عزيمه لاهل زوجي , ساعدوني رجــاء

رفع لعيونك

رفع لعيونك

الله ييسر امرك

ع القهوة سوي براوييز حلى مشكل ( نسكافية - مكعبات الاولكر - كب كيك بالتفاح - جبنية و هكذا ؟)
ع الشاي براوييز ( كبة -ورق عنب - معجنات مشكلة )
على العشاء صنية كور البطاطس - مسقعة - خضار - بابا غنوج - تبولة - فتوش - مهلبية - كريمة
إذا تبيني أساعدك راسليني ع الخاص انا من الرياض وأسوي لك براوييز الحلى و المعجنات و اللي تبين يا الحبيبة

هذي بعض طرق الحلى اللي مسجلتها عندي من عالم حواء ومجربتها


حلى سهل 
الطبقة الأولى:بسكويت شاهي يرص في صينية بايركس مقاس وسط.
الطبقة الثانية:ضعي في قدر على النار 2حليب صافيو بنكهة الشوكولاتة+2ملعقة كبيرة نشا+فنجان قهوة سكر+فانيليا يحرك حتى يثخن قوامه يصب فوق البسكويت ويترك في الفريزر 5دقايق.
الطبقة الثالثة:ضعي في الخلاط واحد قشطة+2ظرف دريم ويب+بيالة شاهي حليب سائل بارد+سكر+فانيليا توضع على الطبقة الثانية ويزين الوجه بخطوط عشوائية بالهيرشي ويترك يبرد في الثلاجة.

تشيز كيك الجالكسي )
المقادير 
الطبقه الاولى 
كيكة الشوكولاته الجاهزه (بيتي كروكر
الطبقه الثانيه 
2 ضرف دريم ويب 
علبة فيلادلفيا او 12 حبة كيري 
نص علبة حليب نستله 
علبة قشطه 
الطبقه الثالثه 
3 حبات جالكسي 
علبة قشطه.... بحمام مائي
نخلط الكيك زي الطريقه المكتوبه بالضبط 
وهنا راح نحتاج ثلث الكميه او بالكثير نصها ....نبي الطبقه تكون خفيفه 
الباقي سوي فيه كب كيك 
وندخله الفرن لحد ما يستوي 
على بال ما يبرد 
نخلط الطبقه الثاني
نحط كل المقادير ... 
بعد ما نخلط ....نحطها على طبقة الكيك ....ودايركت على الثلاجه 
لحد ما تجمد 
والافضل اذا بتسوينها....تكون قبل بيوم عشان تتماسك مضبووووط 
....لما تجمد الطبقه الثانيه 
نسوي الجالكسي بحمام مائي مع القشطه 
 
ونصبها على الوجه ...ونجملها بجالكسي مبشور 




حلى سهل 
انا استخدمت الصينيه الكبيره اقصد البايركس 
المقادير والطريقه
4 باكتات بسكوت شاي الصغير 
5 باكتات بسكوت اوريو اللي فيه 6 حبات يعني يطلع العدد كله 30 حبه اوريو
تكسرينه كسر متوسطه تميل للصغر
واخلطيه بيدك زين
وبعدين حطي بالخلاط:
4 اظرف دريم ويب
بيالة شاي حليب سايل باارد
اخلطيه بعدين اضيفي على البسكوت وبعدين
2 علبه قشطه
نستله صغير 
8 حبات جبن اي نوع
اخلطيه زين
وصبي اكثر من نصف الخليط بشوي على البسكوت واخلطيه بالملعقه زييين
وواسيه بالصينيه واضغطي عليه زيين عشان مايتفكك معك بعدين
بعدين صبي باقي الخلطه اللي بالخلاط وواسيها
وزينيه باللي تحبين او خليه ساده حلو 
ودخليه الثلاجه يبرد



بسبوسة الدريم ويب
القادير والطريقه
1كاس ماء
ثلاث ارباع كاس زيت
كاس سكر
كاس وربع سميد
1ملعقه كبيره باكنج باودر
2وربع كاس حليب بودر
تخلط جميع المقادير بالخلاااط ..
نضع نص المقدار بالصيني
وندخلها الفرن من فوق وتحت لحد ماتتحمر نص ساعه تقريبا
ثم نخرجها ونضع عليها الحشوه المكونه من 
كاس حليب جاف 
2كاس ماء
8ملاعق نشاء 
نضعها على النار ونحركها حتى يغلظ قوامها ونضعها بالخلاط مع باقي المقادير المكونه من 
2جبن كيري
علبة قشطه 
ظرف دريم ويب
2فنجال سكر..
ونخلطها جيدا ..
ثم نضع الحشوه فوقها وندخلها الفرن من فوق خمس دقائق فقط ..
واذا تماسكت نخرجها ونضع باقي الخليط عليهاوندخلها الفرن ونولع عليها من فوق تحمر شوي 
 واذا طلعت نسقيها بالشيره وندخلها الثلاجة تبرد


- الجبنيه المحشيه
بالخلاط
كأس لبن + بيضه + فنجان قهوة زيت + ملعقة كبيره خميره مو مليانه طبعا + ملمعقة صغيرة بكنج بودر
يصب الخليط بزبديه ويضاف له ملعقة صغيرة مليانه حبة سوداء
وتعجن ب 2 كأس دقيق
تترك نصف او ربع ساعه بمكان دافي ممكن داخل الفرن لحد ماتتخمر 
تفرد
وتقصص صغير
تشكل بقالب السمبوسه الصغير وتحشى بالجبن أي نوع
واسقيها بنستله وهي حاره



جوزية بالقشطة
المقادير مع الطريقة
2 بيض _ كأس جوز الهند _ نصف كأس زيت _ كأس لبن _ 2 فنجان قهوة سكر تخلط مع بعض ثم نضع نصف كأس دقيق وبكنج بود
وادخلها الفرن من تحت حتى تنضج واحمرها من فوق
اذا خرجت نشربها بالشيره
واذا بردت ندهنها بالقشطة (قشطة تاج
ونرشها بالفستق



حلى الكيري
نشقر كوبين حليب بودره عالنار
ونضع في إناء العجن علبة قشطه و نص كوب سكر وثلث كوب زيت 4 بيضات وملعقه كبيره بيكنج باودر
ونخفقهم مع بعض
نضيف حليب البودره عليهم
ونخفق قليلاً << ماتاخذ وقت
ندهن صينية بايركس متوسطه ونصب الخليط فيها
نساوي الخليط
وندخلها الفرن مشعلينه من قبل ب 10 دقايق
ونخليها تستوي تقريباً 20 دقيقه الفرن من تحت فقط
ولما تقارب على الاستواء نضع في الخلاط علبة حليب نستله كبير و 8 حبات جبن كيري
ونخلط 
وبعدين نطلع الصينيه من الفرن 
و نصب عليه خليط الكيري ونساويه بالملعقه بطريقه خفيفه
نرجع الصينيه بالفرن 5 دقايق فقط وانتبهو لاتشعلون الفرن ابد اذا تماسكت الطبقه اللي فوق ونزينها بالهرشي وبعدين ندخلها الثلاجه تبرد وتقدم

حلى الكانشون
ملاحظة الحلى ينحط في الثلاجة يوم كامل واذا تبغين ممكن تحطيه في الفريزر ويطلع زي الايسكريم
المقادير
طبعا المقادير انا ضاعفتها وخليتها 4 دريم ويب الكرتون اللي يجي فيه ظرفين + 3كريم كراميل + 2كرتون بسكويت الباندا + علبتين ونص كيك ساريتا + 4فلوتات جالكسي + 3علب قشطة + علبة ونص حليب مكثف العلبة الصغير + فنجال حليب سائل ....
نخلط القشطة + الكريم كرميل + الدريم ويب + الحليب المكثف + الحليب السائل مع بعض لحد ما تصير كثيفة
اثناء خلط المقادير نقطع الكيك الى شرائح
ونرصها في القوالب اللي بنستخدمها
الحين نحط فوق الكيك من الخلطه
نجي الحين للتزيين وانا زينت ببسكويت الباندا والفلوتات
وننثرها على الحلى

هذا الحلى ينفع للعشا

اتمنى اكون افدتك

حاولي تسوي اشياء وتفرزنيها عشان مايكون تعب عليك

يعني مثل سمبوسة البف والسبرنج رول والكبة والكفته

كمان ممكن تقصصي الخبز مربعات صغيرة وتحطيه في كيس في الفريزر ووقت العشاء طلعيه واقليه وحطيه ع السلطة

وبالنسبة لحلى القهوة ممكن تسوي اشياء تحفظ لفترة مثل المعمول والبيتفور والجوزية يعني حلويات تقدري تسويها قبل

بفترة والله يعينك ويقويك