تدرون وش قصدي..؟
أحذركم أحذركم أحذركم
ترا والله لو ما سمعتوا النصيحة بتروح كشختكم في خبر كاااااااااااااااااااان
يعني لو ما تعبت كان أحسن
تجنبي ما يلي (اقرئي بتمعن)::34: (قوية)!!!!!!!!!!!
العلك
اسوأ منظر ممكن تشوف عليه البنت وهي تعلك العلكه..(جغ ..جغ ..جغ) يعني الملامح تتعفج..والانوثه تروح في خبر كان...واللعاب يطشر مع كل كلمه.
.فيا عزيزتي..تجنبي العلكه في اي مكان عام تتواجدين فيه...وطبعا ماهي ممنوعه..بس في البيت..مع صديقتي المقربه...بس مع الناس وفي المناسبات الاجتماعيه..بليززز لا تعلكي ...فتراه ينافي اتيكيت المرأه الراقيه
وخاصه في الزواجات..تجيك البنت ضاربة بعمرها الشيطان الرجيم من الكشخه والمكياج ورزة العمر...بس للاسف قاعدة تعلك بضراوه ...تقل بينها وبين العلك ثار قديم..واللي يزيد الطين بله..لاجت ترقص..مدري كيف توازن بين عملية العلك وبين هز ياوز.....
يعني منتهى البشاعه...مهما كنتي متشيكه..تروح الشخصيه في خبر كان والسبه..العلك ابو نص ريال..يعني كشخه مكلفه كم الف ..يطيرهاّ علك ابو نص..
رأي سليم انا أوافقهااااا فيه 100 %
الصوت العالي وسرعة الكلام
الصوت العالي اسوأ صفه تتصف بها بنت...لان الصوت العالي من سمات الرجال..اما البنت لازم صوتها يكون منخفض..وكلامها مرتب...وحكيها مترابط وبدون عجله..فعلى ايش الصراخ والسرعه في الكلام..؟؟؟.منتي ملحوقه بعصا..خاصه ان السرعه في الكلام من اهم اسباب حدوث حوادث في وجيه من يقابلك $:
ولو كان هاذي طبيعة فيك..فالتمرين هو احسن طريقه لك...تدربي على ضبط التون حق صوتك..وحاولي كلما فلت منك الزمام انك تتمالكين نفسك مره ثانيه وتتكلمين بصوت رايق ..وبدون سرعة في الكلام..لان البنت تزداد جمالا وجاذبيه بالصوت المنخفض والكلام الرايق...فلا تلومين الناس ان شفتيهم يكرهون التعاطي بالكلام معاك او حتى تشوفينهم يضحكون عليك او يعلقون على طريقتك..لانها فعلا غلط
وانا عن نفسي بديت التمارين :01:
بكم شريتي هذا؟؟
كثير من الجنس اللطيف..يحبون اللقافه...واسوأ انواع اللقافه..سؤال بطلت موضته وصار اولد فاشن..اللي هو( بكم شريتي هذا)
اكثر شيء ممكن ينفر الناس منك..ويعطي انطباع بأنك قرويه او مشفوحه..لما تشوفين شيء عاجبك وتسألين صاحبته بكم شريتيه؟؟؟
طبعا حلو ومن اصول الاتيكيت انك تثنين على شيء عاجبك امام صاحبته مع ذكر الله..بس حذار من السؤال الشعبي بكم خذيتيه..؟
لانك تحرجين نفسك وتحرجين المسؤله..وهذا يتنافى مع قواعد الاتيكيت..واصول التعامل الرفيع مع الناس...
احتضان الجوال
اول ما ظهر الجوال وبعده بكم سنه كانو الناس يمشون وفي يدينهم الجوال..مدري يمكن يخافون ينحاش منهم لدرجة انهم يمكن ينامون وهم حاضنينه....وكانت النساء صغار وكبار..في المناسبات والاعراس..تمشي وهو في يدها(من زود التشخيص)
وكانو بعد يرقصون وهم ماسكينه( متلطمه من الفشيله لهم)
وبصراحه ترا هالحركه قديمه لكن للاسف كثير لازالو ما يقومون ولايقعدون ولا يرقصون الا بالجوال..وصدقوني تراها حركة قرويه..وتثير السخريه منك..فتخلي عن هالحركه..واتركي جوالك المحروس في الشنطه.....واللي يلزم ان الجوال يكون بيدها على طول ممكن اخت العروسه او اخت العريس..او ام العروس او العريس..
فانتبهي عزيزتي...لهالنقطه بليزززز...
بكل مكان ،، خلي الجوال بمكان بحيث تصلين له بسهوله وتسمعينه بس بدون ما تثيرين الشكوك حولك،، او تخلين للناس مجال يتكلمون عنك ،، حتى انه ممكن العالم تشك بأخلاقك من كثر ما راح يكون بيدك
شي نشوفه كثير
كثرة تحريك اليدين اثناء الكلام وهز الارجل
ايضا لوكنتي ممن يعبرون بايديهم اثناء الكلام حاولي التخفيف من هالعاده..لانها كمان تنافي اصول التصرف السليم ...الافضل الكلام والايدي تكون قدر الامكان ماتتحرك الا بشكل بسيط وبنعومه..مو كأنها مساحات سياره
وثقي ان كلامك معبرّ وواصل بدون مساعدة مؤثرات طبيعيه اخرى..
وبعد انتبهي من عادة هز الرجل اذا كنتي جالسه مع الناس..لانه يعطي انطباع انك قلقه..وكمان تصرف غير لائق امام الضيوف او المدعوين...
كلام حلووو
معركة البوفيه
في المناسبات والاعراس عندما تفتح ابواب صالات الطعام..تنطلق افواج الجنس اللطيف هاجمه على البوفيه..ويبدأن في اختطاف الاطباق ..والاخذ من كل الأصناف دون مراعاه الآداب ،،
واقول هالكلام لاني اشهد هالشيء وبدون مبالغه في كل مناسبه تقريبا...البنت او السيده تجيك في الزواج كاشخه..وثقل..و مكياج وتسريحه.وفستان روعه..لكن عند فتح باب صالة الطعام...يوووووووووو..تنكشف الاقنعه..وتروح هالشخصيه.وتشوفها تهرول ناصيه البوفيه ..وناتفه الصحن وماسكه السرا
وفيه منهم من هي تتصرف بذهانه وتمسك صحنين مع بعض
وهات ياغرف من كل صحن تمر جنبه
اول شيء ترص من هالمقبلات...ثمين الرز والمكرونه والمحشيات والايدامات..ثمين ترص من الاكل الشعبي..
ماهي مبالغه..شوفة عيني
وبعدين تروح تجلس جلسة المنتصر بعد انهاء مهمتها بنجاح..واستغرب كيف تاكل هالخبصه هاذي..كل شيء داخل على بعض..وتلاقي الصحن اللهم ياكافي صاير هرم :036: من رص الاكل فوق بعضه
وتبدا تاكل لقمه لقمتين..ثمين تقوم وتترك الصحن ممتليء وحوسه عقبها <<< اكره هالحركه
يعني بالله كيف بتاكل والصحن على هالهيئه المقرفه..الله يكرم النعمه ويديمها
يعني اسأتي للنعمه واسأتي لنفسك وعبرتي اسوأ تعبير عن شخصيتك بهالتصرف الغير لائق بالمره
اولا البوفيه مايكون بمسك السرا وانما لازم من وجود فراغات بين المدعوات عشان كل وحده تتصرف وتغرف بحريه..وسكب كميه قليله تناسب نظام اكلك...والجلوس الى الطاوله وتناول ما سكبتيه في صحنك ،، وبالعافيه
وبس ..واذا خلصتي..احمدي ربك واشكري اهل الدعوه :)
ان تصرفك اللائق يكمل جوانب شخصيتك...ويزيدك تألقا وجمالا..ويكسبك مهابه واحتراما واعجابا..فلا تترددي في التخلي عن العادات الخاطئه..واكتساب الاشياء الجميله في شخصيتك...
وهناك اصولا اخرى لم نذكرها مثل اداب الاكل والمائده...واصول استقبال الضيوف وتضييفهم..
اشياء كثيره .. من الافضل ان نتعلمها..
وطبعا اي وحده من اخواتي الغاليات بتضيف شيء مفيد في مجال الاتيكيت وحسن التصرف..المجال مفتوح لها..والموضوع موضوعها
اتمنى من الكل المشاركه والافاده والاستفاده..فالبنهايه الكل مستفيد...
لحن للقمر @lhn_llkmr
محررة
يلزم عليك تسجيل الدخول أولًا لكتابة تعليق.
والله انك صدقتي في كل شي .. أما البوفيه اففففف ينرفزوني البنات كأنهم طالعين من مجاعه والحمص على العباية وتصير حوادث ... لا تعد ولا تحصى .. الله يهديهم بس ...
برق ورعد
•
والله انه هذا اللي يحصل دائما ليت الناس تفهم وتعقل
لا وازيدك من الشعر بيت بعضهم يعبي الصحون في اكياس وياخذونه البيت كن ماعندهم اكل في البيت
لا وازيدك من الشعر بيت بعضهم يعبي الصحون في اكياس وياخذونه البيت كن ماعندهم اكل في البيت
هلاوين اختيـ لحن للقمر
موضوعك بالمره حلووو ولزيز
لكن الي يسئلون " بكم شريتي هذا " فعلا ينطبق عليهم الي قلتي لــكن فيه الي يسئلون سؤال ثاني الي هو
" من وين اخذتي هذا او من وين شريتي هذي ؟؟ وش رايكم فيهم وهل هو سؤال عادي وحلو يخلي الوحده تنبسط ان عندها شي حلو يسئلونها الناس عنه ولا بعد قروي :o
اما بخصوص الرقص بالجوال من جد يجيب لي التقزز من صاحبته مدري ليه .. تلاقينها خايفه يتصل احد من نساء الاعمال وهي ترقص عاد تعرفين صعبه ماترد خخخخخخخ
ويسلموو دياتك ياعسولة ع هالموضوع :26:
..
.
الصفحة الأخيرة
ههههههههههههههههههههههههههههههه
صاددددددددددددددددددددقه بكل الي قلتيه