عزيزتي الزوجه: إجعلي زوجك صديقك ولاتندمي !!

إلى كل متزوجه..
إجعلي زوجك صديقك لازوج فقط .!صارحيه لأن الصراحه راحه اشتكي منه له عندما تحصل بينكم مشكله ارمي نفسك بحضنه واشتكي له من نفسه بدل ماتتسرب اسرار علاقتكم خارج المنزل حسسيه انه اهم شيء بحياتك وانه الانسان الوحيد اللي يعرف كل شيء بداخلك .الصداقه بين الزوجين من اروع مايكون صدقيني مع الوقت يبدأيعرف وش تفكرين فيه بدون ماتتكلمين ويعرف وش تبغين بالضبط من النظرات وانتي كذلك ...الموضوع يااخوات بين الزوج وزوجته أكبر بكثير مما تعرفه بعض الزوجات الزوج ليس رجل يجامعني وأنجب منه اطفال وبس لا وألف لا
الزوج اخ واب وصديق وكل شيء انسان يمتلك احاسيسك وجسمك ويسيطر على تفكيرك الآ يستحق ان يكون تلك الحياة بمعانيها الآيستحق ان تطلقي العنان لمشاعرك وتصارحيه حتى في اتفه الامور في نظرك ؟! إجعليه صديقك في كل شيء اطلبي المشوره منه اهتمي برأيه دعيه يختار لك ملابسك حتى وان كان ذوقه مايعجبك دعيه يرى اختياره لملابسك وانتي تلبسين متفاخره بذوقه صدقيني ينبسط ..السوالف مابينكم مو لازم تكون حصريه على البيت والاولاد بس سولفي له عن باقي الامور كأنك تسولفين مع احدى صديقاتك إذا كان فيه مشكله عند اهلك مثلا تتطلب المشوره مفيه مانع انك تشركينه بالرآي مو تقولين والله ماابغاه يعرف عن اهلي لا لا لا هو واحد منهم وانتي عارفه كذا
بعد إذا بغيتي تروحين لطبيبة النساء خذيه معاك هو اولى من امك واختك وصديقتك خليكي ملف مفتوح قدامه لاتحاولين تخبين اي حاجه قولي له انت في الصوره دايما ومالي غنى عنك وانتي سندي وانا وانت روح تسكن جسدين متفيه احد يكتم على الثاني حتى لو حصل بينكم زعل لاتسمحين لأي شخص يتكلم عنه بسوء اوينتقصه حتى لو كان واحد من اهلك
انا غرضي من عرض الموضوع هو الصداقه بين الزوجين لاني فعلا اشوف كثير مايهتمون لهذي النقطه فحبيت اوضحها لكم من باب النصح والاخوه لاني جربت كل ماذكرته وحصلت على افضل النتائج واحب لاخواتي مااحبه لنفسي واعذروني على الإطاله
تحياتي للجميع