شكل المشكله يعانون منها كثيييييييييييييييييييييير
وانا منهم
بس احاول ولي ثلاث سنوات احاول
بسسسسسسسسس باحاول الى ان تمل المحاوله من محاولاتي
كخخخخخخخخخخخخخخخخخخخخ
ايش رايكم:24: :26:

هلا غروب توصلك رسالتي على الخاص:26:

الله يسعدك يا غروب والله فكرتيني بنفسي
اول ما تزوجت كنت خجووووووووووووولة مووووووت والله حتى الأكل ما آكل قدامه استحي مرة
ولا أطلب حاجة مع انه يقول لي تدللي واطلبي .... يعني لو طلبت منه لبن العصفور زي ما يقولوا كان جابه لي

استمرت حالة الحياء عندي وقت طويييييييل اكتر من 3 سنوات
بعدين تجرأت شوية شوية ...... الان لي 10 سنوات متزوجة ماشاء الله
و اذا ابغى حاجة اقعد اناكف فيه مسكين لين اجيب اللي ابغاه ... مرة اشتغل زنّااااااااانة و مرة اقعد اسوي تمثيليات بشوية دموح تماسيح ( تراها مفيييدة اسمعي مني ) ومرة اقعد مبوزة و طفشانة ومرة اقعد اتنطط له زي العفريتة وربي ابهدله
اخليه يجيب لي اللي ابغاه وهو يضحك.... هذا طبعا بالنسبة للحاجات الكبييييرة مثلا طقم الماس أو تجديد حاجة من الأثاث وكدا
اما طلباتي الضرورية والله من غير ما اطلب الاقي الحاجة اللي ابغاها قدامي ربي يخليه لي .....

أطلبي يا بنت الحلال و سيبيكي من الحياء .. هذا عمر بتقضيه معاه بإذن الله ... لازم تتجرأي عليه اكتر من ابوكي كمان ...
وضعك راح يتغير مع اول طفل ان شاء الله لأنك بتحسي انك جزء منه و بيجيكي وقت بتخجلي من اهلك ومابتخجلي منه ..


و طبيعته الجافة تغييرها اختصاصك ياعيوني ... الرجل في العادة بيكون جامد شوية و المرأة عاطفية و ربنا عطاها قدرات لو استغلتها والله تحرك جبل مو رجال وبس :27:
ابدأي بالبسمة ..... ابتسمي في وجهه .. وانتي قاعدة معاه اسأليه اذا يبغى فنجان شاي مثلا أو قهوة .... اذا قال لك ايوه.. استغلي الوضع وقولي له من عيييييييييوني ياعيوني تؤمرني أمر ... وانقزي للمطبخ وانتي مبتسمة وفرحانة انك بتخدميه ...
اعرضي عليه بنفسك تخرجوا تتمشوا شوية وادخلوا مطعم حلو و استغلي الوقت الين يجيبوا طلباتكم .... و ابتسمي له و اتكلمي معاه شوية و قولي ليه انك تحبيه كتير وانك تشتاقي له بس الخجل يمنعك .. صارحيه بمشكلة الخجل اللي عندك .... صدقيني بهذي الطريقة بتفتحي مجال للكلام بينكم و تكسري حواجز كثيرة ..... اهم حاجة الموضوع ينفتح في مكان برا البيت ... مكان مافيه تشتت افكار ولا تلفزيون ولا دوشة ..... في المطعم مافي غيرك انتي وهوا والطاولة والشيش اللي مغطي عليكم .....

تعرفي؟
افتكرت بيت حلو في اغنية لراشد الماجد اللي يقول فيها
لاقلت بكرة بتمطر شحّت أمطارك ... ذاب غصن المحبة وانت ما رويته

لا تخلي الغصن ينشف ياغروووووووووووب ......
الوقت لسه قدامك .... بس طول الوقت ماهو في صالحك
استغلي انك عروسة و خليه يفهمك قبل ما يتعود عليكي بوضعك هذا و ترجعي تتعبي بعدين عشان تصلحي .....

الغصن اذا نشف ينكسر ديري بالك ... لا تخليه ينشف
الله يستر عليكي و يسعدك و يعطيكي الشجاعة والجرأة :27:


أختك / وســـــام:26:

يعطيج العافيه يا اختي وسام كلامج حلو ويونس وانشاء الله يفرجها ربي وتنحل معاي هالعقده :)

وانا يابنات نكفين شوفولي حل انا قريبه من نفس المشكله وصارلي 5 سنوات وانا استحي عطوني حل وارسلولي