مرحبا حوائيات من زمان عن كتابة المواضيع مع انه مواضيعي قليله الا انه للاسف مالي حظ عدد محدود اللي يردون بس وبعدها يطير الموضوع في الصفحات الاخيره و يروح تعبي على الفاضي :44:
طبعا انا فكرت اصلح سلسله من المذكرات و في نهاية كل مذكره فايده نستفيد منها اذا شفت تفاعل منكم راح انزل مذكراتي على شكل حلقات كل اسبوع مذكره
المذكره الاولى
في يوم من الايام عزمت صديقتي المقربه مني كان لنا فتره ما التقينا فعزمتها في بيتي عشان تكون الجلسه اكثر خصوصيه احسن من الاماكن العامه و الازعاج
طبعا استعديت قبل بيوم وصلحت اشكال من الحلا و الفطاير و المقبلات و العصير
رتبت البيت بطريقه مميزه و رتبت تقديماتي بشكل مميز طبعا عشان تكون الجلسه اكثر اريحيه ارسلت اطفالي عند اهلي مع زوجي اللي كان متذمر من الطلبات و العزيمه :ohwe:
انتظرت صديقتي على الموعد لكن تأخرت دقيت عليها الى صوتها متغير قالت اعذريني ولدي تعب اليوم علينا حرارته ارتفعت فجأه و ما اقدر اجيك
طبعا انا توهقت لو بدق على زوجي واقوله راح يعطيني محاضره طويله و راح يقول انتي خسرتيني على الفاضي
:angry:قلت لازم افكر بفكره ثانيه خطر في بالي ادق على زوجي واقوله انا عازمتك ومصلحتها لك مفاجأه طبعا هو مو راعي مفاجأت و لا رومنسيات بس هذا ابسط الحلول كنت دايم اقرا مقولة عاملي زوجك كضيف كنت افكر فيها كثير بس ماجت الفرصه اني اطبقها فهذي فرصتي اطبق واشوف
طيعا دقيت عليه وقلت له انا عازمتك اليوم وكنت مخليتها مفاجأه لك فالبدايه انصدم بعدين قال وبس تلعبين علي اجيب اغراض وفي النهايه ما عزمتي احد طبعا انفعلت وبغيت ارد بس مسكت نفسي وقلت لازم اعامله كضيف والضيف لازم اتحمله مهما كان اسلوبه لانه ضيف عندي
جا البيت واستقبلته مثل ما استقبل ضيوفي طبعا هو تفاجأ ماتعود اني استقبله
جبت القهوه وقدمت الحلا في صحون انيقه اول مره يشوفهم بالعاده استخدم صحون البيت العاديه كان ساكت كالعاده بس قلت هالمره غير هو ضيفي لازم ما اضغط عليه واقول له تكلم
كانت الجلسه هاديه والجو هادي كملت تقديم باقي تقديماتي طبعا في البدايه استغرب الجو لاني عاملته كضيف فعاش الجو و تعامل معي كأنه ضيف فعلا حسيت انه انبسط بالجلسه بس طبعا في المقابل كنت رافعه الريموتات وفاصله الد اس ال على اساس انها زياره رسميه طبعا الزياره كان لها طعم ثاني كانت السوالف غير والجلسه غير حسيت اننا اصدقاء :39:
راح الوقت بسرعه طبعا دقوا عليه ربع الاستراحه و دعني وشكرني على العزيمه و راح طبعا ودعته وداع الضيف بما في ذلك من المجاملات
طلع وبدا مشوار التنظيف بس حسيت اني نجحت في الاختبار حاولت من البدايه الى النهايه اعامله كضيف يعني اختار السواليف اللي يحبها و اترك الشكاوي
عاملته مثل ما اعامل ضيوفي يعني مب كانه من اهل البيت
مهما استفزني كلامه ابتسم لانه ضيفي ولازم احترمه :)
كنت مستمعه جيده حتى لو ما أعجبني الكلام مهما كان هو ضيفي
ماكنت انتظره كالعاده يعلق على حلا معين او يشكر كنت اقول في نفسي ضيف و ما انتظر منه شي
الخلاصه :
حنا بين فتره والثانيه محتاجين لهذي العزيمه مو لازم تتكلفين اهم شي الذوق و الترتيب الحلو و المعامله الحلوه حتى لو كان فيها مجامله
الكثير محتاااااج لحوار هادئ اكثر من حاجته لليالي رومنسيه لانه اذا صلح الفكر صلح الباقي
Rseel** @rseel_1
محررة
يلزم عليك تسجيل الدخول أولًا لكتابة تعليق.
$جرحي عميق$
•
رااااايقه فكررررتك روعه وعرفتي تستغلين الموقف
ححححححححححححححلللللللللللللللللللللللللللللللللللللللوووووووووووووووووووووووووووووووو
فكره عقلانيه مافيها وردمجفف وشموع وخربط بربط
فكره عقلانيه مافيها وردمجفف وشموع وخربط بربط
الصفحة الأخيرة