الله يكتب الخير للجميع

ننتظر مشاركات البنات

سلام مربع للحلوين :) :)
عن نفسي تعينت في قرية تبعد عن بيتنا بالضبط ساعتين
في اول يوم مباشرة تقهويت انا وابوي وافطرنا كبدة ومشينا ومشينا ومشينا ومشينا ومشينا وكل لوحة اقراها هي ديرتي والا لا
ويوم وصلنا وإلا هي قرية من عشر بيوت وعدد طالباتهم قليل جدا جدا جدا ما اقدر احدد بالضبط لاني ناسية لكن اذكر المديرة قالت لي عن العدد
والمصيبة لهم شهر ما درسو مادتي والمصيبة ايضا كنا على وشك رمضان يبدا والمشرفه (نسيت اقول لكم اني قابلتها يوم جيت من حسن الحظ) تقول لازم تختبرينهم اعمال السنة في رمضان ؟؟؟؟؟!!!!!!!!
المهم اخذت كتبي وجدولي ورجعت انا وابوي وفي الطريق اصب من القهوة واشرب واصب لابوي عشان ما ينام :08:
ويوم وصلت البيت واطيح مهدود حيلي لانه سفر بصراحة ويوم سالنا عن النقل قال اجيكم الساعة اربع الفجر يعني صلاة الفجر في الطريق ووين نبي نصليها ؟؟ في مسجد وإلا على جنب الخط؟؟ وهل تقبل بعض البنات الخوافات ان السواق يوقف ونصلي على جنب الخط ؟؟ والا نصليها في مسجد قبل الوقت مثل بعض البنات اللي سمعتهم يتكلمون عن النقل وظروفه ومشاكله
وبعدين الطريق يوحشششش خلا خالي يعني لو تبنشر السيارة ناكل هوا ولو يصير حادث لا قدر الله نبي نموت قبل يدري عنا أحد ولو يراقبنا احد المجرمين وينوي نية شينه يبي ينفذ كل شي بسهولة متناهية :
لذلك يوم رجعت للبيت واصلي صلاة استخارة ( مع العلم إني كنت راضية ولا عندي مشكلة بكل ماسبق )وسبحان الله واختار ترك العمل ولم يمر علي اسبوعين حتى ساق الله لي عمل بعقد مؤقت قريب من بيتي ومريح بشكل لا يصدق وارتحت فيه ولله الحمد والمنه والراتب يبرد التسبد
( حاليا انا لا اعمل لكن معينتن من الله خير راحة بال وطمأنينه وآخر روقان اتفرغ للعبادة واجلس مع اهلي اسولف معهم وامارس هواياتي المفضلة اللي من ضمنها تصفح النت .......وانا هالحين فاتحه الشباك والجو كاااايف غيم ورطوبه وقاعدة اتفلسف عليكم ) :icon31: :lechz: :S_45:
وهنا لي وقفات :
*أليس السفر لمسافة اكثر من ثمانين كيلو مسافة تقصر فيها الصلاة والرسول عليه الصلاة والسلام نهى ان تسافر المرأة فيها بدون محرم
*ثم إن صلاة الفجر تضيع إما بالصلاة قبل الوقت أو الصلاة بعد خروج الوقت عند الوصول للمدرسة بحجة الخوف
*ثم إن السفر مرهق فكيف سأشرح درسي للبنات وانا عيوني محولة :icon32:
* ثم المعلمات اللي يتفقون مع المدير على إعفائهم من الحصة الاولى والحصص الاخيرة بأي حق تقبضين ثمن هذا الوقت ولا تؤدين العمل فيه ؟؟ لا تقولين المديرة سمحت لي !! فيه من هو اكبر من المديرة وفيه من هو اكبر من المندوب وفيه اكبر من مدير التعليم اللي هو رئيس الدوله او من يقوم مقامه اذا سمح بذلك لا بأس لكن اكل أموال بالباطل هذا مالا أرضاه على نفسي
*ثم ان القرى لا بد ان يكون لها تنظيم , لانه تلقين ست او سبع قرى متجاورة لا يفصل بينها سوس كيلو مترات معدودة بعضها ثلاثة.. اربعه.. كيلو وطالباتها عشر طالبات يعني ما تسوى يفتح لها مدرسة ويعين لها معلمات يمترون الخطوط يوميا معرضات انفسهن للخطر لكن الحل يكمن في ان تختار اوسط قرية ومن ثم تدرس فيها طالبات القرى المجاورة او ان يكون التعيين في الديوان حسب قرب المدينه او القرية من سكن المعلمة لا على حسب انها تتبع إداريا المدينه التي تسكنها المعلمة سواء كانت تبعد 100 كيلو وإلا 200 كيلو
* ثم ان عمل المرأة مهوب شي اساسي يعني إذا قعدت في البيت مهيب نهاية العالم لان الرجل هو المكلف بكسب المعيشة سواء اب او اخ او زوج يعني ما علي إلا أكبر المخدة لان فيه من يبي يخدمني ويوفر علي مرمطة هالوظايف اللي آخر الدنيا :10_8_9: ,, طبعا كلامي هذا عن اللي ظروفهم المعيشية جيدة وفيه رجل يقوم عليها لكن تدور الوظيفه عشان يصير معها فلوس تطلب من المطعم آخر الليل وإلا إذا عزمت أحد طلبت من المطعم بدال ما تطبخ وإلا عشان تروح للسوق و تشري اللي تبيه واللي ما تبيه لان معها فلوس مظيقتن عليها :7_18_2: وإلا عشان تجاكر فلانه وعلانه معي فلوس وانتي لا :booo:
*لكن اللي ظرفها المادية سيئة او ليس لديها من يقوم عليها ليتم او ترمل او والدها شيخ كبير او عليهم ديون او تعول ايتام في هالحالة لابأس مالم يؤدي هذا العمل إلى التفريط في واجب اويؤدي ذلك إلى محظور او فيه خطر عليها

طبعا هاذي وجهة نظري الشخصية وهذارأيي في عمل المرأة ان اصبت فمن الله وإن أخطأت فمن نفسي والشيطان

انا زميله ةليدي واستعمل النك تبعها والله يابنات انكم صادقين تصوروا انا من المدينه وتعينت في جيزان تصوووووووووروا واخويه يبي يترك بيته وينقل عمله ويروح معايه بالله مو حرام يناس علي ايش نتغرب ولما اقولهم ماابغاها الدنيا كلها تقوم عليه فرصه عمرك والله ماتلقينها والله اني عفت عمري ودعيت علي دعات تحرير المراءه هم الي خلوها تشتغل ولا اول شحليلنا قاعدين ولي نبيه يجينا لحدنا والي الان وانا محتاره والله اني ماانام الليل واقولهم خلاص اتنازل يقولون ولا تحلمين فيها بعدين وبغيت اختي اسالك انتي تركتيها ىفصل ولا استقاله ولك عقوبه ولا تقدرين تقدمين بعدين وانا ماستلمت خطاب التعيين يمديني اتنازل ولا لا واقدر اقدم بعدين تخصصي English

والله انا كان عقدي زي عقود السيارات اجار منتهي بالتمليك :icon31:
تعينت على بند 108 وقدمت اعتذار شفوي للمديرة وكلمنا مدير المندوبية وقال لازم تقدمون اعتذار خطي لشئون المعلمات التابع للمنطقة ورحت للتوجيه وكل مكتب يحولني على المكتب الثاني واخيرا قالن الموظفات روحي قسم الرجال وراح اخوي وبعد انتظار دام نصف ساعة لان مدير شئون المعلملت كان في مكالمة هامسة بالجوال يتباحث موضوع واسطة مع الطرف الآخر على مرأى ومسمع من المراجعين قال لخوي خلها تروح للقسم النسائي تقدم الاعتذار عندهم :angry2:
قال اخوي لاابوهم لا ابو كلب هم ووظيفتهم امشي بس يبونا نعتذر يدقون علينا
المهم اختي تخصصك انجليزي لديك فرصه للعمل في مراكز توعية الجاليات دين ودنيا في آن واحد بس احتسبي العمل لله وثقي ان من ترك شيئا لله عوضه الله خيرا منه
لا تستمعي للمخذلين حتى لوكان امك او ابوك صلي ركعتين استخارة ثم اعزمي امرك وثقي ان الله لن يضيعك
في امان الكريييييم :)

شكرا خواتي لإثراء الموضوع

لكلٍ وجهة نظر
من لم تتزوج ووالديها ليسوا عاجزين واعمارهم صغيره ولم تتعدى حدود الشرع
فالاستقلال المادي والوظيفي والاعتماد على النفس مهم جدا

والله الموفق