ليش متضايقه بالعكس مشاء الله ماقصرتي

وخليه درس تتعلمي منه اخطائك


توك ببداية المشوار يكمن تجيك مواقف اسخف من كذا بس لا توقفين عند كل موقف وتلومين نفسك
انسيه وحددي الاخطاء اللي فيه واتعلمي منها


يعني المره الجاية مثلا صلحي القهوه من اذان العصر مايتأثر الطعم ولا الحرارة اذا كانت في ترمس مافتح والتمر قبل بيوم عادي مايتأثر

عادي الاخطاء واردة والا كان وشلون يتعلم الانسان

ياحبي لك والله انه شي عادي واكثر الحريم مرو في هذا الضرف
والله يوم التزوج وما ازيد عليكي اني ماأعرف الى القهوه والشاهي
يعني اعرف اسويهم بس الطعم مره ومره
اما الطبخ مااااااا اعرف ابد
بس حطيت نفسي لأتعلم ايه قلت وش ناقصني انا زي الحريم
وتعلمت وصرت في فتره من الفترات يتصل زوجي وانا عند اهلي عشر
اواحدعشر الصبح يقول معي رجل على الغدا ويبيه الساعه وحده وما تجي وحده الى مخلص كل شي وغيره من المواقف والحمد لله له الفضل دايماًمبيضه الوجه
يعني طولي بالك ولا تيئسين

ياما وياما ياقلبي
ببيت اهلي كنت عادي اسوي كل شي وتزوجت وصرت كاني ما اعرف شي مدري ليش
وكنت مع اهله واتجنب الطبخ واخاف
رحت بيت لحالي وقام الاخ يتفنن يعزم الناس ولا يجيب اغراض حتى اول عزيمه ما عندي مواعين وزيك برمضان وعدة عوايل كبار وما قال لي الا قبل العصر وانا بالرياض تعرفين متى الاذان
والكل قال هذي ما تعرف شي يوم ما ينسى الى الان من سنين يعورني قلبي
ربكه حرقت الاكل مافيه مواعين المطبخ التصريف فيه مسدود
الله الشاهد هذا مو تاليف
وبعدها بسنه عازم ناس برمضان ونسي يقول لين قبل المغرب بخمس دقايق
وكان نظامنا بعد المغرب قهوه وتمر واي شي خفيف ووقت التراويح اطبخ العشى يعني ما فيه شي جاهز للفطور
وجات الحرمه وانا بلبس البيت عاد ذاك اليوم مخففه على عمري وقاعده ارتب البيت ترتيب موسمي يعني شغل صح
قاعده تطالعني باستغراب قلت ما عندي خبر بالعزيمه قامت تعاونني ونجهز اي كلام وقالت ما عليك باقول لزوجي ان ما عندك خبر عشان ما ينقدون عليك
وقام الاخ يتعذر وقالهم انه نسي يعلمني وكلهم لاموه
لا تحزنين هذا حال الحريم
انتي شكل لذة اكلك غطت اللخبطه ما شاء الله عليك
وهذا محسوب لك مو عليك

ياعمري انت
سويتي اللي عليك والحمدلله
الحين شوفي فكري
لاتضيقين صدرك خلاص العزيمه وراحت
بعدين ترى مو انت اللي تحددين لانك انت اللي تشتغلين ومرتبشه
لو كانت مو حلوة كان قالك لو بشكل غير مباشر
يلا منو قدك فطرتي صايمين لك اجرهم باذن الله

تعيشين وتأخذين غيرها هههههههههههههههههههه أمزح معك أهم شي مامعهم شايب ولا كان أنبلشتي صح ثاني مرة ألزمي الأستغفار وكله يبقى تمام