ثاينه !!
هنا صورة جماعيه للسفرة
صورتها بسرعه
صورة من الجنب
لاتعلقون على صحن اللي ينحط فيه الشوربة البني
مدري اشلون حطيته
يوم شفت الصور بعدبن
انقهرت لقيت صحن شوربه ناقص وصحن عربجي شاذ
انا اعرف نفسي في العزايم انسطل ..
ماقدرت اصور زووم لكل صنف لحال
لأنهم رجعوا من الصلاة وقاعدين يطقطقون الباب << كنت ساحبة عليهم هع
فصورتهم زووم جماعي
عموما
الأصناف :
كبسة غنم
صينيتين شاورما واااااااااو بغت تفطرني خخخخ
سلطة
شوربه << اللي ماصورتها ... وجع
شيش طاووق
والحلـى :
حلى الزبدة العجيبه << ترى اسمه من مخي ،، لأن طعمه زبده بس ماعليه ولا قطعه زبدة
والحلى الأبيض << عبارة عن مهلبية بالبسكوت جوونآآآن ..
الطريقة ان شاء الله في موضوع آخر
وراح احط الرابط هنا بإذن الله ..
الصور :
......
وعقب رتبت وتعبت وانا اركض للمطبخ وارجع ارصص الصحون
ونسيت اني حامل
والنونو اللي ببطني تقريبا داخ من الركض << بغيت احطه عند امي مع فنوو بس مانفع خخخخخ
المهم عقب هذا كله
ماكفتهم السفرة ورجعوا اخذوا مفرش ورتبوها ترتيب يخرع << مع اني ماشفتها بس قلت يخرع عشان حاقده عليهم هههههه
............
هذا والله الموفق
والله تعالى اعلم
والى اللقاء في حلقات قادمة ان شاء الله
استودعكم الله
واذكروا الله
وصلوا عالرسول صلى الله عليه وسلم
وتوبوا توبه نصوح
واغتنموا مابقي من رمضان
واعملوا لباب الريان
وهناك باب للكاظمين الغيظ والعافين عن الناس
والسلام عليكم ورحمة الله وبركاته
لا اله الا الله ...