عزيمــــــــة غدااااااااااء مهمـــه جداااا

من رايي تقدمين نوع واحد من الحلى مع القهوه..

ثم بعد ساعه او نص قدمي الغداء..

واذا جلسوا ..للعصر قدمي شاهي وزنجبيل ..مع مكسرات..

والرز احس مايؤكل اذا كان من برى ..من عندي افضل تطبخينه انتي..والمقبلات سويها من الفجر ..

كلما كنتي بسيطه حبوك الناس ..وحبوا زيارتك ..

تطمني حبيبتي وخلك ريلاكس
اول مايجون لازم شاي وقهوة ومع القهوه حطي تمر ونوع واحد حلى يكون فخم يعني بسبوسه او سنابون
بعدين اذا كان الغدا من المطعم انتي سوي جريش ومرق وورق عنب وسلطه طبعا مع اللبن والبيبسي والمويه وتكون السفره مرتبه وكل شي يلق
بعد الغدا شاي وشاي نعناع وزنجبيل
اذا طولو للعصر سوي قهوه وحلا مرتب
وبكذا تصيرين قمه
اهم شي الترتيب وتكونين مركزه بااطباقك مو تسوين شي كثير وتضيعين وقتك وتتشتتين تفكيرك
اختك خبره عزايم خخخخ
دعواتك لي بالذريه الصالحه وكل محروم

سلام عليكم اذا العزيمة رجال قدمي قهوه مع صحن تمر وحلي وقت مايشربوا القهوة تكوني مجهزة الغذاء لاتتاخري في تقديم الغذاء مع السلطة وبعض المقبلات اذاممكن وحلي الكريمة او مهلبية او عصائر طبيعية مشكله يكون مع السفرة
واثناء الغذاء جهزي الشاهي العادي والاخضر والنعناع وبعد الغذاء مباشرة تقدمي الشاهي وبعض المكسرات في صحون تقديم صغيرة لتوزيعة علي جميع الضيوف

الله يعينك ان شاء الله ويقويك وترفعين راس زوجك

حبيبتي اذا الرز راح يكون من برى ... سوي مثلا قرصان وطبق شعبي آخر

وسوي مثلا 3 انواع سلطه من الانواع السلهه اللي ماتاخذ وقت وتكوني مجهزتها من بدري

لانها تعطي منظر مررره انا دايم اسوي سلطات في عزايمي تزين السفره وهي سهله

وسوي لك 3 صياني بالفرن من الليل وحطيهم بالثلاجه ومن بكرى بس حميهم بالفرن وحطيهم على السفره

من اللي اعتمدهم انا وسهلات صينة الروبيان الصيني عباره عن ( فلفل رومي الوان + ملفوف بالطول مقطع + جزر مبشور + بصل شرايح طبعا كل شي طولي ... حمي تاوة فيها زيت وحمسيها فيها كل هلانواع بعدين اضيفي عليها

المرق وهو عباره عن ( نشا م ص + صلصة صويا + بهارات + ملح + كاتشب 5 م ك + صلصة طماط + ماء ) على حسب الصينية اللي عندك ... بعدين حطي المرق على الخضار وخليها تطبخ نصف ساعه على النار لين تحسينها تثخن شوي بعدين تكوني مجهزة الروبيان تضيفينه عليها وتخلينه 10 دقايق وتطفينها وتغطي القدر وتخليها لين تبرد وتدخليها الثلاجه ومن بكرى بس صبيها في صينية التقديم ودخليها الفرن شوي وقدميها

ان شاء الله يكون واضح شرحي ...

وفيه صياني كثيره هنا في المنتدى دوري على اشياء سهله وحلوه بتلقينها

واذا هم بيجلسون بعد العصر قدمي لهم عصير وكيك و سويه من الليل ودخليه الثلاجه ومن بكرى بالماكرويوف

طبعا كيك العلالي ينفع مررره وحطي فوقه صوص وحركات بيطلع روووعه

وان شاء الله اكون نفعتك بشي بسيط يالغاليه

واهم شي ابي منك دعوة

الله يوفقك وييسر امرك ,, وانا بعد بدعي لك بتيسير امورك

مدامها غداء مافيه داعي للحلا مع القهوه

حطي تمر كم نوع ,, مثلا مع لوز وسكري باطحينه وكذا بدون حلا لانه ثقيل ووراهم غدا


في الغدا مثلاً

الرز + جريش + سوي انوع سلطة مثلاً اربعه انوع الناس صارت تحب السلطات اكثر شي

بتلاقين هنا في المنتدى اشكال تواجهه

خليها في اطباق تقديم كبيرة لا توزعينها يصير شكلها ااحلى

سوي سبرنج روول ونوع جنبه معجنات + سلطه حارة


رتبي السفرة بالمناديل اطقم السفرة مرتبه الصحون متناسقه

والأفضل بعد الغداء شاهي أخضر واحمر ونعناع

وممكن الذا بيروحون بدري ومو قاعدين للعصر او المغرب

قدمي حلا مع قهوه او حلا سفرة

وياكثر الحلويات المجربه في القسم

اطلبي احد يسا عدك من العائله

رتبي المجالس والصحون والبيالات من الليل انا اسوي كذا ومرة ارتاح في النهار .. يعني لما اسوي الشاهي والقهوه ما اقعد وقتها ارتب

بيالات وفنا جيل من الليل كل هذا

رتبي مغاسل الحريم والرجال ووزعي المناديل والصابون والزينه

دخني البيت من بدري

وشغلي فواحه

هذا اللي اعرفه ,, والله يوفقك

ادعي ربي يساعدك ويبارك في وقتك الله يوفقك

حاسه فيك ,, في العزايم اتعب لاني أحب اسوي كل شي لحالي ولا اثق في شغل احد .CENTER]