الله يصلحهم ويهديهم
<قايمه الساعه 12توني اصبح وفاضيه مره يالله عاد سولفو

الا اقول على طاري الهودج وشرايك فيه تنصيحين نروح له

وانتي ليه سهرانه ليش مانمتي


وزوجك عندك ولا عند جارتك( طبينتك او ضرتك)
حنا نقولها جاره

ومتى راح تنامين
وش راح تسوين على الغداء

الله يعينك على سوالفي

^
^
^
ماتعرف تسولف تعرف تسأل بس

ذكرتيني بهالاسئله يومن بالهودج<<الا على طاريها اول مره ادخلها بس اقولك كنت متواعدتن مع حريم وقالوا فيه قلت قدام فيها فيها بس حليوه للقهوه والشاهي والسوالف وشريت منها قميصن لزوجي وش حليله شتوي بستين صوف عاد اسعارهم مهيب مره غاليه بس احس اني ممكن القاها ارخص مدري ليه يمكن عشان اللي يبيع حريم واتوقع انهم يغلون الله واعلم
ايه اقولك على سالفة الاسئله حطني رجلي بالسوق وراح يودي حرمته لاهلها بديرتهم عاد عشانه يبي يرجع مبكر لازم يوديهم مبكر فوداني انا بعد صلاة العصر على طول واجلس الله يسلمك من اربع العصر للساعه ست بس احتري ربعي اللي متواعدتن معهم المهم والقى لي حرمتن حليله واسولف معها عن الحمل والولاده<<الله يعظم اجر الحريم ماعندهم الا هالسالفه ايه وعقبها جابت فرشتها قالت تعالي نجلس مع بعض لين يجون ربعي وربعك انها مواعدتن جيرانها ولابعد جوا بعد هم عاد وانا ماصدقت واجلس معها شوي الا جايين ربعها مشالله خمس حريم ويحطون القهوه واتقهوا معهم بس مشالله لا اله الا الله مغير فتحوا معي تحقيق انتي وش اسمح وش يقالك من وين وش ديرتكم وش ديرت رجلك وش يقاله وكم عمر عيالك وليه ابطيتي ماحملتي يعوك جلست عشر سنين ماحملتي بين بنتك وولدك ليه وش عشانه مشالله مامداني قسم بالله اخذ نفس الا السؤال الثاني صاقعني بوجهي مامدا الا اسالها قلت كلهم جيرانك قالت ايه بسسسسسسسسسسسسسسسسس وخلاص ويالله يمديني على الاجابات وانا صحيحه لازم اجاوب على كل سؤال مدري وش اللي حادني تقولين حارت المحقق كونان على هالتحقيق المهم وتجي رفيقتي وتضحك علي قالت وانتي مالتفت عليك الا انتي جامعتن عالم وتخرطين معهم قلت وش اسوي بس يعوووووووووووك بلاني ربي بناس ماتسولف تسال بس ولاتجاوب قالت اكيد من الزلفي هذي عوايدهم والله انهم من الزلفي صح عليها ياحليلها ولا من زود السنع بنتي مع ناسن ثانين دنقت علي حرمه قالت تكفين عطيني اياها واعطياها اياه وتاخذها ومع الاسئله نسيتها ماذكرت لين جت رفيفتي تسالني عنها وروح اجيبها وهي تضحك تقول مامداها اربع شهور وعودتيها على السعسعه والسولف قلت لازم اقلب الجره لفمها تطلع البنت لامها <<<<<<<<<ياعوك ياكثر هذرها

تخيلي كل ذاك بس اجابه سؤال واحد الله يعينك على اجابات باقي الاسئله عاد والله ياني ماصدق احد يسال الا واكب له عشاي وعشا جيرانا واللي حولنا كلهم
ايه سهرانه الله يسلمك نايمه من ست المغرب واصبحت على 12ومتى بنام والله مادري لين يكتب الله
ورجلي والله بعملها لاعندها ولاعندي خخخخخخخخخخخخخخخخ
وش بسوي غداء هذا اللي ودي اسئلكم وش رايكم وش المنيو بكره وش نحطه وودي بعد بحلي قهوه اصلحه نتقهوا عقب المغرب<<قامت تدلع

ههههههههههههههههههههههههههههههههههههههه

الله كل الجلسه اسأله لو انا مكانك كان اسألهم بعد كذا خليهم يجربون





هههههههههه المنيوم حقنا حنا
ابشري صراحه راح ينهبل عليه زوجه اذا شافك محضره كل هذا

وانتي حامل ماضنتي بتقدرين































سلطة فواكه بـــــــــــــــــــــــــــــــــــــس

اعاقبه بكراء مافيه غداء صراحه انا سهرت وبكراء اللي هو اليوم عندي امتحان وانا لسى مانمت وراح ادرس بنتي وولدي عنده موعد الساعه 10 وانا اللي راح اوديه ابوه عنده محاضره مايقدر يوديه ياليته يوديه ويفكني عشان انام ماشوف الأرض