طريقة المطبق .. حسب تلقين ماماتي ..

بصل اخضر مقطع صغار او مفروم و بقدونس وجرجير وأي خضآر خضرآء من المتوفر عندتس بالبيت.. بس البصل الاخضر مهم ..
وانتبهوا لا تحطون كزبره وشبت يخرب الطعم .. وترا يكفي بصل اخضر لحاله مع طماطه وحده مقطعه والافضل تكون قاسيه اوب لينه .. وبيض ع حسب مقاديرتس عاد ((امي من النوع اللي مايقيس وتمشي ع مقولة عين الحر مقياس)) وملح وإن حصل شوي دجاج مفروم أو لحم .. أطعم ..
الطريقه*
طلعي صينيه او صاجه .. وادهنيه بالزيت .. وحطي عليه شريحة مطبق او شريحة سمبوسه ع حسب اللي عندتس<<أمي سنعه تراعي الموجود خخخخ
وتكون نصه ع طرف الصينيه والطرف الثاني برا الصينيه عشان لاحطيتي الحشوه بالوسط تقلبينه وتطبقينه يعني تسفطينه عليه ..<<اللي مايفهم يقول لي عاااتي
وهمن حطي الحشوة فوق الطبقه الاولى .. وطبقي عليه الثانيه ولاتنسين تجخرينه من فوق ..تحطين به فتحات صغيره من فوق بالسكين .. ثم تدهن بالزيت او بيض او كلاهما ..
وتشوى من الاسفل ثم من الاعلى .. لين تصير شقراء اوب حمراء .. احسن شكل :)
وبـــــــــــــــــــــس * قضى دور امي ..


جآء دوري أشرح لكم البيتزاء <<فررررحه أول مااره احد يسأله عن شيء هي مسويته خخخخ

هذي الله يسلمكم عجينة العشر دقائق .. والله يا انا كل ماسويته دعيت للي مخترعه <<متعوب عليه خخخ
الموهيم .. تفردين العجينه بصينيه .. وتحطين بأطرافه جبن مثلث وتسفطين أطراف العجينه تغطين به الجبن
وادهني الوجه بالصلصه ((اللي تبي طريقته الصلصه عاااتي تقول لي )) ولاتنسين تدهين الاطراف اللي به الجبن بعد .. وبعدين صفي عليه مشروم(فطر) وفلفل اخضر مقطع مربعات وشوي طماطم وشرائح زيتون وممكن تحطين دجاج مقطع او دجاج مفروم .. وكل ماتكثرين هذولي كل ماله تطلع الذ ..
ودخليه الفرن من تحت بدون ماتحطين الجبن عليه .. بعد ما تنضج طلعي البيتزاء وحطي عليه جبن المازورولا ودخليه من فوق .. بس انتبهي له .. لاحسيت انه ذاب طلعيه قبل لا يحمر .. وحطيه بصحن وغلفيه .. ولتس علي اذا مابتل الجبن يتمطط .. وبس اذا جيتي تقدمينه فكي النايلون او القصدير وبتشوفينه مازال تقل توك مطلعته من الفرن ..

عاد إعذرون ع الاسلوب الشرح اللي يرفع السكر وينزل الضغط بس ميخالف ..:09:

ع فكرهـ * .. بكرا ان شاء الله بحاول انزل لكم طريقة المطبق والبيتزاء بالصور <<فرررحه خخخ :icon28:

الحلو ردك وحضورك قلبو ..:26:
والبلح هذا من مزرعة زوج صديقة امي .. اي والله بعد لو اقول لك انه سكر ماااااااااااااااااره رووووعه طعمه ..
بالتوفيق قلبو ..:42:

الله يجعل ايدياتك ماتمسهن النار ويازين حتسيك اللي يوسع الصدر

غريب فطوركم كل انواع المعجنات ولافيه شوربه

اريد طريقة المطبق << قولي بسم الله

والله سفره حلوه تسلمين وخاصه امك عالمطبق
عطينا طريقته بالتفصيل الممل وياليت بالصور