عزيزتي الحامل،،،وصفات شعبية من طبيبة استشارية

السلام عليكم اخواتي الحوامل
اسأل الله ان يهون علي وعليكم ويفرح قلوبنا بالسلامة والعافية وشوفة اطفالنا بأحسن حال


اليوم كنت عند دكتورتي وهي استشاريه معروووفه ومشهوورة ،، سألتها اسئلة كثييرة بحكم اني بالتاسع الحين،،
ولاني احبكم وكثيير استفدت منكم بنقلكم بعض اللي قالت لي


للحلمة الغائرة واللي دايم تتشقق مع الرضاعة واحياناً تتجرح دم خذي لها كريم طبي من الصيدلية مخصص للحلمات.
اليانسيون والسوائل بصفة عامة ضرورية جداً للمرضع ولتحفيز الحليب.
الفلف الاسود والكون والشمر ايضاً مفيدات جداً تاخذينها وقت نفاسك ومو صحيح اللي يقال ان الفلفل الاسود يألم الطفل الرضيع.
للخيوط اللي فيك داومي على غسول طبي او بيتادين واحد منهم يكفي و دهني بكريم ميبو مرتين يومياً او فيسودين ابو اسد وبس.
مهم جداً تحنكون المولود بتمر اول ماينولد وهذا يساعد في تحسين دورة الدمويه ويقلل من الصفار.
سألتها عند الكبو قالت جداً حلو ومن اول يوم ومرررة استغربت منها قلت انتِ استشاريه وتقولين هالكلام؟؟ قالت اقوله واسويه بعد في نفاسي من اول يوم وطريقته تجيبي جمر وتحطي عليه كسرة مرة وكسرة ظفر طبعاً انا ما اعرف الظفر بس قالت بتلقينه عند العطار وخذي اللي منظف وجاهز لانه صعب تنظيفه .



ختاماً حبيباتي اتمنى اني افدتكم ولو بالقليل و ما ابي منكم الا دعوة في ظهر الغيب ان الله يشفيني وكل مريض ويهون علي وعلى كل الحوامل ويرزق اللي تتمنى بالذريه الصالحه