هلا والله وله قلبي

اهاااااا احسبك تقولين قهوه عربيه

اهي كانت قهوتها عربيه بس غير شكل خخخخخخخخخخ

ووش لك من النسكافيه يقولون يمرض ويمسك الراس ومحد يقدر يتخلص منه مو مثل العربيه اهون

حتى لو مسكت راسك فيها فوايد

وجزي ام الحوش الحلال حلالك هههههههههههههههههه

واليوم ماسويت غدا

لاننا نفطر متاخر واذا جو من صلاة الجمعة ياكلون اي شي

بس افكر اذا ماطلعت برا البيت

اني اسوي شي سهل

او نجيب سمك وروبيان مقلي من برا <<< نفسها فيه تقولين تتوحم ههههههههههه

يالله عطينا طريقتك

انا ماعمري ذقت الحبار ولا اقدر اجازف

وش رايك بطعمه ؟

وليش لأ

نتعلم فن المشاركة اذا كل وحدة ما تكتب شكواها

يعني نعطي معلومات عامه مفيدة كذا افضل

يعني ماتجي عضوه تقول مشكلتي انا وضرتي كذا .. الخ

لا

تكتب بشكل عام وتحاول تستفيد اكثر بدون ما تكثر من اسئلة

وما اهلك بني اسرائيل الا كثرة السؤال والغلو فيها

وما شاء الله عليك انتي وضرتك ويتمم عليكم

ويسخر لكم زوجكم

(( قلب ))

عزيزتي الحب الخالد

على طاري الشعر

انا ولله الحمد شعري لونه وطوله زين

لكن عندي اشاكاليه انه متشابك

ومن كثره الصبغ قبل

يعني كل شهر صبغه الله يخارجكم خخخخخخخخخخ

صار كانه محترق من تحت ومهما فعلت فيه وقصيته كثير انسي يزين

مع انه ولله الحمد قبل كان الكل يثني عليه ويقولي وش تسوين فيه

لكن للأسف الحين ودي يرجع مثل قبل

صح انا مهمله فيه لكن عجازه وابي كل شي ههههههههههههههههه

هلا والله اختي ,,

لالالالالا القهوه العربيه اسويها بدون إضافات بس اتفلسف مع التركش اللي هي اضيف لها الحليب والنسكافيه :09: ما احبها لكن شو اسوي حكم القوي ,, زوجي مدمن كل انواع القهوه ,,تلقين اختج تراكض من وصفه لوصفه والحمدلله مايطلع على فشوش بو الشباب مستانس ويقول بلا الكوفي دام اللي في البيت أحلى :22: وحده تمدح عمرها هههه

مممممم ما ادري اذا تعرفين طريقه العيش ؟ بقولج طريقة الأكله كامله أوكي ؟


الحشوه :

المقادير :
* ربيان يفضل يكون طازج "ممكن تاخذين المثلج والمنظف أسهل لج بس اللي حجمه شويه كبير " والكميه حسب الرغبه
* ونفس الشي الحبار ويفضل يكون الصغار وتخلين البايع يقطعه لج حلقات ,, وطعمه لذيذ والرياييل يحبونه وايد ,, بالنسبه لي طعمه خيال سواء كان مقلي أو مشوي ,,
* بصلتين متوسطات ومفرومات
* بقدونس مفروم
* فلفل اخضر حار
* فصين ثوم
* ليمونه صفراء ومقطعه شرايح
* صوص الصويا
* بهارات حب (هال جرفه وكمون )
* بهارات مطحونه على كيفج


الطريقه:
تاخذين بصله وحده مفرومه والليمونه والبهارات وتقسمينهم في حلتين الحب تحطين الربيان في حله والحبار في الثانيه وتخلينهم على نار هاديه تزيدين عليهم شويه ماي وتخلينهم يفورون لين تروح الزفره ,, ( ممكن تستخدمين عصير الليمون )

تاخذين البصله الثانيه تحمسينها +فصين صغار ثوم +فلف اخضر حار+ البقدونس وتضيفين الربيان والحبار والبهارات ثم صوص الصويا والكميه حسب الرغبه

تخلين فيها شويه صوص بسيط وايد ,,

العيش أو الرز ,,

المقادير :
* كاسين عيش ,,
* ثلاثه بصلات متوسطات ومقطعه شرائح دائريه
* سمن كيو بي بي + زيت عافيه
* ماجي

الطريقه :
تحطين مقدار ملعقتين سمن ومعلقه متوسطه زيت وتحمسين البصل الي ان يصبح بني ,, حاسبي لايحترق ,,
تضيفين الماء وللكاسين عيش بتحتاجين ثلاث وربع أو ثلاث كاسات ماء وحبه ماجي ورشه بهارات مخلوطه وشويه كمون مطحون ,, وعلى نار هاديه ,, بيكون لون العيش بني

التقديم ,,

تغرفين العيش وتصفين فوقه الربيان والحبار ,, مع ذرة بقدونس وشرائح الليمون الأصفر والطماطم ,,

ملاحظه ,, ممكن تضيفين للخلطه قطع سمك شعري أو هامور بدون عظم ,,

وعلي ضمانتي الطبق بيعجب ازواجكم يابنات ,, جربي وخبريني بالنتيجه ياوناسة :)

وبالهناء والعافيه

ممممممممممممممممممممممممممممم

شكله لذيييييذ

انا اموت في الروبيان

والحبار بجربه

وان شاءا لله مالك الا اخبرك باول النتائج

تسلمين ياقلبي ومن يد مانعدمها

وعسى ربي يخليك لكل عين ترجيك