عزيمة حق ربعي بمناسبة ........

بنات ... أنا عيد ميلادي في إجازة الربيع 23/1/1993، و هاليوم بيكون عرس عمي و خالتي، فما أقدر أسوي شي، و امتحاناتنا بتخلص في 2/1/2006، و إجازة الربيع بتبدأ في 3/1/2006، و البنات بيسافرون، فأبى أسوي عزيمة بمناسبة عيد ميلادي، ما بسوي عيد ميلاد، لآ بس عزيمة نلعب و نسولف فيها و يا ربعنا، و بتكون العزيمة في أول يوم حق إجازة الربيع، و بعزم 9 من ربعي بس، و أبقي أفكار حق شو أقول حق البشاكير يسوون عشى، و شو أشتري كيك و حلاويات (تدرون، البنات اللي عمرهم 13 ما يعيشون بدون الjunk food) و شو ألبس، و أشياء وايدة.

** محد بيكون في البيت إلا البشاكير، و أبغي أييب كيكة من باسكن روبنز؟
** و بخلي البشاكير يسوون مشاوي و محاشي و فرينج فرايز و بيتزا و ناجتز، و روب و خيار و خبز حق المشاوي؟
** و بشتري من سبينس أنواع الجنك فود، و البيبسي و بطلب من الكافيتيريا عصاير و بخليهم يسوون فروت سالاد مع الأيسكريم؟
** و بسوي العزيمة بين الساعة 5 و 9 ؟

إنتوا عطوني أرائكم و أفكار، و إذا ما عيبكم الموضوع لا تردون!

شوفوا كيف بلبس: بلبس جلابية حلوة و غالية مصممة، و شعري مدرج و ناعم و لونه بني غامج (طبيعي مب صبغ) و مموج على الخفيف، فبموجه زيادة شوية، أبغي يكون مثل هالديزاين:

http://www.alamuae.com/upload/Folder-14/1135943764_1672_13812439d5ca384723.jpg

و بجحل عيوني و بحط جلوس خفيف!

و نحن عدنا ميرحانة (ارجوحة) و زحلقيوة (هاي اللي يزحلقون عليها) و هالألعاب مال برع، و عدنا سكيتنج، و بليستيشن 2 و جايم كيوب و جايم بوي، ألعاب زيادة.

قولولي متى يكون وقت الاستقبال؟ و متى نبدأ حق الألعاب و أكل الجنك فود، و متى نيلس و نسولف و نسمع أغاني و هالأشياء؟ ومتى وقت العشاء و متى وقت فتح الهدايا؟

بلييز، إذا ما عيبكم الموضوع لا تردون، و إذا عادي عندكم الموضوع، ساعدوني و قولولي قبل يوم الثلاثاء، عشان أفتك و أخلص العبالة، أصلاً أنا ما بسوي شي بس أنا من النوع إذا حط في باله شي يتم متوتر اللين هذاك الوقت!