عزيمة وفي الغربة ؟؟ ماادري ايش اسوي :(

ان شاء الله الاخوات يساعدونك

هلا اختي انا من رايي سوي اكل مشهور يعني الكل ياكله موخاص بمنطقه خاصه يعني تبوله مكرونه صينيه خضار حمص
سلطة فواكه حلى يعني اي شي من هالحركات
اتمنى فهمتي علي

http://forum.hawaaworld.com/showthread.php?t=773664

هدا الطبق اكثر من رائع من حلاتهزوجي طلبه 3مرات ورا بعض
وطبخته عند اهلي والكل سال عن طريقته

شوفي اختي انا بعطيك منيو اقتراح مني وانتي خذي اللي يعجبك واللي مايعجبك خلية ...

اول شي القهوة
سوي معاها حلى الشعيرية الباكستانية هو اسهل شي وتلاقينة في بقالات الهنود

العشا ....
طبق رئيسي ...
رز بالشعيرية او سادة مع دجاج محمر وطريقة تحمير الدجاج انك اذا خلاص استوى تطلعينة من المرقة وتحطينة في غضارة او صحن كبير وتحطين علية معجون طماط وزيت وبهارات وملح وليمون اسود وتخلطينه بعدين تصفينة في الصينية وتدخلينة بالفرن

والرز تحطينة على المرقة
.........................................

صينية مصقعة باللحم المفروم وفوقها خلطة الجبن والقشطة
.........................................
المقبلات :
سلطة فتوش
سلطة مكرونة
سلطة روسية ... طريقتها تجيبين الخضار المجمدة اللي عبارة عن جزر وفاصوليا وذرة وتضيفين عليها بطاطس مقطع صغار وبعدين تسلقينهم واذا استوو تحطين عليهم بيض مسلوق و مايونيز بس كثري وهاذي سر النكهه ولاتنسين الملح
...........................................................

حلى العشاء ..
جيبي كاسات البلاستك الشفافة وحطي فيهم شريحة كيك سويس رول وبعدين في الخلاط حطي علبة قشطة و ضرف دريم ويب وضرف كريم كراميل وثلاث او اربع ملاعق نوتيلا او اي شوكولاتة وصبيها في الكاس وبعدين حطي اصبع ويفر
انا مسويتة والكل انهبل علية مرة لذيذ ولا ياخذ وقت ...

وبالتوفيق ....

الله يعيينك