اخواتي بعد تجربتي مع العسل في علاج التهاب العين حبيت اشاركم الطريقه من باب أحب للناس ما تحب لنفسك
سبحان الله احيانا العلاج يكون متوفر بالبيت واحنا نروح ناخذ من المضادات والكرتوزونات اللي تضر العين
اكثر مما تنفع
قبل اسبوع تقريبا طلعت آخذ كم غرض وكان فيه هوا وغبار ورجعت البيت وعيوني حمرا وتحكني وقلت اكيد شوي وبيروح كل شي المهم غسلت عيوني ورحت نمت وصحيت بعدها بساعتين وعيوني نااااار وتحكني بقوه
وما قادره اصبر و الكل كان نايم احترت وش اسوي فكرت احط زيت زيون بس ترددت فدخلت النت اشوف شي سريع يهدي عيوني فطلع لي على طول الدكتور عبد الباسط ويتكلم عن علاج العين الملتهبه بالعسل
وقطرة العيون الدمعيه والحمد لله كان عندي قطرة هاي فرش بحطلكم صورها ومقطع الدكتور عبد الباسط
المهم فرغت ثلث القطره واضفت عليه عسل لانجنيز الألماني ذكرت لكم الاسم عشان اوضح لكم الي فادني والحمد لله ورجيت العبوه ونقطت بعيني حسيت بحرقان لمدة ثواني وبعدها حسيت براحه غير طبيعيه قدرت بعدها ارجع انام والله اني دعيت للدكتور عبد الباسط وهو لا يعلم من كل قلبي
واستمريت كل ست ساعات بكل عين نقطه لغاية ما شفيت عيوني لان اللي كان فيها التهاب شديد
بعد استخدام القطره بالعسل صفيت عيني وزال الاحمرار والحكه وصارت مره رطبه وما فيها جفاف
والقطره بالعسل مهم تحفظيها بالثلاجه
وهذي صورة قطرة هاي فريش اللي استخدمتها وممكن تستخدمي اي قطره دمعيه
وهذا عسل لانجنيز الألماني مكتوب عليه عسل الغابه السوداء
وهذا مقطع الدكتور عبد الباسط السيد يتكلم فيه عن علاج العين بالعسل
لو استفدتو من الموضوع ما ابي الا دعوه في ظهر الغيب لاخت محتاجه دعواتكم
احبكم في الله
استغفرالله العلي العظيم واتوب اليه ..