عزيمة زواج

مساء الخير اخواتي
كل عام وأنتن بخير مقدما بمناسبة شهر رمضان الله يبلغنا الشهر لا فاقدين ولا مفقودين يا رب


يا بنات بدخل في موضوعي
بنت اخت زوجي حفل زواجها على نهاية الأسبوع المهم عرفت من وحدة من قريباتهم تسكن قريب مني ف سألت زوجي قال ايه استغربت ان محد كلمني ولا عزمني المهم سحبت منه كلام أن كلهم يتجهزو للحفل ويجتمعو بيت عمتي للترتيبات يا بنات حز في خاطري
لكن سكت ما قلت لزوجي ليه ما عزموني المهم يا بنات طلع زوجي و رجع بعد العشاء جاب لي بطاقة دعوة قلتله ليه ما عمتي أو اختك جابو البطاقة قال مشغولين و بعده بيوم جاني اتصال من رقم عمتي تفاجأت أن بنت اخو زوجي الصغيرة تكلمني تخيلو تعزمني على الحفل قلت لها وين جدتك قالت مشغولة وانا سمعتها بنفسي تصحح لها تاريخ الحفل لأن البنت غلطت و تسأل جدتها تقولها كم وتهمس وما كلمتني عمتي


يا بنات هل هذي تشوفونها عزيمة ولا قلة ذوق إذا ما يبوني احضر ليه من الأساس يعزمو بصراحة ما عجبتني ابدا
قبل فترة تصالحنا و دخلو بيتي يضحكون و مستانسين ليه هالحركات من قدامي وجه وخلفي وجه ثاني
وقريبتهم اللي ساكنة منطقتي جايين بنفسهم يعزمونها مع ان بين بيتي و بيتها ٥ دقائق
أنا فكرت اني ما احضر الحفل انتن اخواتي وش رايكم من الحركة وهل تصرفي يكون صحيح إذا ما حضرت




اللي عندها كلام تطيب الخاطر ترسل واللي تجرح رجاءا لا تردى على موضوعي


آسفة على طول الموضوع بس كنت أريد افضفض