عسل وحبة سوداء شيء فوق المتوقع!

السلام عليكم ورحمة الله

اولا شيء حابه اعلمكم بأني ماشاء الله ماتمر شتويه ولا بدايتها ولا نهايتها ولاتقلب جوي الا لازم اتعب
ولا مضاد يفيد ولا علاجات وتطول معي وتهدني هده

وانا عند محل عسل لقيت عسل سدركشميري رخيص اذكره بخمسين ريال اخذته وصرت اول ماصحي اخذ معلقة عسل وسبع حبات ووراهم كوب ماء وكان العسل لذيييييييذ لاني ماحب طعم العسل
بس عسلهم كان لذيذ فخلاني استمر
الى ان انتهت العلبه

ولاني كسوله مثل ربعنا ماعاد رجعت اكل

لكن الشي الغريب ان تمر سنه كامله بدون ماأمرض لاقبل ولا بعد والحمدلله
سنه كامله قابلت العافيه

وبعد هالسنه قرب الشتاء ولاني منقطعه عن العسل بشكل مستمر
انمرضت وانحست والحمدلله

الخلاصه بعدها قلت بخاطري تعب وادويه ونتمنى العافيه باي طريقه وانا منا لناس الى لامضاد ينفع
ولا اعشاب تنفع

وعندنا عسل بخمسين ان ماغلي العسل:42:

ويطول وحبة سوداء

فليه العجز؟


واكيد لهالملعقه فوائد ثانيه وهي بس ملعقه
وماجلست فوق السنه ربي حافظني بحفظه الا بسبب ان الجهاز المناعي صار اقوى
والجهاز المناعي يعطي مناعه ضد امراض كثيره مو بس تعب الشتاء وامراضه
غير ان قوة المناعه سبب بإذن الله لرد العين والسحر والمس

والله على كثرة ماقريت من مواضيع بالاعشاب والصحه
الا اني مؤمنه بأن العسل والتمر وزيت الزيتون والتين من أهم الاطعمه
ولو فيه بعد موية زمزم ياسلام
والخل الطبيعي بعد

وهذا موجود بالقرآن والسنه النبويه ومايذكر الا أفضل الامور النافعه للعبد


أتمنى يارب ان يكون لموضوعي فائده وتنتفع فيه اخياتي


ملاحظة مهمه:

قرأت بأن من فيه ربو لابد يطحن الحبه السوداء,ولابد عدم الزياده عن سبع حبات,والحامل تمنع منه