احساسه @ahsash

محررة

عزيزي الطالب..تسدح و تبطح و بإذن الله سوف تنجح

مساء الإختبارات ..

اللي حومت كبود الطلاب والطالبات ..

جئتكم اليوم ببضعة كلمات ...

تعينكم لتتغلبوا على مثل هذه الحالات ..

لإن الحياة نفسيه ..

ريح بالك وتعيش عيشه هنيه ..

أسألوني أنا جربت ..

ولولا الله ثم الخلطه السريه مانجحت ..

اليكم بعض الأسرار الخنفشاريه ..

اللي تخلي ذاكرتكم ذاكرة مصريه ..

ومما لايخفى عليكم إن اخواننا المصريين ..

من عمر عمرهم دافورين ..

خلف الله علينا يالسعوديين ..

لو نسهر الليل كله وماننام ..

مخنا مايعطي لمجهودنا إهتمام ..

نقلب في الكتاب يمين ويسار ..

وتطير المعلومه في قاعة الإختبار !!

ولو نحفر مخنا تحفيير ..

راح نتنح بالأخير ..

عشان كذا استخلصت لكم نتيجه خبراتي ..

والحكمه اللي طلعت بها في حياتي ..

وهي كــ الآتي ..

عزيزي الطالب ..

تسدح وتبطح

وبإذن الله سـ تنجح ..

ماذا يعني الإختبار ؟؟

خير إن شاء الله وش صار ؟؟

السؤال الأول إختيار ..

والثاني إعصار ..

والثالث خراب ديار !!

إذن مافائدة الإستذكار ؟؟..

عزيزي الطالب ..

وكأني أراك وقت النتائج ..

كــ الثور الهائج ..:
والبحر المائج !!

لماذا الإرهاق والعذاب ..

وقد عملت بالأسباب !!

أما أنتي أيتها الطالبه ..

اسمعيني زيــــــن !!

كم لك من سنه تدهرين !!

متى ودك تنامين !!

لاتخافين .. لاتخافين ..

النجاح من رب العالمين ..

ارمي الكتاب اللعين ..

وقولي روح .. روح يامسكين ..

كسري الأقلام ..

وقولي وداعاً للآلآم !!

عيشي بإنتعاش .. !!

وأنواع الطناش

وأعرسي على واحد كاش ..

ولا الدراسه مهناااش !!

تعالوا معي في جوله ترفيهيه ..

إلى أوضاع الطلاب والطالبات في السعوديه ..

خذ عندك مثال ..

لبعض العيال ..

يبتز المدرس على غير سنع ..

يعني ماوراه نفع ..

دفع أبوه ولا مادفع ..

نجي الحين لأشكال البنات

وياكثر اللي لاطلعوا يراجعون الإجابات ..

الإختبار وخلصناه ..

زود الحرص الحين مابيعدل اللي هببناه ..

الغش وما أدراك ما الغش ..

هو اشد بلاء من الحش !!

ياخي ان كنت ناوي تغش ..

يرحم والديك للقاعه لاتخش ..

البراشيم وما أدراك ما البراشيم ..

هي مهاره لايجيدها سوى الفهيم ..

اللي يضيع يومه كله ..

مسوي فطين على باله أسهل له !!

ياخي بدال ماتضيع وقتك وتبرشم ..

شغل مخك وأفهم!!

وفي الختام ..

عزيزي الطالب .. عزيزتي الطالبه ..

هي خاربانه .. خـــــــاربانه !!

فضفضوا فضفضوا قد ماتقدرون ...

الموضوع كتبته لكم لعلكم ترتاحون ..

ترى كذا تحطموون !!

يعني وش مصلحتي اكتب غير إنكم تسفهلون ..

منقوووووووووووووووووول

يالله انعيد ايام الدراسه وكل وحده تقول لنا ايش كانت تسوي وقت الامتحان

690

يلزم عليك تسجيل الدخول أولًا لكتابة تعليق.

تسجيل دخول

حبحبه حمراء • 14 سنة

خخخخخخخخخخخخخخخخخخخ

حلووووووووووووووه

هذي اكيد قريحة طالب او طالبه حامت كبودهم من المذاكره

اما انا وقت الاختبارات كنت اتابع حتى الاخبار والنشره الجوويه على ايام حسن كراني خخخخخخخخخخخ
واذا مرت من جنبي نمله وانا اذاكر اسيب الكتاب واجلس اتتبعها بشوف وين بيتها وين بتروح كله هروب من المذاكره

وكنت اقول ان شاء الله لخلصت اختبار بسوي وبسوي وبالنهايه اذا جات الاجازه ماسوي ولاشئ من اللي انا مخططته خخخخخخخخخخخخخخخ

الله على ايام الدراسه يازينها زيناه:44:

تخرجنا وخمجنا:09:

احساسه • 14 سنة

ههههههههههههههه

الحال من بعضه كان اتفه الاشياء نسويها ولا النظافه ما تطرى علينا الا وقت الدراسه ونتذكر صلة الرحم

ومثل ماقلتي نخطط بسوي وبسوي وبالنهايه اذا جات الاجازه مانسوي ولاشئ من اللي انا مخططته

dema100 • 14 سنة

والله حلوووووووووووووووووه
بس الحين مو زي اول
يعني عادي الأختبررررررررررات
مالها هيبه زي اول نتعطر ونتبخر
ونستشور ونلبس اكسسوارات
وكوتشات
وهلم جره
هاذا كلام بنت اختي
ولا انا لاني معكم ولا معهم
في الوسط