ام خوخة :

الطبق الرئيسي كان الرز بالدجاج المحمر حطيت موية عالنار مع ملح وزيت وهيل وقرفة عيدان لين تغلي بعدين حطيت معها رز منقوع ومغسول لين يستوي وحمست بصل مقطع صغير لين استوى وحمر شوي وحطيت معه زبيب وكمون وشوي بهار وملح وهذا كان الحشو الي عالرز **الدجااااااااااج** غسلته ونقعته مع ملح وليمون عشان الزفر بدون تقطيع وحطيت عليه بعد ماغسلته زين ملح وبهار مخلوط وكمون وفلفل اسود وزنجبيل وبهر كاري وصلصة الصويا ونقعته مع البهارات من قبل العزيمة بيوم عشان الطعم واختصار للوقت اليوم الثاني حطيت الدجاج في صينية وغطيته بقصدير ودخلته الفرن من تحت لين استوى بعدين من فوق لين تحمر مضبوط وبين كل فترة والثانية اسحبي من المرق الي في الصينية ورشيه فوق الدجاج **************** الطبق الثاني الجريش الي سويته كان كاس ونص جريشوافضل نوع بالنسبة لي الجريش التركي ووكاس ونص رز مصري حمست عالنار في قدر كبير 3 بصلات مقطعة صغير لين ذبلت وحطيت حبتين ماجي وحبتين جزر مبشور حركته عالنار شوي واضفت ماعقة صغيرة كمون وفلفل اسود وكاري وفلفل قرون نص حبة دجاج قلبة لين تغير لون الدجاج حطيت علية حبة طماطة مبشورة وملعقة صلصة وحبتين ليمون اسود الرز والجريش المغسولة والمنقوعة بالموية الدافية تقريبا نص ساعة غطيت الجريش بموية حارة وخليته على نار عالية لين بدأ يغلي قصرت عليه وكل شوي احركه عشان مايلزق زيدي موية حارة اذا احتاج وخليته عالنار اربع ساعات لين استوى بعد ما استوى حطيت عليه نص ملعقة صغيرة فلفل اسود ونص كمون اربع كاسات ونص لبن المراعي وحركته وخليته عالنر ربع ساعة وطفيته يكون خلاص جاهز الحشو بصل مقطع صغير محموس مع شوي زيت وشوي زبده لين يصير احمر بعدين ملعقة كبيرة ليمون اسود غرفت الجريش في الساخن وحطيت عليه الحشو وسلامتكم ************* الطبق الثالث والرابع الدجاج ثلاث صحون صدور مقطع مكعبات حطيته في تاوة مع شوي زيت لين يستوي بعدين حطيت عليه كاسين موية مخلوطة مع اربع ملاعق نشا ذرة في تاوة ثانية حمست اربع بصلات مقطعة صغير مع شوي زيت وثلاث فصوص ثوم مهروسة وفلفل حسب الرغبة لين استوى البصل وحطيت عليه ملعقة صغيرة كمون ومثلها فلفل اسود وملعقة كبيرة زنجبيل مطحون ومثلها كركم ومثلها كاري وحبتين طماط مقطع صغير وملعقتين معجون طماط وثلاث ملاعق صلصة صويا قلبته شوي وصبيت عليه صدور الدجاج وقلبته دقيتين ويكون جاهز %% كباب اللحم لحم مفروم انا استخدمت البتلو الطازج كيلو ونص وفرمته في البيت حطيت عليه 3ملا عق زبدة بدرجة حرارة الغرفة وملعقة صغيرة ونص من الكون والفلفل الاسود والسماق والزنجبيل والكاري وملح اربع حبات بصل مقطعة صغير مرررة ومحموسة مع شوي زيت لين تذبل بدون ماتحمر اثنين ونص صامولي مفرومة مع قبضتين بقدونس شكلت الكباب مثل الصورة وغطيته ودخلته الفريز بالصينية من قبل العزيمة بيوم اختصار للوقت وبنفس اليوم طلعته قبل ما ادخله الفرن بنص ساعة ************* فيليه السمك قطع سمك قطعته بحجم كف اليد وحطيت عليه كمون وثوم وملح ونقعته من قبل العزينة بيوم ودخلته الثلاجة وبنفس اليوم قلبته مع بقسماك وقليته *********** يتبع ..........

الطبق الرئيسي كان الرز بالدجاج المحمر حطيت موية عالنار مع ملح وزيت وهيل وقرفة عيدان لين تغلي...