أخواتي العزيزات .. محتاجة لمساعدتكم بصورة عاجلة لترتيب صالتنا ..
الله يوفقكم وينولكم اللي فبالكم ..
واليكم التفاصيل .. الصالة كبيرة وتنقسم إلى قسمين مفتوحين على بعض بينهم Arch..
قسم كبير (4*7) وقسم أصغر (4*4) مرتفع شوية عن بقية الصالة .. والارضية رخام بيج ..
المشكلة اني محتارة في ترتيبها .. واختيار الاثاث المناسب ..
يعني شو ممكن احط في القسم الكبير .. وشوممكن أحط في الجزء الأصغر ..
في انتظار ردودكم المتميزة و لمساتكم الحلوة :26: :26:
وهذا المخطط يمكن يقرب لكم الصورة
اش رأيك في الصاله الصغيره تحطين طقم كنب وفي الكبيره تحطين على الجدار الكبير مدخل بس يكون كبير شوي وفخم وفي الزاويه تحطين تحفه كبيره ونازل منها قماش وتحتها يكون في خداديات صغيره مرميه على الأرض وفي الجدار التاني طبعا ستاير على الشبابيك بس اختاري موديل حلو وحطي الكنبه اللي تجي بمسند واحد وتكون مايله وياريت لو يكون القماش نفس نوعية وألوان الستاره والخداديات اللي على الأرض وفي الزاويه حطي شجره (نبات) لأن اللون الأخضر والطبيعه تعطي جو حي وفي الجدار اللي جمب المدخل ممكن تحطي لوحه كبيره وفخمه وتحطي فوقها إضاءه وبالنسبه للألوان أنا يعجبني البني مع البيج وممكن الأورنج والعودي طبعا كل ماكان اللون غامق تزيد الفخامه وحاولي تلعبي بالإضاءه وتوجهيها على الجدران عشان تعكس الألوان ...ان شاء الله تعجبك أفكاري وأبغى منك دعوه حلوة