صباح الخير بنات


يمه ام ملوكي خرعتيني متى صارت السالفه وين با الظبط اذا في الرياض اي حي اذا حينا بهج

يابنات الحلال وش دخل الرقم ثانيه ثالثه خامسه خمسين كله واحد وش فيكم على هاالارقام كله واحد المهم واحدن زوجن تحبينه ويحبك
بطنك يوجعك
اي والله روعتني مره على هالسالفه وقول لها عسى ماسوو فيك شي قالت العلم عند الله من الظهر للمغرب مدري ويني فيه بس هالسالفه وهي حامل مدري يمكن مهوب عاجبهم الشكل خخخخخخ
اما عن القطاعه ياختي عيالي يجون بالخميس والجمعه وفتحت معهم موضوع اني بسافر مع زوجي واني بشوفهم اسبوع ورا اسبوع قلبوها مناحه وصياح تقولين فلم هندي واختي صاحت معنا ويالله ان الشكوى لك بس
صمت الشفايف
عرفتي تصنيف مرة اخوتس بس ايه اقولك السالفه بشرق الرياض<<من سكانها يالله انك تستر اشوى ان جارتي قبل عند اهلها
الابنات جيرانكم مثل جيراني قاطعين عجزت ابي نتزوار ماهنا احد كلهم سافهيني اللي تحتي بالشقه حليوه من حايل بس انها مدرسه واسبوع تروح لاهلها والاسبوع الثاني عند اهله بحايل يعني مهيب تفضى واستحي اتسدح عندها <<عاد انا فاضيه بقوه
واللي مقابلتني قبلها بعد عند اهلها تعبانتن بحملها ويالله انها تمشى ومشالله بدو قبلهم رجاجيل داخلن طالع استحي اروح لها والباقين لااعرفهم ولايعرفوني حتى لما وجهت لهم دعوه<<اخس يالرسميه ماردوا علي كني ماقلت لهم شي ولقطت وجهي ولاعاد عدتها بعزيمتن ثانيه

ياختي زميلتي الثانيه اعرفها بالمستشفى هي لحالها لااعرس عليها ولاشي بس مسيكينه تنرحم من جد رجلها ياختي يستخدم حبوب منشطه تقول يقعد له يومين ثلاثه ماينام بعدها يطييييييييييييييييييييييييييح بنوم اربعه ثلاث ايام مايدري وش الدنيا دوامه شفت 24ساعه بعده يقعد ثلاث ايام الرابع يداوم هال24ساعه وعلى هالحاله بس تقول راعي بنات ويغازل وضايقن صدرها يتقطع قلبي عليها وزياده على كذا كل راتبه يصرفه على هاللي يستخدمه وعلى بنات هالحرام اللي مايستاهلن جعلهن العما اللي يعميهن يشفطنهن اول بأول وتقعد هي وعيالها وقبل تلفونهم منقطع حالتهم حاله تكسر الخاطر من عنيزه توسع الصدر فيها خفة دم اقول من كثر همك قمتي توسعين صدرك الله يفرجها الله ادعو لها بنات

اجل انتي بالشرق بعد الله يستر قسم بالله الواحد قبله لحاله وتخيلي بعماره وعندها شقق قبالها ووتحتها بس مافاد شي
تعرفين وش اللي قطع قلبي قالي خليه يختار عسكريه ثانيه غير ذي عشان ماينقل عمله ياعمري عمره براءه بعدين قال خليه واجلسي بس معنا قلت خلاص اجل ابخليه وابجلس وادور واحدن بس ثاني يخليني جالستن عندكم قال لاخلاص روحي معه مايبي اغيره ياحبي لهم يحبونه مايبون غيره انا ضحكت عليهم يوم قاله بس وعدتهم بالهدايا كل ماجيت والعطله الطويله بيجون عندي هناك ويالله عسا الله يثبتهم
وياختي وش نسوي بهالجيران اللي ماعندهم ماعند جدتي كل ماسمعت طاري جيران يتزوارون قسم بالله خطر انظلهم الله لايظرهم ودي بكذا نتزوار مهوب سحبه وش ذا ياكفي نتصاقع بوجيه بعض ماعرفهم

هلا ام ملوكي

جزاك الله خير تصدقين توني انتبه لسالفة زوجة خيي


المهم وين بشرق الرياض با الضبط خلاص نويت ارحل مع ان البيت ملك بس راح نبيعه


اقول ام ملوكي وين راح تسافرين وعيالك وينهم فيه عند اهلك ولا مع ابوهم لا يكون عندهم زوجة ابو