اولا مدة قراءة الموضوع المقترحه عشر دقايق
ثانيا اللي تبي ترد ترد والا ماتبي غصب ترد بعد << وحده طاقه ومضيعه وقتها مع الحريم اووف
ثالثا تراي صبغت شوشتي وصورتي على غلاف (مو مجله لاتخافون وتاخذكم الغيره) لا على غلاف النيدو مدري ليه اللي صوروني قالوا نبي كل الامهات تشوف صبغتك ونسوي دعايه يلعبون علي (ترى انا البقره اللي على اليمين ) << احب اتيامن دايم
المهم موضوعنا اليوم عن غيرتكم ياحريم من بعضكم أي انتم لا وحده تناظر الثانيه يقالي مو انا الا انتي ونص
طيب غيرتكم ياحريم تنقسم الى نصفين
1) غيره مذمومه
2) والثانيه غيره مذمومه بحقد او نسميها (لعانه) مع احترامي لكم
تعريف الغيره المذمومه هي انك ياحرمه كل ماشفتي حرمه اخرى فيها ميزه افضل تنتقصين من قيمتها قدام الناس وماتخلين صفه سلبيه الا تقولينها عنها
هنا احب اقولك انطمي واسكتي
لانك مكشوفه امام الكل والعبي غيرها اما الغيره اللي بحقد هي اشد وطأه ففيها تقومين ايتها الحرمه المصونه بنصب المكائد والحيل الشيطانيه للحرمه المغيور منها
في هالحاله مااملك الا اقول
امثله لغيرة الحرريم
ماتلاحظون اذا قالوا فلانه بالعرس حلوه ترد وحده بس خشمها كبير ورجولها طوال
خخخخخخوالا ماتعرف تلبس فستانها شايفته بتخفيضات ابو عشره
وتشتد الغيره وتصبح نار حاميه لو كان مدح لوحده بوجود رجل مو شرط زوج اخو, خال, عم
تقوم هالمسكينه مولعه بس فيها وفيها يحووووووول شكلك غبي ومكشوف
ليه بعض الحريم تشوف نفسها احلى مافي الكون وتغنى فيها كظوم ولد الساهر
ماتلاحظون اذا وحده بموضوع قالت أي مشكله مع حرمه لازم تقول الجمله الاثريه رغم اني حلوه وجميله وأنيقه
واذا تكلم عن مشكله مع وحده لازم انا احلى وازين وانتخبوني مس يونيفرس وووو
حتى لو تحط هوشتها مع خدامتها لازم نسمع اسطوانة انها ازين واكشخ يحوول
والا غيرة الحريم تكلف على زوجها ماركات عشان ليه فلانه انا زيها! مستعده تموت من الجوع وتعيش على الاغاثه عشان تقهر فلانه بعرس
بس ياحريم نسيت اقول انكم وصلتوا لي ماوصله احد بغيرتكم وتستحقن براءة اختراع وسحب النوبل من زويل وتسليمه لكم
اجل ياحرمه انتي وياها تغارين من حرمه ماتعرفينها هذه اموت وافهمها
مره جالسة باستراحة المستشفى اكل سندويش وعصير <<بتعلمكم معها فلوس تشري حتى بالهوسبيتل
وتمر حرمه مع زوجها الا واللي جنبي طيرتني بصوتها وليه ماسك يدها وليه يسندها هااااا!!
اجل يخليها تطيح بالارض ترى حزة مرض محد فاضيلك ياحرمه
والا بالسوق تعليقات بعض البنات والا الحريم لاشافوا وحده مع زوجها بمطعم ووووووو
والقهر لاجاء التعليق بمكبر الطقاقات
وانا اكتب هالموضوع اجريت حوار صحفي مع هوسبندي وحب يدلي بدلوه
رندلي : هل الرجال عندهم غيره من بعض زي الحريم؟
الهوسبند : وش تبين ماني فاضي وش تقولين؟
رندلي: تعيد السؤال ماهمها التكسيح والتفشيل
الهوسبند: أي عندهم غيره ألعن من غيرة الحريم وأنكل
رندلي:
الهوسبند يستطرد قائلا بس حنا غيرتنا على شي يسوى نغار من واحد ناجح بعمله واحد البنات يلحقون وراه مو تارك مجال ( اضافه: رندلي بهالاثناء ماتت)
نغار من شخص كون نفسه وكون ثروه والا من شخص عنده علم قوي
ونحاول نحفر بالصخر عشان نصير زيه اما انتم يالحريم تغارون من الشغاله حتى من الاطفال احباب الله تغارون ياوحوش ماقول الا مالت عليكم
ورجع لاتمام عمله
أتمنى منكم ياحريم شكر هوسبندي والتصفيق له لمشاركته اللي من غير خلق لنا
الحين الميكروفون لكم للي تحب تشارك او تقولنا من مين كانت تغار << لا وتدورين ردود
حتى أنا جميلة وأنيقة وحبوبة ..
مو زي اللي قلتِ عليهم