السلام عليكم ورحمة الله وبركاته
كيفكم يابنات عساكم بخير
بفسر لكم اليوم مثل دايم يقولونه اخوانا المصريين الله يمسيهم بالخير القانون لايحمي مغفلين
ومنها اقول هالكلمه اللي بقلبي وهي...............
عز الله هالشوارب ماهي على رجاااااااااااااااااال
واقولها بالفم المليان وحسبي الله عليه دنيا واخرة والله لايحللة ولا يبيحة ابد
خلوني اقولكم سولافتي من اولها
والله اني بفرقع من الحره وبموت قهرررررررر
هالشايب هاللي ضيع كل المبادى وخان دينه ومبادئة بكل وقاحه عشان وصخ دنيا ......وهاكم السولافة
قبل فتره انصدمت سيارتنا وهي واقفه بالشارع وابني الكبير كان فيها والصدمه جت قويه عالكفرات وحطمت السيارة من تحت عالاخر ونزل ولدي يطمن على السايق ,, طلع ولد مراهق صغير ويتنطط مافيه الا العافيه
واتصل الولد ببوه واخوانه كل العايله جت تطمش وتشرف على الحادث وكلن بسيارة شكل ولون وقلنا الله يزيد المسلمين اهم شي ولدي وولد الناس بخير وحمدنا وشكرنا ربي على السلامه
وتعالوا شوفوا لسان هالشايب الحلو اللي ينقط عسل وطلعت سيارة ولدهم ايجار بالشهر 3الاف ريال يعني هاللي مستاجرين لهالبزر هالسياره لازم يتحملون غشامته بالشارع
والحين جاء دور تصليح السيارات طبعا الابو تزهل وتكفل بكل شي وطلب من ولدي بحكم كبر سنه انه يسعى بالاوراق ويخلصها عشان ناخذ التامين ونصلح السياره وانه يسهل الامور لان ولده صغير وهو مو قد المرمطه بالاقسام وكنا على وشك سفر للرياض قلنا الخيره فيما اختاره الله وكل تاخيره فيها خيره
طيب عيالك وينهم يوم انك تطلب من ولد الناس يتزهل ويشد حيله ويراكض بالاوراق وانت وعيالك مكبرين الوسادة
وقلت لولدي يالله احتسب الاجر وخلص الاوراق خلنا نسافر قبل لايتفرقن خواتي وكلن تروح بيتها لانهن متجمعات بالرياض
وعيوا مكتب التاجير يسوي الخطوه الاخيره بالاوراق على اساس يطلبون الرجال الف ريال
وكلمه ولدي وقاله ياعم خلصنا الله يرضى عليك وقام الشايب كلمهم وتهاوش معهم وخربهاااااااااااوكان بايع عالاخر حتى ولدي استغرب طول السنتهم وانهم ماحترموا بعض وقام الشايب قال انا الحين بعيد بعزا بنت اختي متوفيه .............ابوك يالسذذذذذذذذذذذذذب ورح ارجع العصر ورح احولك المبلغ وخل مكتب الاجار على جنب انا اتفاهم معهم لرجعت بس انت خلص الاوراق وتنازل ياوليدي عشان يعطونك المرور ورقة التصليح وتخلص ماقصرت ياولدي وبيض الله وجه ورح احولك المبلغ اول ماخلص العزاء وقلنا يالله خلك مع الكذاب لغايت باب الدار
وقال ولدي وش رايكم قلت ياوليدي مو معقوله يكذب سنه وعمرة وشيبته ماتسمح انه يكذب وعياله طوله وشكلهم مرتاحين ماديا
سامح واكيد بيدفع مو معقوله بيخون فينا وتنازل وليدددددددددددددددددي
وتعالوا شوفوا الشايب يوم كلمه ولدي وقاله تنازلت ياعم
قال الشايب انا والله توي بحولك المبلغ اللي تحتاجه بس والله الصرافة بلعت البطاقة
واحنا بصراحه قلنا لولدي روح ثمن تصليح السياره اذا شي بسيط صلحها انت وخلنا نسافر بس لما راح يثمن الصدمه قالوا اقل شي 3الاف ريال وحنا ورانا سفر وولدنا بيروح يدرس بالخارج محتاجين كل ريال
والله يغنينا بحلاله عن حرامه ولا يحيجنا لاحد
وعقبها يابنات والله هالشايب اللي مايخاف الله بدأ يعطي ولدي مشغول و يقفل بو جهه واذا ازعجة ولدي قفل الجوال
وعطانا كف على الرقبه معتبر
بالله عليكم حنا غلطنا يوم وثقنا فيه ورحمنا شيبته وماجريناه للسجن مع ان راع المكتب قال يحق لكم سجنه لما يعطيكم حقكم وترى عادي جرووووووووووه للقسم بس والله مانسويها وحنا عيال الطنايا
والله لايحله ولايسامحه ولايرحمه بهالرمضان اللي خلى عيالي الله يحفظهم تتغير وجهة نظرهم بشكل كبير عن التسامح والرحمه واحترام الكبير والثقه بالناس
واستسهل انه يخون مبادئه عشان كم الف
بس الاكيد ان القانون لايحمي مغفلين مثل حالي ......احسب الناس كلها مثلي
والله اني ميته حرة من هالشايب اللي ماخاف الله واستسهل اللقمه الحرام بفمه وبفم عياله وباع ضميره
لكن من الحره اخذت جوال ولدي وكتبت له
حنا بيضناها معاك وتنازلنا ووثقنا بكلمتك وانت سودتها و نتلاقى يوم تتقابل الخصوم يوم القيامه والله لايحلك ولايبيحك ولايرحمك بهالرمضان
لاانت ولا عيالك
وبقولكم قبل لاختم عندي ولد عياااااااااااااااااااار تسلط عليه كم يوم يدق عليه كل صلاه بالذات صلاة الفجر ويرسل له رسايل قمت صل يالشايب قبل لاتموت ويحطك ربي بالنار .........بصراحه مت ضحك وحلفت على عيالي انهم مايدقون عليه ولا يرسلون له ومسحت رقمه من جوالات عيالي كلهم ...ولقيتهم كاتبين عند اسمه الحرامي واللي كاتب النصاب ............هههههههههههه
عاد تبون الصراحه قمت احط له اعذارله وماارتحت لما اخذت اسمه وسالت ناس من قبيلته عنه
ماتوا من الضحك قال وش عرفكم فيه هاذا اكبر نصاب ولوقي بالقبيله وعلى مستوى عالي
استغفر الله واتوب الية الله يرفع عنه ولا يبتلينا
حبيت افضفض وافش غيضي منه عندكم
والله يبعدنا عن كل مايغضب الله ويهدي عيالنا ويرحمنا برحمته دوم وينعم علينا بفضله
اختكم المهتاشه اليوم لانها مفلسة وتبي مارينا مول
اخت الغلا كله
اخت الغلا كله @akht_alghla_klh
كبيرة محررات
يلزم عليك تسجيل الدخول أولًا لكتابة تعليق.
الحاجه شيخه
•
الله يعين
الحمدلله على سلامة ولدك
معوضين خير ان شاء الله
ولاتستغربين وانا اختك كثير اللي مايخافون الله
معوضين خير ان شاء الله
ولاتستغربين وانا اختك كثير اللي مايخافون الله
هههههههههههههه استغفر الله
الله لا يبلانا بس!!
وعيالك الله يصلحهم ويخليهم لك
ولله اعجبتني حركتهم يرسلون عليه^_^
ولله لا قعدت افكر بالظلم ابتسم غصب عني
لامن تذكرته قوة الظالم عند قوة ربي وجبروته
الله المستعان بس!!
الله لا يبلانا بس!!
وعيالك الله يصلحهم ويخليهم لك
ولله اعجبتني حركتهم يرسلون عليه^_^
ولله لا قعدت افكر بالظلم ابتسم غصب عني
لامن تذكرته قوة الظالم عند قوة ربي وجبروته
الله المستعان بس!!
ياخسارة كلمة رجل عليه.. ونشره على الحريم..!! اللي يتسلفنّ ولا يردنه..ياليتني كنت رجلاً ..يحمل شارباً..ويقدرّ ثمنه الغالي جداً...
الصفحة الأخيرة