عساك ماتجيبين غير ماجبتي طعني بالصميم 😭

السلام عليكم
بنات انا زوجي وعمامي اخوان ابوي يصيرون عيال عمي فكل العايلتين مايحبون بعض اعداء لكن ينافقون بالعزايم يتواجهون الاغلب

انامن سنين كل ماتصير جمعه مناسبه عيد تمايم فبيت عمي الكبير ينجن علي يبي يقطعني منه ومن الحريم وبنات عمي وحريم حمي جماعتي الكل يعني حتى يوم اسير عليهم ماعرف اسولف اتوتر ماتكلم مافي. سوالف من قل ماجي اقاربي وكأني غريبه عنهم

المهم البارح صار تمايم هو ماحد عزمه بكلامه عيال عمي يصير زوجي خالهم قلت ماني متكلمه يما اجهز دامه مااطرا لي عزايم يوم جت الساعه 6ممكن قالي في واحد عزمته يبي يجيني وغسلي القدر وجهزيه لي فعلمته قلت فيه تمايم ليه ماتبي تحضرها قال مادريت ولاني رايح قلت وانا من يوديني قال ولدك ولا السواق سكت يوم جت سبع ونص كلمته وينكم هو طالع مع عيالي قال جايين مااطرا لي شي خوذي العيال مثلا ماتكلم رحت ابلبس وااستشور توي ماخذه شور وبنتي صياح اقلقتني فجدا مشغوله بنفسي جو ومرسل العيال علي تنكيد بس قالو يماما وش نلبس اللي علينا قلت خير انشاءالله على وين قال ابوي يقول تروحون مع امكم وانا يطق بي عرق واصارخ وحالتي حاله قلت مافي روحه ويسمعني. قال الا يروحون ماجاء كلمني لا مرسل عياله اكثر استفزاز وكلمته مع الطريق ماقال جهزيهم فكلمه مني وكلمه منه مايروحون الا يروحون قلت اذا انت تبي تحضر بكيفك معك لكن انا انقلهم عند الحريم قال يروحون عند الرجال قلت انا مابي اجرجرهم كلهم خمستهم معي ليت نسلم بس من عيون الناس قال لا ماعليه يروحون يكلمني بروود وبروده هو متعمد يستفزني وانا محترقه قلت وش قصدك يروحون وصل انتم متورثين القطاعه وراثه ولا اكل واكل اسويلهم اطلق كبسه الحين غيره قال لاوالله ماهو وصل قلت عدوانك وش تبي اجل يروحون عيالك يم عمامي قال يتعشون وصارت الساعه ثمان وحنا مشاكل قلت ايه من البس هذا ولا هذا ولاهذا وفلان حتى ملابسه ماغسلتهن تبيني اخذه ولدي ابو ثلاث سنين يبني انقله معي رايح اتونس مو يشغلوني المهم يوم قلت من البس واعددهم قال عساك ماتجيبين غير ماجبتي قلت لاشوف جنبك على جنبي قال ابركاها ساعه ويلعن ويشتم وقال لولدي الكبير رح ود جدتك قلت بالله الروحه عشان عمتي تبي تروح لو انه انا حرمتني ماني رايحه اعرف حركاتك تبيني اقعد اقعد قال العيال يروحون يتعشون مع جدتهم قلت والله لااخلي ابوي يجيني من نص عشاااه قام يتنافض قال والله ماتروحين معه لو يجي قلت بالله تبين تروحي روحي مع امي وولدك قلت متى اخلص متى البس عيالك يوم راح الوقت قال الصغار يقعدون والكبار يروحون قلت ماني مخليه ولدي لحاله اقصد ابو ثلاث سنوات يبيني اعتمد على اللي برابع وبثاني قال اجل يقعد فلان اللي باولى متوسط وولدي الكبير بثالث متوسط وطلع واجلس ابكي الوجهه تنفخ والمود خرب شرهان اخليه عندهم قهرني قهرني يعني ماشين ماشين تقل بمجاعه افريقيا خايف عليهم من الجوع مثلاً المهم
هو يدري اذا قال خوذي عيالك اقعد كم مره يسويها بي واكلم امي وعلمتها قالت امشي بس لو تزينين عندهم ركض ركض روحه نكد بس ابلهده وابشوف الناس ويوم مشيت كلمني ابوي اجيك قلت لا مشيت. عاد بعدين يلعمني ابوي لاني قلت يقول ماحد عزمه قال خالهم ليه ماعزموه فقالي يقولون عزمناه ولقيناه بالسوق مع عياله وعزمناه وقال انا بسافر للديره الفلانيه ماقدر احضر يتعذر مايبي يواجهم يعني عازمينه يوم جاء هو وعياله بس ماتكلم ولا سولف معي لا حطني تحت الامر الواقع يدري اني ماراح اخذهم عيال اصغرهم بثانياجليهم عند الحريم وش ابيبهم لو بنات ممكن يناشبني عليهن وابو. ثلاث سنبن بيشغلني ليه اوجع راسي من البدايه الحمدلله بيتهم ماعليهم رجال يفهمون عالتلفزيون وجوالي الثاني اعطيه الصغير يما اجي والعشا اجيب معي ولولا المشاكل مسويه رز ابيض بس احرق وقتي كله ضيعه فاجاني وغبني بنفسي الحين ابي اقهوي زوجه عمي شلون اللي التمايم لولدها نتمشكل بعد عاد ماكلمه ولا اطالع بوجهه وساكته عنه ماكأن له وجود من البارح