هلا تنكه وشلون الخميس والجمعه معك

وشريتو ثياب العيد ولا بعد يا الله قولي لي وش ريتي لك وللعيال عشان اقولك ومن وين

اهلين تنكة سمسم الاربعاء و الخميس اخليه لابو الشباب
الله لا يخلين منه وهو يستلم النت وانا اجلس اتفرج عليه
واليوم مسنتره في قسم الطبخ على شان العيد عندي وادور على
طبخات قصيميه

قصيميه كيف العيد عندك يعني الأضحيه انتي تسوينها مافهمت عليك؟

لا اختي صمت الشفايف الرجال يروحون يذبحون
وانا وجاراتي نفطر في البيت عندي وهم اغلبهم من الجنوب
وماشاء الله عليهم عندهم اكلات تبيض الوجه انا قلت
لا زم احطلهم اكل قصيمي وانا عليميه في ذا الشغلات
ماعرف الا للجريش والمصابيب فاقلت مالي الا بنات حواء

الله يعينك ياعمري ياليتني من اهل القصيم اساعدك بس والله ماعرف شي من اكلكم لو قلتي اهل الشمال كان من عيوني ( تراني عليميه مثلك) بس انا واثقه بنات الجنوب راح ينهبلون على اكل اهل القصيم لأنه لذيذ
شوفي سوي بحث واكتبي اكلات شعبيه راح تطلعك كلها في صفحه واستفيدي منها
سوي حنيني وخليه حار وقت التقديم واهم شي السمن البلدي على قولتهم
وثريد مادري فريد
مصابيب با البصل
سوي لهم كبده